10 ભાગમાં વહેચાઈ રહ્યો છે આ પેની સ્ટોક, કિંમતમાં આવ્યો 77% ઘટાડો, જનતા પાસે છે 100% શેર

Penny Stock: આ કંપનીના પેની સ્ટોકે વિભાજીત કરવાનો નિર્ણય લીધો છે. કંપનીએ કહ્યું છે કે એક શેર 10 ટુકડાઓમાં વહેંચવામાં આવશે. આ પેની સ્ટોક દ્વારા એક્સચેન્જને આ અંગે જાણ કરવામાં આવી છે.  

શેરબજારોને આપવામાં આવેલી માહિતીમાં, મર્ક્યુરી ટ્રેડ લિંક્સે જણાવ્યું છે કે હાલમાં એક શેરની ફેસ વેલ્યુ 10 રૂપિયા છે. જેને 10 ભાગમાં વહેંચવામાં આવશે. કંપનીએ કહ્યું છે કે આ શેર વિભાજન પછી, કંપનીના શેરની ફેસ વેલ્યુ ઘટીને 1 રૂપિયા થઈ જશે. મર્ક્યુરી ટ્રેડ લિંક્સે હજુ સુધી શેર વિભાજન માટેની રેકોર્ડ તારીખ જાહેર કરી નથી.  

કંપનીની EGM 11 એપ્રિલ 2025ના રોજ છે. એવી શક્યતા છે કે કંપની તે જ દિવસે શેરના વિતરણ માટે રેકોર્ડ તારીખ જાહેર કરી શકે છે. તમને જણાવી દઈએ કે, શેરધારકોની મંજૂરી મળ્યાના 2 મહિનાની અંદર સ્ટોક વિભાજનની પ્રક્રિયા પૂર્ણ થઈ જશે.

ગુરુવારે અને 13 માર્ચના રોજ કંપનીના શેરમાં લોઅર સર્કિટ લાગી હતી. 2 ટકાના ઘટાડા પછી, કંપનીના શેર BSE પર 19.89 રૂપિયાના સ્તરે આવી ગયા હતા. 2025 માં અત્યાર સુધીમાં કંપનીના શેરના ભાવમાં 77 ટકાનો ઘટાડો થયો છે. જ્યારે આ જ સમયગાળા દરમિયાન સેન્સેક્સ ઇન્ડેક્સમાં માત્ર 5.96 ટકાનો ઘટાડો થયો છે.  

કંપનીનું 52 સપ્તાહનું ઉચ્ચ સ્તર 105.04 રૂપિયા અને 52 સપ્તાહનું લોઅર લેવલ 2.24 રૂપિયા છે. કંપનીનું માર્કેટ કેપ 27.08 કરોડ રૂપિયા છે. તમને જણાવી દઈએ કે, BSE ના ડેટા અનુસાર, આ કંપનીમાં જાહેર હિસ્સો 100 ટકા છે. પ્રમોટર છેલ્લા ત્રણ ક્વાર્ટરથી કંપનીમાં કોઈ શેર ધરાવતા નથી.  

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)