MUMBAI SAGA: 3 એન્કાઉન્ટરમાં 7 ગોળીઓ વાગી છતાં જીવતો બચી ગયો આ ગેંગસ્ટર, જાણો દાઉદના દુશ્મનની કહાની

'મુંબઈ સાગા' એક ફિલ્મ છે, તેથી તેની વાર્તામાં કલ્પનાની સંપૂર્ણ સ્વતંત્રતા છે. આ ડોન ડી કે રાવના જીવનમાંથી પ્રેરણા લઈને બનાવવામાં આવી છે. જેઓ ડી કે રાવને નથી જાણતા, તેમના માટે એટલું જાણવું પૂરતું છે કે એક સમયે તેણે મુંબઈના અડધા ભાગ પર શાસન કર્યું હતું. પરંતુ એવું કહેવામાં આવે છે કે દાઉદ ઇબ્રાહિમ ખુદ તેની જીંદગી પાછળ છે. એક સમયે ડી કે રાવને છોટા રાજનનો જમણો હાથ માનવામાં આવતો હતો.

ડી કે રાવનું નામ રવિ મલ્લેશ વોરા છે. રવિ મલ્લેશ વોરાનો જન્મ મુંબઇના માટુંગા વિસ્તારમાં ચૌલમાં થયો હતો. 80ના દાયકામાં, જ્યારે મુંબઇ આધુનિકતાની દોડમાં આગળ વધી રહ્યું હતું. ત્યારે રવિ મલ્લેશ પણ ડી કે રાવ બનવા તરફ આગળ વધી રહ્યો હતો. તે કદાચ અંડરવર્લ્ડનો એકમાત્ર ગુનેગાર છે. જેનો પોલીસ સાથે ત્રણ એન્કાઉન્ટર થયા હતા અને તે ત્રણેય વાર બચી ગયો હતો. ડી કે રાવ ડોન છોટા રાજન માટે કામ કરતો હતો. તેની સામે ખંડણી , બેંક લૂંટ, ખૂન, ધમકીઓ સહિત અનેકો કેસો છે.

રવિ મલ્લેશ વોરા ઉર્ફે ડી કે રાવે લગભગ 23 વર્ષ જેલના સળીયા પાછળ વિતાવ્યા છે. જુલાઈ 2016માં તેને જેલમાંથી મુક્ત કરવામાં આવ્યો હતો. પરંતુ, બિલ્ડર પાસેથી ખંડણી માંગવાના આરોપમાં ઓક્ટોબર 2017માં ફરીથી તેની ધરપકડ કરવામાં આવી હતી. પોલીસે અગાઉ તેને રવિ મલ્લેશના નામથી ઓળખતી હતી. પરંતુ ઘણા વર્ષો પહેલાં, તે લેડી સિંઘમ તરીકે ઓળખાતા ઈન્સ્પેક્ટર મદુલા લાડ સાથેના એન્કાઉન્ટરમાં ઘાયલ થયો હતો. તે દરમિયાન તેના ખિસ્સામાંથી બેંકનો નકલી આઈકાર્ડ મળી આવ્યો હતો. આમાં તેનું નામ ડી કે રાવ લખેલું હતું. ત્યારથી, તે અંડરવર્લ્ડમાં તે જ નામથી ઓળખાય છે.  

ડી કે રાવ વિશે બીજી એક રસપ્રદ વાત એ છે કે છેલ્લા બે દાયકામાં તેની સામે અનેક કેસો નોંધાયા છે. પણ તમામ કેસોમાં તે નિર્દોષ છુટી ગયો હતો. ત્યારબાદ તેને જુલાઈ, 2016માં જેલમાંથી મુક્ત કરવામાં આવ્યો હતો. કહેવાય છે કે ડી કે રાવ રાજકારણની દુનિયામાં પગ મૂકવા માંગતો હતા. પરંતુ જેલ અને બેલના ચક્કરમાં કોઈ વાત આગળ વધી જ નહીં.

મુંબઈના સુપરકોપ ડી શિવાનંદને રાવનું એન્કાઉન્ટર કરવાનો પ્રયાસ કર્યો હતો. પરંતુ એવું કહેવામાં આવે છે કે 7 ગોળીઓ વાગ્યા છતાં તેનો જીવ બચ્યો હતો. દાદર વિસ્તારમાં આ એન્કાઉન્ટરમાં ચાર લોકો માર્યા ગયા હતા. ડી કે રાવનું પહેલું એન્કાઉન્ટર તત્કાલીન ઇન્સ્પેક્ટર અનિલ મહાબોલે સાથે 1991 અથવા 92માં થયું હતી. તે દિવસોમાં મહાબોલે નાગપડા પોલીસ સ્ટેશનમાં નોકરી કરતા હતા.

2017માં ડી કે રાવને એન્ટોપ હિલના એસઆરએ સંબંધિત પ્રોજેક્ટના સંબંધમાં ધરપકડ કરવામાં આવી હતી. જુલાઈ 2016માં ડી કે રાવ જ્યારે જેલની બહાર આવ્યો હતો. ત્યારે તેણે ફરીથી હપ્તા ઉઘરાવાની પ્રવૃત્તિઓ આગળ ધપાવી હતી. આ પછી, ડી કે રાવે સોસાયટી બનાવતા બિલ્ડર પાસે એક અઠવાડિયાના 50 લાખ રૂપિયા માંગ્યા હતા. આ અંગે બિલ્ડરના સલાહકારે ધારાવી પોલીસ સ્ટેશનમાં FIR નોંધાવી હતી, ત્યારબાદ તેની ધરપકડ કરવામાં આવી હતી.

એવું પણ કહેવામાં આવે છે કે છોટા રાજનને ભારત ડિપોર્ટ કર્યા બાદ ડી કે રાવે તેનાથી અલગ થયો હતો. અને તે તેની પોતાની ગેંગ ચલાવતો હતો. પરંતુ જે કેસમાં ડી કે રાવને 12 ઓક્ટોબર 2017ના રોજ ધરપકડ કરવામાં આવી હતી. તે ગુન્હામાં મુંબઈ ક્રાઈમ બ્રાંચને તેમાં છોટા રાજનની ભૂમિકા જોવા મળી હતી.