ગુજરાતના આ વિસ્તારોમાં ગાજવીજ સાથે વરસાદ થશે, જાણો અંબાલાલની ભરઉનાળે ઠંડી ચઢાવે એવી આગાહી

ગુજરાત સહિત દિલ્હી-એનસીઆર સિવાય ઉત્તર ભારતના રાજ્યોમાં ગરમીનું મોજું જોવા મળી રહ્યું છે. પહાડી વિસ્તારોમાં પણ તાપમાન વધવા લાગ્યું છે. ભારતીય હવામાન વિભાગના જણાવ્યા અનુસાર મેદાની વિસ્તારોમાં તાપમાન 37 ડિગ્રી સેલ્સિયસને પણ પાર કરી શકે છે. શું તમે જાણો છો કે વિવિધ રાજ્યોમાં હવામાન કેવું રહેશે?   

રાજધાની દિલ્હીમાં આજે દિવસની શરૂઆત સૂર્યપ્રકાશ સાથે થશે. દેશના અનેક રાજ્યોમાં ગરમીએ પોતાનો પ્રકોપ બતાવવાનું શરૂ કરી દીધું છે. દિલ્હીમાં મહત્તમ તાપમાન 37 ડિગ્રી અને લઘુત્તમ 20 ડિગ્રી સેલ્સિયસ રહેવાની શક્યતા છે. ભારતીય હવામાન વિભાગ (IMD) એ મધ્યપ્રદેશ, રાજસ્થાન, ઉત્તર પ્રદેશ, ઉત્તરાખંડ, દિલ્હી, હરિયાણા અને છત્તીસગઢ સહિતના કેટલાક રાજ્યો માટે અલગ-અલગ આગાહીઓ જારી કરી છે.

ગુજરાતના ખેડૂતો, ગુજરાતના શહેરીજનો અને ગુજરાતના ગ્રામજનો સાવધાન. ગુજરાતમાં આવવાનો છે વરસાદ. હા, રાજ્યમાં ભર ઉનાળે મેઘરાજા મનમુકીને વરસે તો નવાઈ ન પમાડતાં. કારણ કે સમગ્ર ગુજરાતમાં કમોસમી વરસાદની આગાહી આપણા હવામાન વિભાગે કરી છે. ક્યાંક માવઠું તો ક્યાંક હિટવેવની આગાહી છે. એટલે કે ગુજરાતના કોઈ વિસ્તારમાં આકાશમાંથી અગનગોળા વરસશે. જ્યારે કોઈ વિસ્તારમાં આકાશમાંથી મેઘરાજા વરસશે.

હવામાન વિભાગે જ્યાં વરસાદની આગાહી કરી છે તેમાં ગાજવીજ સાથે હળવાથી મધ્યમ વરસાદની આગાહી કરાઈ છે. હવે તમે એ પણ જાઈ લો ક્યાં-ક્યારે વરસાદ પડવાનો છે...તો 2 એપ્રિલે ગીર સોમનાથ, અમરેલી ,ભાવનગર, સાબરકાંઠા, અરવલ્લી, મહીસાગર, પંચમહાલ, દાહોદ, વડોદરા, છોટાઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, દમણ અને દાદરા નગર હવેલીમાં સામાન્ય વરસાદની આગાહી છે...તો વાત ત્રણ એપ્રિલની કરીએ તો, છોટાઉદેપુર, નર્મદા, તાપી, ડાંગ, નવસારી, વલસાડ, દમણ અને દાદરા નગર હવેલીમાં સામાન્ય વરસાદની આગાહી છે.  

હવામાન વિભાગની આગાહીની અસર પણ ગુજરાતમાં દેખાવા લાગી છે. ડાંગ જિલ્લામાં કેટલીક જગ્યાએ છૂટોછવાયો વરસાદ પડ્યો છે. દક્ષિણ ગુજરાતના વાતાવરણમાં પલટો જોવા મળી રહ્યો છે...સુરત, વાપી, વલસાડ અને નવસારીમાં કાળાદિબાંગ વાદળો દેખાઈ રહ્યા છે. ગમે ત્યારે વરસાદ તુટી પડે તેવી સંભાવના છે. વાદળછાયા વાતાવરણથી ખેડૂતોની ચિંતા વધી ગઈ છે. જો વરસાદ આવ્યો તો ગરમીથી શહેરીજનોને રાહત અવશ્ય મળશે...પરંતુ આ વરસાદ ખેડૂતો માટે નવી આફત લઈને આવશે તે નક્કી છે. હાલ કેરી અને ચીકુની સિઝન છે. આ બન્ને પાકમાં જો નુકસાન જશે તો કેરીની મીઠાશ લોકોને મોંઘી પડશે. 

