કોણ છે ગૌરી સ્પ્રૈટ, આમિર ખાને નવી ગર્લ ફ્રેન્ડનો કર્યો ખુલાસો, ત્રીજા લગ્નની તૈયારીમાં છે કલાકાર

આમિર ખાન ૧૪ માર્ચ ૨૦૨૫ એટલે કે આજે પોતાનો ૬૦મો જન્મદિવસ ઉજવી રહ્યો છે. ગુરુવારે, 'પીકે' ના અભિનેતાએ મુંબઈમાં એક મુલાકાત અને શુભેચ્છા કાર્યક્રમનું આયોજન કર્યું હતું. જ્યાં તેણે મીડિયાને આશ્ચર્યચકિત કર્યું અને તેની ગર્લફ્રેન્ડ ગૌરીનો પરિચય કરાવ્યો, જેને તે 18 મહિનાથી ડેટ કરી રહ્યો છે. આમિરે પોતાના જન્મદિવસ પહેલા એક ચોંકાવનારો ખુલાસો કર્યો અને પત્રકારો સાથેની એક અનૌપચારિક મુલાકાત દરમિયાન, અભિનેતાએ પોતાના જીવન અને કારકિર્દી વિશે વાત કરી. વાતચીત પછી, આમિરે તેની 'જીવનસાથી' ગૌરીનો પરિચય કરાવ્યો અને કહ્યું કે તે તેની ગર્લફ્રેન્ડ છે. એટલું જ નહીં, હંમેશા પોતાના લગ્ન અને છૂટાછેડા વિશે ખુલ્લેઆમ વાત કરનાર અભિનેતાએ હવે ગૌરી સાથેના પોતાના સંબંધો વિશે ખુલ્લેઆમ વાત કરી છે.

જ્યારે પત્રકારોએ ખાનને તેની ગર્લફ્રેન્ડ વિશે વધુ વિગતો પૂછી, ત્યારે અભિનેતાએ ખુલાસો કર્યો કે ગૌરી 6 વર્ષના પુત્રની માતા છે. પોતાની ગર્લફ્રેન્ડની પ્રશંસા કરતા આમિર ખાને કહ્યું, "મારી ગર્લફ્રેન્ડ કેટરિના કૈફ કરતાં પણ વધુ સુંદર છે. જ્યારે હું તેની સાથે હોઉં છું ત્યારે મને ઘર જેવું લાગે છે." આમિરે કહ્યું કે તેના બાળકો, જુનૈદ અને ઈરા પણ તેને મળીને ખુશ છે. 60 વર્ષની ઉંમરે લગ્ન વિશે પૂછવામાં આવતા, આમિરે વિચારપૂર્વક જવાબ આપ્યો, "મને આ ઉંમરે લગ્ન વિશે ખબર નથી, પણ અમે એકબીજા પ્રત્યે ખૂબ જ પ્રતિબદ્ધ છીએ."

આમિર ખાને કહ્યું કે, અમે બંને પહેલી વાર 25 વર્ષ પહેલાં મળ્યા હતા, પરંતુ સમય જતાં તેમનો સંપર્ક તૂટી ગયો હતો, અને થોડા વર્ષો પછી ફરી જોડાયા હતા. આમિરે ખુલાસો કર્યો કે તેઓ છેલ્લા 18 મહિનાથી રિલેશનશિપમાં છે. મુંબઈ આવતા પહેલા ગૌરી બેંગ્લોરમાં રહેતી હતી.  

ગૌરી સ્પ્રૈટ વિશે વાત કરીએ તો, તે એંગ્લો-ઇન્ડિયન છે. તેના પિતા તમિલ-બ્રિટિશ છે અને માતા પંજાબી-આઈરિશ છે. જ્યારે ગૌરીને તેની ઓળખ વિશે પૂછવામાં આવ્યું ત્યારે તેણે ગર્વથી કહ્યું 'ભારતીય'. આમિરે ખુલાસો કર્યો કે સ્પ્રેટના દાદા એક બ્રિટિશ હતા જેમણે ભારતના સ્વાતંત્ર્ય સંગ્રામમાં લડાઈ લડી હતી અને ઈતિહાસકાર રામચંદ્ર ગુહાએ તેમના વિશે લખ્યું છે. કામના મોરચા વિશે વાત કરીએ તો, ગૌરી બેંગ્લોરમાં રહે છે અને આમિર ખાનના પ્રોડક્શનમાં કામ કરે છે.  

ઉલ્લેખનીય છે કે આમિર ખાનના પહેલા લગ્ન રીના દત્તા અને કિરણ રાવ સાથે થયા હતા. અભિનેતાને તેની પહેલી પત્નીથી બે બાળકો, ઇરા અને જુનૈદ છે. જ્યારે અભિનેતાને તેની બીજી પત્નીથી એક પુત્ર છે.