10 Richest of Gujarat: ગુજરાતની આ 10 મહિલાઓ પાસે છે સૌથી વધુ સંપત્તિ, કરોડો રૂપિયાની છે માલકિન

360 વન વેલ્થ અને ક્રિસિલે ભારતમાં ધનવાનોનો એક રિપોર્ટ જાહેર કર્યો છે. આ રિપોર્ટમાં ગુજરાતના અનેક કરોડપતિઓ સામેલ છે. આજે અમે તમને ગુજરાતની ટોપ 10 મહિલા કરોડપતિઓ વિશે માહિતી આપીશું. અલગ-અલગ વ્યાવસાય સાથે જોડાયેલી આ મહિલાઓ પાસે કરોડો રૂપિયાની સંપત્તિ છે. તમે પણ જાણો ગુજરાતની ટોપ-10 ધનિક મહિલાઓ...

ગુજરાતના દિગ્ગજ ઉદ્યોગપતિ ગૌતમ અદાણીના પત્ની પ્રીતિબેન અદાણી ગુજરાતના સૌથી વધુ ધનવાન મહિલા છે. અદાણી ગ્રુપ સાથે સંકળાયેલા પ્રીતિ અદાણીની કુલ સંપત્તિ 78618 કરોડ રૂપિયા છે. પ્રીતિ અદાણી અદાણી ગ્રીન એનર્જી લિમિટેડ સાથે સંકળાયેલા છે.

ગુજરાતના બિઝનેસમેનમાં જેમનું નામ સન્માન સાથે લેવામાં આવે છે તેવા ઝાયડસ ફાર્માસ્યુટિકલ્સના પંકજ પટેલના પત્ની પ્રીતિબેન પંકજભાઈ પટેલ ગુજરાતના બીજા સૌથી વધુ સંપત્તિ ધરાવતા મહિલા છે. પ્રીતિ પટેલની કુલ સંપત્તિ 28364 કરોડ રૂપિયા છે.  

ઈન્ટાસ ફાર્માસ્યુટિકલ્સના બિંદીબેન ચુડગર ગુજરાતના ત્રીજા સૌથી ધનિક મહિલા છે. બિંદીબેન ચુડગરની કુલ સંપત્તિ 11050 કરોડ રૂપિયા છે. 

ગુજરાતની કરોડપતિ મહિલાઓમાં પારૂલ ઉર્મિશભાઈ ચુડગર ચોથા સ્થાને છે. તેઓ ઈન્ટાસ ફાર્માસ્યુટિકલ્સ સાથે જોડાયેલા છે. પારૂલ ઉર્મિશભાઈ ચુડગરની કુલ સંપત્તિ 10572 કરોડ રૂપિયા છે.  

ટોરેન્ટ ફાર્માસ્યુટિકલ્સના સુધીર મેહતાના પત્ની અનિતા સુધીર મહેતા પણ ગુજરાતના કરોડપતિ મહિલાઓમાં સામેલ છે. તેમની કુલ સંપત્તિ 10464 કરોડ રૂપિયા છે.

ટોરેન્ટ ફાર્મા સાથે જોડાયેલા સપના સમિર મહેતા પણ ગુજરાતના મહિલા કરોડપતિઓમાં સામેલ છે. તેમની કુલ સંપત્તિ 10464 કરોડ રૂપિયા છે.

એસ્ટ્રલ લિમિટેડ સાથે જોડાયેલા જાગૃતિ સંદીપ એન્જિનિયર ગુજરાતના ટોપ 10 મહિલા કરોડપતિઓમાં સામેલ છે. એસ્ટ્રલ ગ્રુપ એન્જિનિયરિંગ અને મશીનરી વ્યાવસાય સાથે જોડાયેલું છે. જાગૃતિ એન્જિનિયરિંગની કુલ સંપત્તિ 8196 કરોડ રૂપિયા છે.

ગુજરાતના ટોપ-10 મહિલા કરોડપતિઓના લિસ્ટમાં આઠમાં ક્રમે ઈન્ટાસ ફાર્માસ્યુટિકલ્સના કુસુમબેન હસમુખભાઈ ચુડગર છે. તેમની કુલ સંપત્તિ 6543 કરોડ રૂપિયા છે.

ટેક્સટાઇલ ક્ષેત્રમાં સૌથી મોટું નામ ધરાવતી અરવિંદ લિમિટેડના જયશ્રીબેન સંજયભાઈ લાલભાઈ ગુજરાતના મહિલા ધનિકોમાં નવમાં સ્થાને છે. અરવિંદ લિમિટેડ સાથે જોડાયેલા જયશ્રીબહેનની કુલ સંપત્તિ 2410 કરોડ રૂપિયા છે.

ભારતમાં જાણીતી કંપની સિમ્ફની લિમિટેડના રૂપા અચલ બકેરી ગુજરાતના ટોપ 10 મહિલા ધનિકોમાં સામેલ છે. આ યાદીમાં 10મા ક્રમે રહેલા રૂપા અચલ બકેરીની કુલ સંપત્તિ 2385 કરોડ રૂપિયા છે.