ઉસેન બોલ્ટે 'અંતરિક્ષ'માં લગાવી દોડ, પરપોટાના સ્વરૂપે માણ્યો શેમ્પેઈનનો આનંદ

આ વિમાનમાં 8 વખતના ઓલિમ્પિક ચેમ્પિયન ઉસેન બોલ્ટે અંતરિક્ષના વાતાવરણમાં દોડ લગાવી હતી. તેમણે ઝીરો ગ્રેવિટી ધરાવતા આ વિમાનમાં અન્ય એસ્ટ્રોનોટ સાથે દોડ લગાવી હતી જ્યાં માનવી હવામાં આમથી તેમ તરતો રહે છે. બોલ્ટે આ અનુભવને ક્યારેય ન ભુલી શકાનારો અનુભવ જણાવ્યો હતો.

આ અનુભવ અંગે વાત કરતાં બોલ્ટે જણાવ્યું કે, અહીં આવતા પહેલા હું ઘણો જ નર્વસ હતો. અહીં આવ્યા બાદ મારી પ્રથમ પ્રતિક્રિયા હતી, 'ઓહ માય ગોડ'. આ શું થઈ રહ્યું છે. જોકે, થોડા સમય બાદ મને આ વાતાવરણમાં ખુબ જ આનંદ આવવા લાગ્યો હતો.

ઉસેન બોલ્ટે શેમ્પેઈનનો પણ આનંદ માણ્યો હતો. અહીં તેમની પાસે શેમ્પેઈન બોટલમાંથી નિકળીને પરપોટાના સ્વરૂપમાં પહોંચીહતી. શેમ્પેઈન બનાવતી કંપની 'મમ' દ્વારા અંતરિક્ષ માટે એક વિશેષ શેમ્પેઈન તૈયાર કરવામાં આવી છે. કંપનીનું માનવું છે કે, આ ટૂરિઝનમાં તેમને મોટો ફાયદો થશે

અમેઝનના સ્થાપક જેફ બેજોઝ અને રિચર્ડ વર્જિન કંપનીના પ્રમુખ રિચર્ડ બ્રેસનન જેવા ઉદ્યોગપતિ દુનિયાનાં શ્રીમંત પ્રવાસીઓને અંતરિક્ષમાં મોકલવાની તૈયારી કરી રહ્યા છે. ટેસ્લા કંપનીના ચીફ એલન મસ્ક પણ ચંદ્ર પર પ્રવાસી મોકલવાની યોજના બનાવી રહ્યા છે. 

ઉસેન બોલ્ટને અહીં ખેંચી લાવનારા ફ્રાન્સના પૂર્વ અંતરિક્ષયાત્રી જીન ફ્રાન્સવાએ જણાવ્યું કે, આ ટૂરિઝમમાં ભરપૂર સંભાવનાઓ છે. સામાન્ય પ્રવાસીઓ અંતરિક્ષથી પૃથ્વીને જોઈ શકશે.