નવી લિસ્ટેડ કંપનીને મળ્યું ₹1085 કરોડનું કામ, રોકાણકારોની શેર પર ભારે ખરીદી, શેરમાં 9%નો ઉછાળો

New Work: પાવર સેક્ટર સાથે સંકળાયેલી કંપનીના શેરમાં 15 એપ્રિલના ટ્રેડિંગ દરમ્યાન 9 ટકાથી વધુનો વધારો જોવા મળ્યો હતો. મોટો ઓર્ડર મળ્યા બાદ કંપનીના શેરના ભાવમાં તેજી જોવા મળી. કંપનીને આ નવું કામ સ્થાનિક બજારમાંથી મળ્યું છે. તમને જણાવી દઈએ કે, મંગળવારે આ કંપનીના શેર 470.70 રૂપિયાના સ્તરે ખુલ્યા હતા. દિવસ દરમિયાન, કંપનીના શેર 9 ટકા ઉછળીને 495.30 રૂપિયાની ઇન્ટ્રા-ડે ઊંચી સપાટીએ પહોંચ્યા હતા.  

ટ્રાન્સરેલ(Transrail Lighting) પાવર ટ્રાન્સમિશન અને ડિસ્ટ્રિબ્યુશન ક્ષેત્રમાં કાર્યરત એક અગ્રણી કંપની છે. છેલ્લા 2 ટ્રેડિંગ દિવસોમાં કંપનીના શેરમાં 11 ટકાનો વધારો થયો છે.  

કંપનીનો IPO 19 ડિસેમ્બરથી 23 ડિસેમ્બર, 2024 સુધી ખુલ્લું હતો. કંપનીએ IPO સમયે 432 રૂપિયાનો પ્રાઇસ બેન્ડ નક્કી કર્યો હતો. તે જ સમયે, લોટનું કદ 34 શેરનું હતું. કંપની NSE પર 37 ટકાના પ્રીમિયમ સાથે 590 રૂપિયા પર લિસ્ટેડ થઈ હતી. તેનો અર્થ એ છે કે હાલમાં આ સ્ટોક લિસ્ટિંગ ભાવ કરતા ઓછા ભાવે ટ્રેડ થઈ રહ્યો છે.  

છેલ્લા એક અઠવાડિયામાં આ કંપનીના શેરના ભાવમાં 7 ટકાથી વધુનો વધારો થયો છે. આ પછી, જે રોકાણકારોએ 3 મહિના પહેલા વળતરની આશા સાથે આ સ્ટોક પર રોકાણ કર્યું હતું, તેમણે સ્ટોક હોલ્ડ કરીને અત્યાર સુધી 18 ટકાનું નુકસાન સહન કર્યું છે. તે જ સમયે, 2025 માં કંપનીના શેરના ભાવમાં 13 ટકાથી વધુનો ઘટાડો થયો છે.   

તમને જણાવી દઈએ કે, BSEમાં ટ્રાન્સરેલ લાઇટિંગનો 52 અઠવાડિયાનો ઉચ્ચતમ સ્તર 719.15 રૂપિયા છે અને 52 અઠવાડિયાનો નીચો સ્તર 375.05 રૂપિયા છે. કંપનીનું માર્કેટ કેપ 6591.97 કરોડ રૂપિયા છે.  

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)