Facebook પર Google ની સહયોગી કંપની ભારે પડી, છીનવી લીધો નંબર 2નો ખિતાબ

સાન ફ્રાંસિસ્કો: યૂટ્યૂબ અમેરિકામાં ફેસબુકને પછાડીને શીર્ષ નંબર 2 વેબસાઇટ બનવા જઇ રહી છે. યૂટ્યૂબને આ મુકામ પ્રાપ્ત કરવામાં બેથી ત્રણ મહિના લાગશે. ફેસબુક પહેલાં લાંબા સમય સુધી આ સ્થાન પર હતી. ગત બે વર્ષમાં તેના માસિક પેજ વિઝિટમાં તીવ્ર ઘટાડો નોંધાયો છે, જે 8.5 અરબથી ઘટીને 4.7 અરબ રહી ગયો છે. આ તથ્ય રિપોર્ટમાં રજૂ કરવામાં આવ્યો છે. આ કારણે ફેસબુકને આ સ્થાન ગુમાવવું પડ્યું છે. 

ફેસબુકે આ પહેલાં જણાવ્યું હતું કે આ વર્ષના બીજા ત્રિમાસિકમાં ઉત્તરી અમેરિકામાં તેના યૂજર્સની સંખ્યા સ્થિર રહી છે, જ્યારે આ દરમિયાન યૂરોપમાં તેના યૂજર્સની સંખ્યામાં ઘટાડો નોંધાયો છે. 

બીજી તરફ ગૂગલની પેરેંટ કંપની અલ્ફાબેટના સ્વામિત્વવાળી યૂટ્યૂબના ટ્રાફિક અને વ્યૂઅરશિપમાં વધારો નોંધયો છે. આ રિસચમાં જાણવા મળ્યું છે કે ગૂગલ અમેરિકાની ટોચની વેબસાઇટના સ્થાન પર યથાવત છે. 

એક રિપોર્ટમાં માર્કેટ રિસર્ચ ફર્મ સિમિલરવેબના હવાલેથી જણાવ્યું કે જોકે ફેસબુકની એપનો ટ્રાફિક વધ્યો છે, પરંતુ આ એટલો બધો વધુ ન હતો કે તે ફેસબુક પોતાના બીજા નંબરની સ્થિતિને જાળવી શકે.

શોધકર્તાઓએ અનુમાન લગાવ્યું છે કે અમેઝોન આગામી થોડા મહિનામાં યાહૂને પછાડીને અમેરિકાની ચોથી સૌથી મોટી જોવામાં આવતી વેબસાઇટ બની જશે.