ગીર સોમનાથ, અમરેલી ,ભાવનગર, સાબરકાંઠા, અરવલ્લી, મહીસાગર, પંચમહાલ, દાહોદ, વડોદરા, છોટાઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, દમણ, દાદરા નગર હવેલીમાં વરસાદની શક્યતા છે. 3 એપ્રિલે ક્યાં આગાહી? છોટાઉદેપુર, નર્મદા, તાપી, ડાંગ, નવસારી, વલસાડ, દમણ, દાદરા નગર હવેલીમાં વરસાદની આગાહી છે. મહારાષ્ટ્ર તરફ સાયક્લોનિક સર્ક્યુલેશ સર્જાતા પવનમાં ભેજનું પ્રમાણ વધ્યું છે. તેના કારણે ગરમી અને માવઠાની આગાહી હવામાન વિભાગે કરી છે.

સમગ્ર દેશમાં હવામાનની પેટર્ન બદલાઈ રહી છે. કાશ્મીરથી કન્યાકુમારી સુધી કેટલીક જગ્યાએ ગરમીનું મોજું, ઝરમર વરસાદ અને ગરમી જોવા મળી રહી છે. ઉત્તર ભારતમાં છેલ્લા 3 દિવસમાં તાપમાનમાં ઝડપથી વધારો થયો છે. આગામી દિવસોમાં ગરમી પોતાનો પ્રકોપ બતાવી શકે છે. 

મધ્યપ્રદેશમાં ઘણી જગ્યાએ વાદળછાયું આકાશ સાથે હળવો વરસાદ થવાની સંભાવના છે. વિભાગે ઉત્તર પ્રદેશ અને ઉત્તરાખંડમાં ગરમીનું મોજું યથાવત રહેવાની સંભાવના વ્યક્ત કરી છે. ઉત્તર પ્રદેશની રાજધાની લખનૌમાં બુધવારે લઘુત્તમ તાપમાન 16.7 અને મહત્તમ 36.7 ડિગ્રી સેલ્સિયસ નોંધાયું હતું.  

વિભાગે અનેક વિસ્તારોમાં વરસાદની સંભાવના પણ વ્યક્ત કરી છે. 5 અને 6 એપ્રિલે રાજ્યમાં હવામાન ચોખ્ખું રહેશે. બિહારમાં પણ હવામાનની પેટર્ન ફરી બદલાવા જઈ રહી છે. હવામાન વિભાગે અનેક વિસ્તારોમાં વરસાદની આગાહી કરી છે. 3 એપ્રિલે કૈમુર, બક્સર, રોહતાસ અને ગોપાલગંજમાં વરસાદ અને વાવાઝોડાની સંભાવનાને કારણે વિભાગે યલો એલર્ટ જાહેર કર્યું છે. ઘણા વિસ્તારોમાં 30-40 કિલોમીટર પ્રતિ કલાકની ઝડપે પવન ફૂંકાઈ શકે છે.

ઉત્તરાખંડના પહાડી વિસ્તારોમાં પણ ગરમીને કારણે મુશ્કેલી પડશે. મોટાભાગના વિસ્તારોમાં હજુ પણ તાપમાન વધશે. જ્યારે, રાજ્યના મેદાની વિસ્તારોમાં તાપમાન 37 ડિગ્રી સેલ્સિયસ સુધી પહોંચી શકે છે. વિભાગે તેલંગાણા અને કર્ણાટકના ઘણા વિસ્તારોમાં ભારે પવન સાથે ભારે વરસાદની આગાહી કરી છે. આગામી 24 કલાકમાં તેલંગાણા, મધ્યપ્રદેશ, ગોવા, કેરળ, છત્તીસગઢ, મહારાષ્ટ્ર, આંધ્રપ્રદેશ અને ઓડિશામાં 40 થી 60 કિલોમીટર પ્રતિ કલાકની ઝડપે પવન ફૂંકાશે. IMD એ ઘણા રાજ્યોમાં વાવાઝોડા અને વીજળી પડવાની આગાહી કરી છે.