'અમારા પર હુમલો તો થશે જ...' ભારતની ગર્જનાથી ધ્રૂજી પાકિસ્તાન, વિદેશ મંત્રીએ આ શું કહી દીધું?

પાકિસ્તાનના રક્ષા મંત્રી ખ્વાજા આસિફે રોઇટર્સને આપેલા એક ઈન્ટરવ્યુ દરમિયાન આ દાવો કર્યો છે. તેમણે કહ્યું કે, પાકિસ્તાને તેમની સેનાને મજબૂત કરી લીધી છે, કારણ કે હુમલો હવે ગમે ત્યારે થઈ શકે છે.

ખ્વાજાએ જણાવ્યું કે, પાકિસ્તાનની સેનાએ સરકારને ભારત તરફથી કોઈપણ સંભવિત હુમલા વિશે જાણ કરી છે. જો કે, આસિફે એ વાતનો ખુલાસો કર્યો નથી કે, તેમને હુમલાનો ખતરો કેમ લાગી રહ્યું છે.

પહેલગામમાં થયેલા હુમલાને સીધો સંબંધ પાકિસ્તાન સાથે બતાવવામાં આવી રહ્યો છે. એવો દાવો કરવામાં આવી રહ્યો છે કે, હુમલાની તપાસમાં બે શંકાસ્પદ આતંકવાદીઓના પાકિસ્તાન સાથે સંબંધો છે. જો કે, પાકિસ્તાને આ દાવાઓને નકારી કાઢ્યા છે અને નિષ્પક્ષ તપાસની માંગ કરી છે.

પાકિસ્તાનના વડાપ્રધાન શહબાઝ શરીફે તપાસને લઈ શનિવારે કહ્યું હતું કે, પાકિસ્તાન પહેલગામ હુમલાની એક "નિષ્પક્ષ, પારદર્શક અને વિશ્વસનીય તપાસ" માટે તૈયાર છે. શાહબાઝ શરીફે આ નિવેદન એબટાબાદમાં એક લશ્કરી એકેડેમીમાં કાર્યક્રમ દરમિયાન આપ્યું હતું.

જો કે, જમ્મુ અને કાશ્મીરના મુખ્યમંત્રી ઉમર અબ્દુલ્લાએ શાહબાઝ શરીફના નિવેદનનો વિરોધ કર્યો અને કહ્યું કે, ઇસ્લામાબાદે શરૂઆતમાં આ ઘટનાનો ઇનકાર કર્યો હતો અને નવી દિલ્હી પર જ હુમલો કરવાનો આરોપ લગાવ્યો હતો. સૌ પ્રથમ તો તેને વિશ્વાસ પણ નહોતો આવતો કે પહેલગામમાં કંઈક બન્યું છે. પહેલા તેમણે કહ્યું કે, આની પાછળ ભારતનો હાથ છે. જેમણે પહેલા અમારી સામે આરોપો લગાવ્યા હતા, તેમના માટે હવે આ વિશે કંઈ કહેવું મુશ્કેલ છે. હું તેમના નિવેદનોને વધારે મહત્વ આપવા માંગતો નથી.

આ ઉપરાંત કેન્દ્રીય મંત્રી સુકાંત મજુમદારે શરીફ પર નિશાન સાધતા કહ્યું કે, 'આ લોકો શું તપાસ કરશે?' શું ચોર ક્યારેય પોતાની ચોરીની તપાસ કરી શકે છે? પત્રકારો સાથે વાત કરતા તેમણે કહ્યું કે, 'પાકિસ્તાનના વડાપ્રધાન ડરથી આ કહી રહ્યા છે.' આ ડર સારો છે - તેમને આ ડર હોવો જોઈએ. જ્યારે પાકિસ્તાન તૈયાર નહીં હોય, ત્યારે જ અમે તેમના પર હુમલો કરીશું અને અમે તેમના પર જોરદાર હુમલો કરીશું.'