આગામી 2 દિવસ છે સૌથી ભારે; ગુજરાતના આ વિસ્તારોમાં આવશે ભારે પવન સાથે ધૂળની ડમરીઓ!

હવામાન વિભાગના જણાવ્યા અનુસાર દક્ષિણ ગુજરાતના તમામ જિલ્લાઓમાં બે દિવસ સુધી ધૂળની ડમરીઓ આવવાની શક્યતા છે. આગામી સાત દિવસ હીટવેવની કોઈ શક્યતા નથી. એપ્રિલ મહિનામાં સમગ્ર ગુજરાતમાં ધૂળની ડમરીઓ આવવાની શક્યતા છે. બીજી તરફ ભારે વરસાદ, તોફાની પવનો અને હિમવર્ષાએ પરેશાન કર્યા છે. દેશના અડધાથી વધુ ભાગોમાં ગરમીએ લોકોનું જીવન મુશ્કેલ બનાવી દીધું છે, જ્યારે બાકીના દેશમાં ભારે વરસાદ અને ભૂસ્ખલનથી જનજીવન અસ્તવ્યસ્ત થઈ ગયું છે.

હવામાન વિભાગના જણાવ્યા અનુસાર દેશના 23 થી વધુ રાજ્યોમાં આગામી કેટલાક દિવસો સુધી તોફાની પવન અને વરસાદ ચાલુ રહેશે. જમ્મુ અને કાશ્મીર અને લદ્દાખમાં 60 કિમી પ્રતિ કલાકની ઝડપે પવન ફૂંકાઈ શકે છે, જ્યારે ઉત્તરપૂર્વ ભારતમાં વાવાઝોડા સાથે ભારે વરસાદની શક્યતા છે.  

બીજી તરફ આવતીકાલે ગુજરાતના કેટલાક જિલ્લાઓમાં વાદળછાયું વાતાવરણ રહેશે. સૌરાષ્ટ્રના ઘણા ભાગોમાં AQI 270ને પાર કરે તેવી શક્યતા છે. મધ્ય ગુજરાતના આણંદ, કપડવંજ, તારાપુર, પેટલાદ વગેરે વિસ્તારોમાં પણ ધૂળના વાદળો જોવા મળશે. આ ઉપરાંત રાધનપુર, પાટણની ભાગોળે, વિરમગામ વિસ્તાર, કડી અને બેચરાજી, ચોટીલા, સુરેન્દ્રનગર, હળવદ, ધનગરધ્રા, ધંધુકા લખતરમાં ધૂળની ડમરીઓ જોવા મળશે. આગામી સમયમાં ગરમીમાં ઘટાડો થશે. એપ્રિલમાં તાપમાનમાં વધઘટ જોવા મળશે. 26મી પછી રાજ્યના 9 જિલ્લામાં હળવો વરસાદ પડશે.

રવિવારે મહારાષ્ટ્રનો ચંદ્રપુર જિલ્લો દેશનું સૌથી ગરમ સ્થળ હતું, જ્યાં તાપમાન 44.6 ડિગ્રી સેલ્સિયસ પર પહોંચ્યું હતું. વિદર્ભ, તેલંગાણા, ગુજરાત, તમિલનાડુ અને કર્ણાટકના ઘણા વિસ્તારોમાં ગરમ ​​પવનો લોકોને પરેશાન કરી રહ્યા છે. હવામાન વિભાગે આ વિસ્તારોમાં હીટવેવનું એલર્ટ જાહેર કર્યું છે.

હવામાન વિભાગે આગામી બે દિવસ ગુજરાતમાં ધૂળની ડમરીઓની આગાહી કરી છે. છેલ્લા 24 કલાકમાં અમદાવાદમાં તાપમાન 42 ડિગ્રી નોંધાયું હતું. આગામી બે દિવસમાં તાપમાનમાં 2 થી 3 ડિગ્રીનો ઘટાડો થવાની સંભાવના છે. હવામાનશાસ્ત્રીઓએ આગાહી કરી છે કે ચોમાસા પહેલા પણ જોરદાર પવન ફૂંકાવાની શક્યતા છે.  

જમ્મુ-કાશ્મીર અને લદ્દાખમાં હવામાને ભયંકર રૂપ ધારણ કર્યું છે. રામબનમાં વાદળ ફાટવાથી ચેનાબ નદીમાં પૂર આવ્યું હતું, જેના કારણે અનેક મકાનો અને રસ્તાઓ તબાહ થઈ ગયા હતા. ભૂસ્ખલનને કારણે ઘણા રસ્તાઓ બંધ છે અને શાળાઓ બંધ કરી દેવામાં આવી છે. લદ્દાખમાં અણધારી હિમવર્ષાને કારણે સ્થિતિ વધુ ખરાબ થઈ છે, વીજળી અને પરિવહન વ્યવસ્થા ખોરવાઈ ગઈ છે.

આવતીકાલે ગુજરાતના કેટલાક જિલ્લાઓમાં ધૂળની ડમરીઓ રહેશે. સૌરાષ્ટ્રના ઘણા ભાગોમાં AQI 270ને પાર કરે તેવી શક્યતા છે. મધ્ય ગુજરાત પર નજર કરીએ તો આણંદ, કપડવંજ, તારાપુર, પેટલાદ વગેરે વિસ્તારોમાં પણ ધૂળની ડમરીઓ જોવા મળશે, આ ઉપરાંત 20 એપ્રિલે બપોર બાદ રાધનપુર, પાટણના ભાગો, વિરમગામ વિસ્તાર, કડી અને બેચરાજી, ચોટીલા, સુરેન્દ્રનગર, હળવદ, ધ્રાંગધ્રા, ઉત્તર ગુજરાતના કેટલાક વિસ્તારોમાં ધૂળની ડમરીઓ જોવા મળશે.

એપ્રિલમાં તાપમાન વધવું જોઈએ, પરંતુ તેના બદલે તે ઘટવાની શક્યતા છે. સાથે જ મે મહિનામાં પણ ધૂળવાળુ વાતાવરણ જોવા મળશે. આ સિવાય ધૂળની ડમરીઓ પણ રહેશે. કચ્છના કેટલાક વિસ્તારોમાં પવનની ઝડપ 45 કિમી પ્રતિ કલાક સુધી પહોંચી શકે છે.