કોરોના કોલર ટ્યૂનથી કંટાળ્યા છો? બંધ કરવા માટે BSNL, Airtel, Jio અને Vi ગ્રાહકો આ રીત અજમાવો
આજે અમે તમને જણાવીએ કે આ કોલર ટ્યૂનને બંધ કરવાની સરળ રીત (How to Stop Corona Caller Tune) કઈ છે.
નવી દિલ્હી: છેલ્લા કેટલાક મહિનાથી તમે રોજેરોજ અમિતાભ બચ્ચનના અવાજમાં કોરોના વાયરસ રોકથામની કોલર ટ્યૂન(Corona Caller Tune) સાંભળી રહ્યા છો. ક્યારેક ક્યારેક આવી સૂચનાઓ સાંભળવામાં કોઈ સમસ્યા ન નડે પરંતુ દરરોજ, દરેક કોલ પર આવો સંદેશો સાંભળીને હેરાનગતિ થતી હોય છે. આજે અમે તમને જણાવીએ કે આ કોલર ટ્યૂનને બંધ કરવાની સરળ રીત (How to Stop Corona Caller Tune) કઈ છે.
BSNL ગ્રાહકો આ રીતે બંધ કરી શકે છે કોલર ટ્યૂન
સરકારી ટેલિકોમ કંપની ભારત સંચાર નિગમ લિમિટેડ(BSNL) ના પ્રીપેડ અને પોસ્ટપેડ ગ્રાહકો પોતાના મોબાઈલ પર આ કોરોના વાયરસ સંદેશને સરળતાથી બંધ કરી શકે છે. આ માટે તમારે મોબાઈલથી UNSUB મેસેજ લખીને 56700 અથવા તો 56799 પર મોકલવાનો રહેશે.
Airtel માં પણ આ મેસેજ બંધ કરવાનું શક્ય
એરટેલ ગ્રાહકો પણ આ સંદેશને બંધ કરી શકે છે. આ માટે તમારે Airtel નંબર *646*224# ડાયલ કરવાનો રહેશે. ત્યારબાદ 1 બટન પ્રેસ કરો અથવા કોલ લાગતાની સાથે જ કોરોના ટ્યૂન સંભળાય તો વાર કર્યા વગર * કે 1 દબાવો, સંદેશ બંધ થઈ જશે.
Jio ગ્રાહકો માટે કોલર ટ્યૂન બંધ કરવાની રીત
જિયો ગ્રાહકો પોતાના મોબાઈલ ફોનથી STOP લખીને 155223 પર મોકલી શકે છે. ત્યારબાદ કોરોના કોલર ટ્યૂન સંભળાતી બંધ થઈ જશે. જિયો ગ્રાહકો પણ એરટેલની જેમ જ સંદેશ સંભળાય કે તરક * કે 1 દબાવીને તેને બંધ કરી શકે છે.
Vi ગ્રાહકો આ રીતે બંધ કરે કોરોના કોલર ટ્યૂન
વોડાફોન-આઈડિયા (Vi) ગ્રાહકો પોતાના મોબાઈલ ફોનથી CANCT લખીને 144 પર મોકલી શકે છે. આ ઉપરાંત કોરોના ટ્યૂન સંભળાય કે તરત * કે 1 લખીને પણ બંધ કરી શકાય છે.
સોશિયલ મીડિયા પર આ કોલર ટ્યૂનને લઈને થઈ રહી છે પરેશાની
વાત જાણે એમ છે કે મોટાભાગના મોબાઈલ યૂઝર્સ છેલ્લા કેટલાક સમયથી કોરોના વયારસની આ કોલર ટ્યૂનથી ખુબ પરેશાન છે. લોકો પોતાનો ગુસ્સો સોશિયલ મીડિયા પર ઠાલવતા જોવા મળે છે. જો કે સરકારે તેને બંધ કરવા અંગે કોઈ જાહેરાત કરી નથી.
Trending Photos