આ શહેરની મહિલાઓ પોતાના પાર્ટનર પર સૌથી વધુ કરે છે જાસૂસી? ખૂલી ગયું મોટું રાજ

Dating Apps: આજના ડિજિટલ યુગમાં ઓનલાઈન ડેટિંગનું ચલણ ઝડપથી વધી રહ્યું છે. પરંતુ એક ચોંકાવનારી વાત સામે આવી છે કે એક એવું શહેર છે જ્યાં મહિલાઓ પોતાના પાર્ટનરની ઓનલાઈન ગતિવિધિઓ પર સૌથી વધુ નજર રાખે છે. ડેટિંગ એપ્સનો ઉપયોગ માત્ર નવા લોકોને મળવા માટે જ નહીં પરંતુ પાર્ટનરની ગતિવિધિઓ પર નજર રાખવા માટે પણ કરવામાં આવે છે. આ ટ્રેન્ડ સંબંધોમાં ગોપનીયતા અને સુરક્ષાને લગતી ગંભીર સમસ્યાઓને જન્મ આપી રહ્યું છે. ટેક્નોલોજીએ પ્રેમ અને સંબંધોની વ્યાખ્યા બદલી નાખી છે, પરંતુ સવાલ એ થાય છે કે શું આ બદલાવથી વિશ્વાસ પણ નબળો પડ્યો છે?

એક નવા રિપોર્ટ અનુસાર, લંડન એવું શહેર છે જ્યાં મહિલાઓ પોતાના પાર્ટનરની જાસૂસી કરવા માટે સૌથી વધુ ડેટિંગ એપ્સનો ઉપયોગ કરી રહી છે. CheatEye.ai નો રિપોર્ટ જણાવે છે કે લંડનમાં 27.4% સર્ચ માત્ર એ જાણવાના હેતુથી કરવામાં આવે છે કે પાર્ટનર બેવફા છે કે નહીં.

આ ડેટા દર્શાવે છે કે આજની યુવા પેઢીમાં વિશ્વાસનો અભાવ વધી રહ્યો છે. ડેટિંગ એપ્સ હવે નવા સાથી શોધવાનું માત્ર એક માધ્યમ નથી રહ્યું, પરંતુ તે એક પ્રકારનું ડિજિટલ ઈન્વેસ્ટિગેશન ટૂલ બની ગયું છે. ઘણા લોકો પોતાના સંબંધો વિશે એટલા અસુરક્ષિત અનુભવે છે કે તેઓ ફક્ત તેમના પાર્ટનરને મોનિટર કરવા માટે ડેટિંગ એપ્સનો ઉપયોગ કરે છે.

યુકેના એ શહેરો જ્યાં ડેટિંગ એપ્સ પર સૌથી વધુ નજર રાખવામાં આવે છે....

લંડન ઉપરાંત માન્ચેસ્ટર, બર્મિંગહામ અને ગ્લાસગો પણ એવા શહેરોની યાદીમાં સામેલ છે, જ્યાં મહિલાઓ પોતાના પાર્ટનર પર નજર રાખવા માટે સૌથી વધુ ડેટિંગ એપ્સનો ઉપયોગ કરી રહી છે.

• માન્ચેસ્ટરઃ અહીં 8.8% સર્ચ માત્ર એ જાણવા માટે કરવામાં આવે છે કે પાર્ટનર છેતરપિંડી કરી રહ્યો છે કે નહીં.

• બર્મિંગહામ: આ શહેરમાં 8.3% સર્ચ બેવફાઈની તપાસના હેતુથી કરવામાં આવે છે. આ ઉપરાંત અહીં લિંગ અસમાનતા પણ જોવા મળે છે, કારણ કે 69% સર્ચ મહિલાઓ દ્વારા કરવામાં આવે છે જેથી તેઓ તેમના પાર્ટનરની ગતિવિધિઓ પર નજર રાખી શકે.  

• ગ્લાસગો: આ શહેરમાં 4.7% લોકો તેમના પાર્ટનરને ટ્રેક કરવા માટે ડેટિંગ એપ્સનો ઉપયોગ કરે છે. રસપ્રદ વાત એ છે કે, અહીં 62.1% સર્ચ પુરુષો પર નજર રાખવા માટે કરવામાં આવે છે.

આ આંકડાઓ પરથી સ્પષ્ટપણે જણાય છે કે આજના આધુનિક સંબંધોમાં વિશ્વાસનો અભાવ વધી રહ્યો છે. પહેલા સંબંધો વિશ્વાસ અને પ્રામાણિકતા પર આધારિત હતા, પરંતુ હવે ઘણા સંબંધોમાં પાર્ટનર છેતરપિંડી કરે છે તેવો ડર છે. આ કારણે લોકો જાસૂસી માટે ડેટિંગ એપ્સનો પણ ઉપયોગ કરી રહ્યા છે.

ડેટિંગ એપ્સનો આ ટ્રેન્ડ દર્શાવે છે કે ટેક્નોલોજીએ પ્રેમને ભલે સરળ બનાવ્યો હોય, પરંતુ તે સંબંધોને જટિલ પણ બનાવે છે. હવે સવાલ એ છે કે શું આ ડિજિટલ યુગ સંબંધોને મજબૂત બનાવે છે કે પછી તેમને શંકા અને અસુરક્ષાની દીવાલો પાછળ ધકેલી દે છે?