 "Blood Moon: 82 મિનિટ સુધી 'લોહી'ની જેમ લાલ દેખાશે ચંદ્ર, આ તારીખે છે વર્ષનું છેલ્લું ચંદ્રગ્રહણ")
Lunar Eclipse: 7 અને 8 સપ્ટેમ્બરની રાત્રે ચંદ્ર 82 મિનિટ માટે લોહી જેવો લાલ થઈ જશે, જેનો નજારો જોવો બધા માટે શાનદાર અનુભવ હશે. આ ત્યારે થશે જ્યારે ધરતી, સૂર્ય અને ચંદ્ર વચ્ચેથી સીધી પસાર થાય છે. આ વર્ષનું છેલ્લું ચંદ્રગ્રણ થવાનું છે, જે 5 કલાક ચાલશે. આ વર્ષે પૃથ્વીનો પડછાયો ચંદ્ર પર પડશે, જેનાથી ચંદ્રમાનો આખો ભાગ અંધારામાં ડૂબી જશે અને લાલ દેખાશે. આ કારણે તેને બ્લડ મૂન કહેવામાં આવે છે. ચંદ્રમાનો લાલ રંગ રેલે સ્કેટરિંગ નામની ઘટનાને કારણે થાય છે.
આ બ્લડ મૂન વિશે NASA એ શું કહ્યું?
તેને લઈને નાસાનું કહેવું છે કે જોવા મળનાર લાલ રંગ હંમેશા એક જેવો હોતો નથી. ધરતીના વાતાવરણમાં રહેલ, ધૂળ, વાદળ કે જ્વાળામુખીની રાખ તેના પર અસર કરે છે. આ વસ્તુઓ પ્રકાશના વિખેરવાની અસરને વધુ વધારી શકે છે, જેના કારણે ચંદ્રનો રંગ વધુ ઘેરો લાલ થઈ જાય છે.
ક્યા જોવા મળશે બ્લડ મૂન?
તમને જણાવી દઈએ કે અમેરિકાના લોકો 7 અને 8 સપ્ટેમ્બરે લાગનાર આ ચંદ્રગ્રહણ જોઈ શકશે નહીં. વર્ષ 2025નું આ છેલ્લું ચંદ્રગ્રહણ લગભગ દુનિયાની 78 ટકા વસ્તી જોઈ શકશે. આ ગ્રહણ એશિયા, ઓસ્ટ્રેલિયા, આફ્રિકા અને યુરોપમાં જોવા મળશે. તારીખ અને સમય પ્રમાણે તેના સૌથી સારા નજારા એશિયા અને પશ્ચિમ ઓસ્ટ્રેલિયામાં જોવા મળશે, તો યુરોપ અને આફ્રિકાના લોકો આ ચંદ્રગ્રહણનો એક ભાગ જોઈ શકશે.
શું હોય છે પૂર્ણ ચંદ્રગ્રહણ?
પૂર્ણ ચંદ્રગ્રહણ હંમેશા પૂનમના દિવસે હોય છે. જ્યારે સૂર્ય, પૃથ્વી અને ચંદ્રમા એક સીધી રેખામાં આવી જાય ત્યારે આ ઘટના બને છે. તે સમયે, ચંદ્ર સંપૂર્ણપણે પૃથ્વીના ઊંડા પડછાયામાં જાય છે અને ચંદ્ર લોહી લાલ રંગનો દેખાવા લાગે છે, જેના કારણે તેને બ્લડ મૂન પણ કહેવામાં આવે છે.
)