એક સમયે 20 રૂપિયામાં બાથરૂમ સાફ કરતો હતો આ છોકરો...આજે પાણીપુરી વેચીને બનાવી 5000000000ની કંપની

Who is Nitin Kalra : કોઈએ કલ્પના પણ નહીં કરી હોય કે રોજના 20 રૂપિયા પ્રતિ કલાક કમાતો છોકરો કરોડોની કંપનીનો માલિક બની જશે. ઘણીવાર મનમાં એવી તસવીર આવે છે કે જેની તિજોરીમાં કરોડો રૂપિયા છે, જેની પાસે ખૂબ જ મોટું બેંક બેલેન્સ છે અથવા જેનું કોઈ બિઝનેસ ફેમિલી સાથે કનેક્શન છે, તે બિઝનેસ શરૂ કરી શકે છે, પરંતુ દિલ્હીના આ છોકરાએ આ ધારણાને સાવ ખોટી સાબિત કરી દીધી છે.  જે વ્યક્તિ એક સમયે મેકડોનાલ્ડ સ્ટોરમાં ટેબલ અને બાથરૂમ સાફ કરતો હતો, આજે તેની પોતાની કંપની છે જેનું વેલ્યુએશન 500 કરોડ રૂપિયા છે.  દર વર્ષે 120 કરોડની આવક થાય છે.

જૂની દિલ્હીના રહેવાસી નીતિન કાલરાનો જન્મ એક સામાન્ય પરિવારમાં થયો હતો. પિતા ડીટીસીમાં મિકેનિક હતા અને માતા ઘરે સીવણ અને ગૂંથણકામ કરતી હતી જેથી તે પરિવારના ખર્ચમાં ફાળો આપી શકે. નીતિન ભણવાની સાથે સાથે નોકરી પણ કરતો હતો. કોલેજ પછી તેણે મેકડોનાલ્ડ્સના ટેબલ અને બાથરૂમ સાફ કરવાનું કામ કર્યું. આ માટે તેને પ્રતિ કલાકના દરે 20 રૂપિયા પગાર મળતો હતો.

અભ્યાસ પૂરો કર્યા પછી નીતિને નોકરી લીધી. તેણે ફૂડ ઈન્ડસ્ટ્રીમાં જોબ લેવાનું નક્કી કર્યું. ઘણા વર્ષો સુધી કામ કર્યા પછી તેણે આ ઉદ્યોગને નજીકથી જોયો અને તેને સમજ્યા પછી તેણે પોતાનો વ્યવસાય શરૂ કરવાનું નક્કી કર્યું. નીતિને જોયું કે નાસ્તાનું બજાર વિશાળ છે, પરંતુ લોકો પાસે હેલ્ધી સ્નેક્સ માટે ખૂબ જ મર્યાદિત વિકલ્પો છે. તેથી તેણે પેકેજ્ડ નાસ્તાથી શરૂઆત કરી.

2021ના ​​લોકડાઉનમાં જ્યારે કંપનીઓને નુકસાન થઈ રહ્યું હતું, ત્યારે નીતિને પોતાનો વ્યવસાય શરૂ કરવાનું નક્કી કર્યું. તેણે ઘરે જ નાસ્તો બનાવવાનું શરૂ કર્યું. સૌથી પહેલા રેડી ટુ ઈટ ગોલગપ્પા લોન્ચ કર્યું. તેની પ્રોડક્ટ માર્કેટમાં આવતાની સાથે જ લોકપ્રિય થઈ ગઈ. તેણે લેટ્સ ટ્રાય નામથી કંપની શરૂ કરી. તેણે કોઈપણ એડિટિવ્સ અથવા પ્રિઝર્વેટિવ્સ વિના ફૂડ સ્નેક્સ બનાવવાનું શરૂ કર્યું.

તે પોતાના ઘરે નાસ્તો તૈયાર કરતો, તેને જાતે પેક કરતો અને પછી તેને પહોંચાડવા માટે તેને તેની કારમાં લઈ જતો. જ્યારે નીતિન લેટ્સ ટ્રાય સાથે શાર્ક ટેન્ક ઇન્ડિયા પહોંચ્યો ત્યારે તેને ત્યાં પણ ફંડિંગ મળ્યું. Botsના સ્થાપક અમન ગુપ્તા અને Shaadi.comના સ્થાપક અનુપમ મિત્તલે તેમની કંપનીમાં રોકાણ કર્યું હતું. શાર્ક ટેન્ક પર દેખાયા પછી તેની કંપની વધુ ઝડપથી આગળ વધવા લાગી.  50 થી વધુ હેલ્ધી સ્નેક્સ બનાવતી કંપનીની આવક રૂપિયા 120 કરોડને વટાવી ગઈ છે. 4 વર્ષમાં તેની કંપનીએ રૂપિયા 500 કરોડનું વેલ્યુએશન હાંસલ કર્યું છે. વર્ષ 2028 સુધીમાં નીતિન કાલરા તેને રૂપિયા 1000 કરોડના વેલ્યુએશનની કંપની બનાવવા માંગે છે.