હોમ
/ફોટો
/ગુજરાતમાં બે દિવસ વરસાદનું મોટું એલર્ટ, 20 જિલ્લાઓમાં ત્રાટકશે કમોસમી વરસાદ

ગુજરાતમાં બે દિવસ વરસાદનું મોટું એલર્ટ, 20 જિલ્લાઓમાં ત્રાટકશે કમોસમી વરસાદ

Published: May 13, 2025, 08:22 AM IST|Updated: May 13, 2025, 08:22 AM IST

Gujarat Rain Alert : સોમવારે ગુજરાતના અનેક જિલ્લાઓમાં કમોસમી વરસાદ વરસ્યો. ગુજરાતમાં આજે 20 જિલ્લાઓમાં વરસાદ ત્રાટકશે. હવામાન વિભાગે લેટેસ્ટ નાવકાસ્ટ બુલેટીન જાહેર કર્યું છે. સવારે 7 વાગ્યાથી રાજ્યમાં વરસાદની આગાહી છે.

1/4

બે દિવસ 20 જિલ્લામાં વરસાદ આવશે

ગુજરાત પર માવઠાનું સંકટ હજુ પણ યથાવત છે. બે દિવસ 20 જેટલા જિલ્લામાં વરસાદની શક્યતા છે. સોમવારે રાજ્યના 20 તાલુકામાં વરસાદ પડ્યો. તાપીના કુકરમુંડામાં 2 ઈંચ વરસાદ પડ્યો. આજે પણ ગુજરાતમાં ગાજવીજ સાથે હળવા વરસાદની આગાહી છે. દક્ષિણ ગુજરાત અને સૌરાષ્ટ્રમાં વરસાદની શક્યતા વધુ છે. મધ્ય ગુજરાતમાં પણ માવઠું આવી શકે છે. અમદાવાદ, ગાંધીનગરમાં વરસાદની શક્યતા નહિવત છે.

2/4

મે મહિનામાં ફરી આવશે વરસાદ

હવામાન નિષ્ણાત અંબાલાલ પટેલની લેટેસ્ટ આગાહી કહી છે કે, 12 અને 13 મે દરમિયાન ઉત્તર ગુજરાતના કેટલાક ભાગોમાં વરસાદ આવી શકે છે. તો ત્રણ દિવસના બ્રેક બાદ 15 થી 19 મે દરમિયાન રાજ્યના વિવિધ ભાગોમાં ફરીથી વરસાદ આવી શકે છે. કૃતિકા નક્ષત્રમાં રાજ્યમાં કેટલાક ભાગોમાં આંધી વંટોળ સાથે વરસાદ આવવાની શક્યતા છે. વરસાદ સાથે રાજ્યમાં પવનનું જોર પણ રહેશે.

3/4

ગુજરાતમાં આ તારીખે બેસશે ચોમાસું - અંબાલાલ પટેલ

અંબાલાલ પટેલે ગુજરાતમાં ચોમાસા અંગે આગાહી કરતા કહ્યું કે, 25 મેથી 4 જુન વચ્ચે અરબી સમુદ્રમાં સિસ્ટમ બની શકે છે. અરબી સમુદ્રમાં સિસ્ટમ બનતા તે ચક્રવાતમાં ફેરવાઈ શકે છે. 28 મેથી 4 જુન વચ્ચે રાજ્યમાં રોહિણી નક્ષત્રમાં વિવિધ ભાગોમાં વરસાદ આવી શકે છે. 13 મેથી અંદામાન નિકોબાર ટાપુ પર ચોમાસું બેસવાની શક્યતા છે. તેના બાદ 28 મેથી 4 જુન સુધી કેરળમાં ચોમાસું પ્રવેશ કરી શકે છે. આ દરમિયાન રાજ્યમાં ભારે પવન ફૂંકાઈ શકે છે.

4/4

પહેલો વરસાદ આ તારીખે આવશે - અંબાલાલ પટેલ

તેમણે કહ્યું કે, ખેડૂતો માટે ચોમાસુ વહેલું આવવાનું રહેશે. ગુજરાતમાં 15 જુનની આસપાસ પહેલો વરસાદ આવશે. 25 જુનથી 5 જુલાઈ વચ્ચે વરસાદ આવશે. તેના બાદ સપ્ટેમ્બરમાં પાછોતરો વરસાદ થશે.

TAGS: