પહેલી નજરમાં આંખો પર નહીં આવે વિશ્વાસ, દૂરથી લાગશે બરફની ચાદર; પરંતુ નજીકથી આ વાસ્તવિકતા ડરાવી દેશે!

ટાઈમ્સ ઓફ ઈન્ડિયાના રિપોર્ટ અનુસાર જ્યારે ભારે વરસાદ અથવા પૂર જેવી પરિસ્થિતિ હોય છે, ત્યારે નાના કરોળિયા નવી જગ્યાએ જતા રહે છે. તેઓ ઊંચા ઘાસ અથવા વાડના થાંભલા જેવા ઊંચા સ્થાનો પર ચઢે છે અને હવામાં રેશમના લાંબા દોરા છોડે છે.

આ પછી પવન આ દોરા પકડી લે છે અને કરોળિયાને નવી જગ્યાએ લઈ જાય છે. એવું લાગે છે કે તે લાખો વર્ષોથી બનતી કુદરતી ઘટના છે. જો કે, આ ફક્ત ઓસ્ટ્રેલિયામાં જ થતું નથી. બલૂનિંગ કરોળિયા વિશ્વના ઘણા ભાગોમાં જોવા મળે છે.

જો કે, દક્ષિણ-પૂર્વ ઓસ્ટ્રેલિયા આ વિચિત્ર ઘટના માટે  ખાસ કરીને જાણીતું છે. જ્યારે કરોળિયા નવા સ્થળ પર જાય છે, ત્યારે વાતાવરણ બારીક રેશમથી ચમકતું બની જાય છે. આ દ્રશ્ય જોઈને લોકો આશ્ચર્યચકિત થઈ જાય છે. આ માટે તે બેચેન પણ રહે છે. ભલે તે ક્યારેક ડરામણું લાગે, પણ તે કોઈ માટે ખતરનાક નથી.

રિપોર્ટ અનુસાર, એવું જાણવા મળ્યું છે કે આ કોઈ મહામારી કે ચેપ નથી, પરંતુ હજારો વર્ષોમાં વિકસિત કુદરતી જીવન ટકાવી રાખવાની પદ્ધતિ છે. આ અંગે વૈજ્ઞાનિકો કહે છે કે આ કુદરતની અનુકૂલન ક્ષમતાનું એક ઉત્તમ ઉદાહરણ છે.

કેટલાક વૈજ્ઞાનિકો કરોળિયાના ફુગ્ગાઓ ઉડાવવાના રીતે પર પણ સ્ટડી કરે છે. આ ઉપરાંત અમે તમને જણાવી દઈએ કે, કેટલાક લોકો આ દૃશ્ય જોયા પછી પોતાને ભાગ્યશાળી પણ માને છે. પહેલા લોકો માનતા હતા કે તે બરફ છે કે પ્રદૂષણ છે.

ફોટોગ્રાફરો ઘણીવાર કહે છે કે તે એક કાલ્પનિક ફિલ્મ જેવું લાગે છે, જ્યાં સામાન્ય દુનિયા કંઈક નાજુક અને વિચિત્રમાં પરિવર્તિત થાય છે. જ્યારે તમે નજીક જાઓ છો, ત્યારે તમને ખ્યાલ આવે છે કે તે રેશમ છે.

ફોટોગ્રાફરે વધુમાં કહ્યું કે, તેઓ ફક્ત ત્યાંથી પસાર થઈ રહ્યા છે, સલામત સ્થળ શોધી રહ્યા છે. જો તમે જિજ્ઞાસા ધરાવતા હોય તો દૂરથી જુઓ અને તમને લાગશે કે તમે પ્રકૃતિમાં એક દુર્લભ અને સુંદર ઘટના જોઈ રહ્યા છો.