રોકાણકારોને મોજેમોજ! 17 બોનસ શેર આપી રહી છે આ કંપની, 1 વર્ષમાં આપ્યું છે 1976% રિટર્ન, ભાવ છે 500થી ઓછો

Bonus Share: આ કંપનીએ બોનસ શેરની જાહેરાત કરી છે. કંપનીએ એક્સચેન્જને જાણકારી આપી છે કે 17 શેર બોનસ તરીકે રોકાણકારોને આપવામાં આવશે. જો કે મહત્વની બાબત એ છે કે બોનસ શેર માટેની રેકોર્ડ તારીખ હજુ સુધી કંપની દ્વારા જાહેર કરવામાં આવી નથી. જોકે, કંપનીએ કહ્યું છે કે આ સમગ્ર પ્રક્રિયા 2 મહિનામાં પૂર્ણ થઈ જશે.  

એક્સચેન્જને આપવામાં આવેલી માહિતીમાં, ઉજાસ એનર્જી લિમિટેડે(Ujaas Energy Ltd) જણાવ્યું છે કે રૂ 1ની ફેસ વેલ્યુ ધરાવતા 25 શેરમાંથી 17 શેર યોગ્ય રોકાણકારોને બોનસ તરીકે આપવામાં આવશે. હવે રોકાણકારો રેકોર્ડ ડેટની રાહ જોઈ રહ્યા છે. તમને જણાવી દઈએ કે, ગયા વર્ષે જ ઉજાસ એનર્જી લિમિટેડે રોકાણકારોને બોનસ શેર આપ્યા હતા. કંપની વતી, 2024 માં દરેક 4 શેર માટે 1 શેર બોનસ તરીકે વહેંચવામાં આવ્યા હતા.  

ગુરુવારે બજાર બંધ થવાના સમયે, ઉજાસ એનર્જી લિમિટેડના શેર BSE પર 5 ટકાના ઉછાળા સાથે રૂ. 450.70ના સ્તરે હતા. છેલ્લા 2 અઠવાડિયામાં, કંપનીએ પોઝિશનલ રોકાણકારોને 15 ટકા વળતર આપ્યું છે. જોકે, રિટર્નની આશામાં 6 મહિના પહેલા આ સ્ટોક ખરીદનારા રોકાણકારોને અત્યાર સુધીમાં 31 ટકાનું નુકસાન થયું છે.   

એક વર્ષમાં કંપનીના શેરની કિંમતમાં 1976 ટકાનો વધારો થયો છે. કંપનીનું 52 સપ્તાહનું ઊંચું સ્તર રૂ. 699 અને 52 સપ્તાહનું નિમ્ન સ્તર રૂ. 22.79 છે. ઉજાસ એનર્જી લિમિટેડનું માર્કેટ કેપ રૂ. 4805.66 કરોડ છે.  

માર્ચ ક્વાર્ટર સુધી આ કંપનીમાં પ્રમોટરોનો હિસ્સો 93.79 ટકા હતો. તે જ સમયે, જનતાનો કુલ હિસ્સો 6.21 ટકા હતો. ઉજાસ એનર્જી લિમિટેડે છેલ્લે 2017 માં ડિવિડન્ડ ચૂકવ્યું હતું. ત્યારે કંપનીએ પ્રતિ શેર રૂ. 0.05 નું ડિવિડન્ડ આપ્યું હતું.

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)