Chaturmas 2025: 6 જુલાઈ અને રવિવારથી શરુ થઈ રહ્યો છે ચાતુર્માસ, જાણો આ પવિત્ર માસમાં શું કરવું અને શું નહીં

Chaturmas 2025: દર વર્ષે અષાઢ માસના શુક્લ પક્ષની એકાદશીને દેવશયની એકાદશી તરીકે ઉજવવામાં આવે છે. આ દિવસે ભગવાન વિષ્ણુ ચાર માસની યોગ નિદ્રામાં જાય છે અને ત્યારથી ચાતુર્માસ શરુ થાય છે. ભગવાન વિષ્ણુની યોગ નિદ્રાના ચાર માસના સમયને ચાતુર્માસ કહેવામાં આવે છે. આ સમય દરમિયાન સૃષ્ટિનું સંચાલન મહાકાલના હાથમાં હોય છે. 

આ પણ વાંચો: 7 જુલાઈથી સંભાળીને રહે મેષ સહિત આ 4 રાશિઓ, નોકરી-વેપાર અને પરિવારમાં વધશે મુશ્કેલીઓ

Add Zee News as a Preferred Source

આ વખતે દેવશયની એકાદશી 6 જુલાઈ અને રવિવારે છે. તેથી ચાતુર્માસનો પ્રારંભ પણ 6 જુલાઈથી માન્ય રહેશે. ચાતુર્માસ દરમિયાન કોઈપણ શુભ કાર્ય કરવાની મનાઈ હોય છે. આ સમયમાં શુભ કાર્યો કરવાથી આર્થિક સમસ્યા થઈ શકે છે. 4 મહિનાના આ સમયમાં શું કરવું અને શું નહીં ચાલો જાણીએ.

આ પણ વાંચો: શનિવારે કરી જુઓ આ 4 કામ, જીવનમાંથી ગરીબી અને સમસ્યાઓ શનિદેવ દુર ન કરે તો કહેજો

ચાતુર્માસમાં શું ન કરવું ?

- ચાતુર્માસમાં લગ્ન, સગાઈ, ભુમિ પૂજન, મુંડન, વાસ્તુ, જનોઈ જેવા શુભ કાર્ય કરવા અશુભ ગણાય છે. 
- ચાતુર્માસમાં નવા કાર્યની શરુઆત કરવાની પણ મનાઈ હોય છે કેમકે આ સમયે દેવ પોઢેલા હોય છે. તેથી આ સમયે શરુ કરેલું કામ સફળ થવાની સંભાવના ઓછી હોય છે. 
- ચાતુર્માસમાં ઘરેથી વહુ કે દીકરીને વિદાઈ ન આપવી.

આ પણ વાંચો: 7 જુલાઈથી આ 7 રાશિના લોકો કરશે જલસા, સૂર્યના નક્ષત્ર ગોચરથી કરિયર કરશે શાઈન

ચાતુર્માસમાં શું કરવાથી લાભ થાય ?

- ચાતુર્માસ શરુ થાય ત્યારથી પુરો થાય ત્યાં સુધી સાત્વિક આહાર લેવો. આ સમય દરમિયાન તામસિક વસ્તુઓનો ત્યાગ કરવો.
- ચાતુર્માસ દરમિયાન ભગવાનના ભજન-કિર્તનમાં સમય પસાર કરવો જોઈએ. 
- ચાતુર્માસમાં નિયમિત વિષ્ણુ સહસ્ત્રનામનો પાઠ કરવાથી લાભ થાય છે. 
- ચાતુર્માસમાં દાન-પુણ્ય જેવા કાર્ય કરવા કલ્યાણકારી છે. 
- ભગવાનના નામનો જપ કરવાથી શુભ ફળ પ્રાપ્ત થાય છે.

(Disclaimer: અહીં આપેલી માહિતી સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)