3,48,00,000નું દાન! ભારતના આ મંદિરમાં ભક્તોએ 1 કિલો ચાંદી-સોનું પણ કર્યું દાન

હાલમાં કર્ણાટકનું એક મંદિર સોશિયલ મીડિયા પર ચર્ચાનું કેન્દ્ર બન્યું છે. આનું કારણ મંદિરને મળેલા જંગી દાન સાથે સંબંધિત એક સમાચાર છે. કર્ણાટકના રાયચુરમાં આવેલ એક મંદિરમાં ભક્તોએ કુલ 3,48,69,621 રૂપિયા રોકડા, 32 ગ્રામ સોનું અને 1.24 કિલો ચાંદી અર્પણ કરી છે. આ કારણોસર આ દાન સંબંધિત વીડિયો સોશિયલ મીડિયા પર ખૂબ જ વાયરલ થઈ રહ્યો છે, જેમાં સોથી વધુ પૂજારીઓ રાઘવેન્દ્ર સ્વામી મઠમાં દાન કરાયેલા રૂપિયા ગણતા જોવા મળે છે.

કર્ણાટકના પ્રખ્યાત રાઘવેન્દ્ર સ્વામી મઠમાં તાજેતરમાં જ મોટી માત્રામાં દાન અને કિંમતી ધાતુઓનો સંગ્રહ મળ્યો છે. રિપોર્ટ અનુસાર ભક્તોએ મંદિરમાં 3,48,69,621 રૂપિયા રોકડા, 32 ગ્રામ સોનું અને 1 કિલો ચાંદીનું દાન કર્યું છે. આ મઠ કર્ણાટકના મંત્રાલયમમાં આવેલો છે અને અહીં શ્રદ્ધા અને ભક્તિનું એક અનોખું વાતાવરણ છે. દર વર્ષે હજારો ભક્તો આ મઠની મુલાકાત લે છે અને પોતાની ઇચ્છાઓ પૂર્ણ કરવા માટે દાન આપે છે. આ વર્ષે પણ ભક્તોએ મંદિરમાં પુષ્કળ દાન આપીને પોતાની શ્રદ્ધા અને ભક્તિનું અનોખું ઉદાહરણ રજૂ કર્યું.

મઠ વહીવટીતંત્રે દાનની ગણતરી પૂર્ણ કર્યા પછી કુલ 3.48 કરોડ રૂપિયા રોકડા, 1 કિલો ચાંદી અને 32 ગ્રામ સોનાનું દાન નોંધ કરવામાં આવ્યું છે. મઠના અધિકારીઓએ આ દાનને ભક્તોની ઊંડી ભક્તિ અને શ્રદ્ધાનું પ્રતીક ગણાવ્યું છે. મંદિર પ્રશાસને તમામ દાતાઓનો આભાર માન્યો અને કહ્યું કે, આ રકમનો ઉપયોગ મંદિરના ધાર્મિક કાર્યો અને સામાજિક સેવા માટે કરવામાં આવશે.

ગયા વર્ષે યુકેના ભૂતપૂર્વ વડાપ્રધાન ઋષિ સુનક અને તેમની પત્ની અક્ષતા મૂર્તિએ બેંગલુરુમાં રાઘવેન્દ્ર સ્વામી મઠની મુલાકાત લીધી હતી. આ ઉપરાંત ઇન્ફોસિસના સહ-સ્થાપક નારાયણ મૂર્તિ અને રાજ્યસભા સભ્ય સુધા મૂર્તિ પણ તેમની પુત્રી અને જમાઈ સાથે આ મઠમાં આવ્યા હતા.

રાઘવેન્દ્ર સ્વામી મઠમાં મળેલા દાનનો ઉપયોગ મંદિરની જાળવણી, ગરીબોને મદદ કરવા, ધાર્મિક કાર્યક્રમો અને તહેવારોમાં કરવામાં આવે છે. મંદિર પ્રશાસનનું કહેવું છે કે, આ દાન ધાર્મિક અને સામાજિક સેવાના કાર્યોમાં મદદરૂપ સાબિત થશે. આ સમાચાર બહાર આવતાની સાથે જ સોશિયલ મીડિયા પર તેની ચર્ચા તેજ થઈ ગઈ છે. ઘણા લોકો તેને ભારતના ધાર્મિક સ્થળો પર ભક્તોની અતૂટ શ્રદ્ધાનું પ્રતીક માનતા હતા. રાઘવેન્દ્ર સ્વામી મઠના ભક્તો દ્વારા આપવામાં આવેલ આ વિશાળ દાન ફરી એકવાર સાબિત કરે છે કે, ભારતીય સંસ્કૃતિમાં ધર્મ અને શ્રદ્ધા કેટલા ઊંડાણપૂર્વક જોડાયેલા છે.