અદાણી ગ્રુપનો આ સુતો શેર જાગ્યો, ભાવમાં આવ્યો 5%નો વધારો, જાણો શું છે તેજનું કારણ?

Adani Share: અદાણી ગ્રુપની કંપનીના શેરમાં મંગળવારે અને 15 એપ્રિલના રોજ 5 ટકાથી વધુનો ઉછાળો જોવા મળ્યો હતો. નાણાકીય વર્ષ 2025 માટે ઓપરેશનલ અપડેટ જાહેર થયા બાદ કંપનીના શેરમાં આ વધારો જોવા મળ્યો હતો. દિવસ દરમિયાન અદાણી ગ્રુપનો આ સ્ટોક 5.33 ટકાના ઉછાળા સાથે રૂ.941.40ની સપાટીએ પહોંચી ગયો હતો. બજાર બંધ સમયે કંપનીના શેરની કિંમત BSEમાં 936.45 રૂપિયાના સ્તરે હતી.  

અદાણી ગ્રીન એનર્જી(Adani Green share price)એ અહેવાલ આપ્યો છે કે તેની કાર્યકારી ક્ષમતા 30 ટકાના વિસ્તરણ પછી નાણાકીય વર્ષ 2025માં 14.2 GW સુધી પહોંચશે. કંપની તેની ક્ષમતામાં વધુ એક ગીગાવોટ વધારો કરવાનો પ્રયાસ કરી રહી છે. આનાથી હાલની ક્ષમતા 15.2 ગીગાવોટ સુધી વધશે.  

14243 મેગાવોટમાંથી 3309 મેગાવોટનું યોગદાન ગ્રીનફિલ્ડનું છે. આમાં 2710 મેગાવોટ સોલર પ્રોડક્ટ પણ સામેલ છે. સોલાર પ્રોજેક્ટ ગુજરાત, રાજસ્થાન અને આંધ્રપ્રદેશમાં આવેલા છે. 599 મેગાવોટનો વિંડ પ્રોજેક્ટ પણ છે. છેલ્લા 5 વર્ષો દરમિયાન, અદાણી ગ્રીન એનર્જીએ 45 ટકાના CAGR પર પાવર જનરેટ કર્યો છે.  

છેલ્લા એક અઠવાડિયામાં, અદાણી ગ્રીન એનર્જીના શેરના ભાવમાં લગભગ 7 ટકાનો વધારો જોવા મળ્યો છે. આ પછી પણ, અદાણી ગ્રુપના આ સ્ટોકને 6 મહિના સુધી રાખનારા રોકાણકારોના પોર્ટફોલિયોમાં 46 ટકાનો ઘટાડો થયો છે. અદાણી ગ્રીન એનર્જીના શેર 1 વર્ષમાં 48 ટકા ઘટ્યા છે. કંપનીનો 52 સપ્તાહનો ઉચ્ચતમ ભાવ 2173.65 રૂપિયા છે. કંપનીનો 52 અઠવાડિયાનો નીચો સ્તર 758 રૂપિયા છે.  

અદાણી ગ્રુપની આ કંપનીના શેર 3 વર્ષમાં 67 ટકા ઘટ્યા છે.

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)