પુત્રની સંપત્તિ પર પહેલો હક કોનો...માતા-પિતા કે પત્ની, જાણી લેશો તો નહીં થાય પ્રોપર્ટીના ઝઘડા

ઘરમાં માતા પિતાની સંપત્તિ જ્યાં પુત્રને મળતી હોય છે ત્યાં પુત્રની સંપત્તિ પર પહેલો હક કોનો હોય. માતા પિતા કે પછી પત્નીનો. આ અંગે અનેકવાર વિવાદો પણ સામે આવ્યા છે. 

ભારતમાં પ્રોપર્ટીને લઈને દરેક ધર્મમાં અલગ અલગ કાયદા છે. ખાસ કરીને હિન્દુ પરિવારોમાં સંપત્તિના ભાગલા હિન્દુ ઉત્તરાધિકાર અધિનિયમ 1956 પ્રમાણે થાય છે. 

હિન્દુ ઉત્તરાધિકાર અધિનિયમ 1956 હેઠળ જો પુત્રનું મોત થાય તો તેણે વસીયત લખી હોય તે પ્રમાણે સંપત્તિના ભાગલા પડે છે. 

પુત્રનું મૃત્યુ વસિયત લખ્યા વગર થઈ ગયું હોય તો કાયદા મુજબ પ્રથમ શ્રેણીના વારસદારનો સંપત્તિ પર પહેલો હક હોય છે. જેમાં પત્ની, બાળક અને માતા સામેલ છે. 

પિતા સીધી રીતે સંપત્તિના પહેલા હકદાર હોતા નથી પરંતુ જો પ્રથમ શ્રેણીના વારસદાર ન હોય તો બીજી શ્રેણીના વારસદારને સંપત્તિનો વારસો મળે છે. પિતા બીજી શ્રેણીમાં આવે છે. 

પુત્રના જો લગ્ન ન થયા હોય તો તેની સંપત્તિ પર માતા પિતાનો હક હશે. પુત્રએ જો પોતાની વસિયતમાં સંપત્તિ કોઈ ત્રીજા વ્યક્તિના નામે લખી હોય તો તે સંપત્તિ તે વ્યક્તિને મળશે.