5, 10, 15 વર્ષમાં ક્યા બનશે સૌથી મોટું ફંડ, રૂપિયા બનાવતા માટે ઈન્વેસ્ટમેન્ટ પહેલા સમજો પૂરી ગણતરી

SIP અને PPF બન્ને જ પ્રખ્યાત ઈન્વેસ્ટમેન્ટ ઓપ્શન છે. પરંતુ પ્રશ્ન એ છે કે, 15 વર્ષમાં કયું રોકાણ વધુ રિટર્ન આપી શકે છે. વાસ્તવમાં SIP એ બજાર આધારિત રોકાણ છે જે શેરબજારના વધઘટ પર આધાર રાખે છે, જ્યારે PPF એ સરકારી ગેરંટીવાળી યોજના છે જે સુરક્ષિત વળતર આપે છે. તો આપણે જાણીશું કે તમારી જરૂરિયાત મુજબ SIP અને PPF વચ્ચે કયો વિકલ્પ યોગ્ય રહેશે.

PPF અને SIP બન્ને લાંબા ગાળાના રોકાણ માટે શાનદાર ઓપ્શન છે, પરંતુ તેમની વચ્ચે મોટો તફાવત છે. પીપીએફ એક સરકારી ગેરંટી યોજના છે, જેમાં નિશ્ચિત વ્યાજ આપવામાં આવે છે અને તે સંપૂર્ણપણે સુરક્ષિત છે. બીજી તરફ SIPએ મ્યુચ્યુઅલ ફંડમાં રોકાણ કરવાની એક પદ્ધતિ છે જ્યાં વળતર બજારની સ્થિતિ પર આધાર રાખે છે. જો તમે જોખમ વિના બચત ઇચ્છતા હોવ તો, PPF વધુ સારું છે, પરંતુ SIP લાંબા ગાળે વધુ વળતર આપી શકે છે.

મનમાં એક પ્રશ્ન આવે છે કે, જો તમે દર વર્ષે 1,00,000 રૂપિયા (માસિક ₹8,333) નું રોકાણ કરો છો, તો 15 વર્ષ પછી તમારું રિટર્ન શું હશે? તો તમને જણાવી દેએ કે, PPFમાં 7.1% ના વ્યાજ દર અને SIPમાં 12%ના અંદાજિત રિટર્ન સાથે બન્ને વિકલ્પોનું મૂલ્યાંકન કરવું મહત્વપૂર્ણ છે.

5 વર્ષ માટે 5,00,000 રૂપિયાનું રોકાણ પર PP માં 7.1% વ્યાજ પર 6,63,000 રૂપિયાનું ભંડોળ મળશે, જ્યારે 12% વ્યાજ પર SIPમાં 7,65000 રૂપિયાનું ભંડોળ મળશે. બીજી તરફ 10 વર્ષમાં PPFમાં 10,00,000 રૂપિયાનું રોકાણ કરવા પર 7.1% વ્યાજ પર 15,00,000 રૂપિયાનું ભંડોળ મળશે, જ્યારે 12% વ્યાજ પર SIPમાં 22,16,000 રૂપિયાનું ભંડોળ મળશે. જો તમે 15 વર્ષ માટે દર વર્ષે 1,00,000 રૂપિયાનું રોકાણ કરો છો, તો તમને PPF અને SIP માં કેટલું રિટર્ન મળશે? PPFમાં 7.1% ના વ્યાજ દરે તમને 15 વર્ષ પછી 28.87 રૂપિયા લાખ મળશે, જ્યારે SIPમાં અંદાજિત 12% ના વળતર સાથે આ રકમ 43.69 લાખ સુધી પહોંચી શકે છે. SIPના ફાયદા 5 અને 10 વર્ષના રોકાણ પર પણ દેખાય છે.

PPF એક સુરક્ષિત સરકારી યોજના છે, જ્યારે SIP બજાર જોખમ સાથે જોડાયેલી છે. તેથી PPFનો લોક-ઇન સમયગાળો 15 વર્ષનો હોય છે, જ્યારે SIPમાં તમે ગમે ત્યારે પૈસા ઉપાડી શકો છો. ચાલો તમને જણાવી દઈએ કે, SIPમાં 12% સુધીનું સંભવિત રિટર્ન આપે છે, PPFમાં 7.1% નિશ્ચિત વ્યાજ આપે છે. એટલે કે, જો તમે સુરક્ષિત રોકાણ ઇચ્છતા હોવ, તો PPF પસંદ કરો અને જો તમે વધુ વળતર અને લાંબા ગાળાની વૃદ્ધિ ઇચ્છતા હોવ તો SIP એક સારો વિકલ્પ છે. (નોંધ: આ ફોટો ગેલેરી સામાન્ય માહિતી પર આધારિત છે.)