Richest Person in Surat: સુરતના કરોડપતિઓ, આ 6 લોકો પાસે છે 1 હજાર કરોડથી વધુની સંપત્તિ

360 વન વેલ્થ અને ક્રિસિલે ભારતમાં ધનવાનોનો એક રિપોર્ટ જાહેર કર્યો છે. આ રિપોર્ટમાં સુરતના કરોડપતિઓ પણ સામેલ છે. આજે અમે તમને સુરતના છ એવા લોકો વિશે માહિતી આપીશું, જેની પાસે 1 હજાર કરોડ રૂપિયાથી વધુનું સંપત્તિ છે.

સુરતમાં 6 લોકો એવા આવેલા છે જેની સંપત્તિ 1 હજાર કરોડ રૂપિયાથી વધુ છે. આજે અમે તમને કરોડપતિ સુરતીઓના નામ વિશે માહિતી આપીશું.

KPI ગ્રીન એનર્જીના ફારૂકભાઈ ગુલામભાઈ પટેલ સુરતના સૌથી ધનીક વ્યક્તિ છે. તેમની કુલ સંપત્તિ 6008 કરોડ રૂપિયા છે. તેઓ કન્સ્ટ્રક્શન અને એન્જિનિયરિંગના વ્યવસાય સાથે સંકળાયેલા છે.

સુરતમાં રહેતા અને કેમિકલ્સના વ્યવસાય સાથે સંકળાયેલા પુર્ણિમા અશ્વિન દેસાઈ સુરતના બીજા સૌથી ધનીક વ્યક્તિ છે. તેમની કુલ સંપત્તિ 3837 કરોડ રૂપિયા છે.

સુરતના ત્રીજા સૌથી ધનવાન વ્યક્તિ તરીકે કિરણ છોટુભાઈ પટેલ છે. તેઓ અનુપમ રસાયણ ઈન્ડિયા લિમિટેડના માલિક છે. તેમની કંપની કેમિકલ્સના વ્યવસાયમાં છે. તેમની કુલ સંપત્તિ 2860 કરોડ છે.  

એથર ઈન્ડસ્ટ્રીઝ લિમિટેડના રોહન અશ્વિન દેસાઈ સુરતના ચોથા સૌથી ધનીક વ્યક્તિ છે. તેમની કુલ સંપત્તિ 1963 કરોડ રૂપિયા છે.  

એથર ઈન્ડસ્ટ્રીઝ લિમિટેડના અશ્વિન જયંતિલાલ દેસાઈ પણ સુરતના સૌથી ધનીક વ્યક્તિમાં સામેલ છે. અશ્વિન દેસાઈની કુલ સંપત્તિ 1499 કરોડ રૂપિયા છે.

અનુપમ રસાયણ ઈન્ડિયા લિમિટેડના આનંદ દેસાઈ સુરતના છઠ્ઠા સૌથી ધનીક વ્યક્તિ છે. તેમની કુલ સંપત્તિ 1455 કરોડ રૂપિયા છે.