 "Pitru Paksha 2025: દીકરો ન હોય તો કોણ કરી શકે શ્રાદ્ધ ? જાણો પિતૃ પક્ષ સંબંધિત સૌથી મહત્વનો નિયમ")
Pitru Paksha 2025: સનાતન ધર્મમાં પિતૃ પક્ષના દિવસોને મહત્વપૂર્ણ માનવામાં આવે છે. કહેવાય છે કે આ દિવસો દરમિયાન પિતૃઓ કોઈને કોઈ રુપે ધરતી પર આવે છે. આ સમયમાં જો તેમના પરિજનો તેમનું શ્રાદ્ધ કર્મ કરે તો તેમની આત્માને શાંતિ મળે છે અને તેઓ પ્રસન્ન થઈને પોતાના લોક પરત ફરે છે. ધર્મ શાસ્ત્રો અનુસાર પિતૃઓનું શ્રાદ્ધ દીકરાના હાથે થાય છે. પરંતુ જેમને દીકરો ન હોય તેમનું શ્રાદ્ધ કોણ કરી શકે તેવો પ્રશ્ન ઊભો થાય છે. આ વિષયમાં ગરુડ પુરાણમાં જાણકારી આપવામાં આવે છે. ગરુડ પુરાણમાં જણાવેલું છે કે સંતાનમાં દીકરો ન હોય તો શ્રાદ્ધ કર્મ કેવી રીતે કરવું અને તેના નિયમો કયા છે.
દીકરો ન હોય તો કોણ કરી શકે શ્રાદ્ધ ?
1. હિંદુ ધર્મ શાસ્ત્રો અનુસાર શ્રાદ્ધ કરવાનો પહેલો અધિકાર મોટા પુત્રનો હોય છે. જો મોટો દીકરો જીવિત ન હોય તો નાનો દીકરો શ્રાદ્ધ કરી શકે છે. બંને ભાઈ મળીને પણ શ્રાદ્ધ કરી શકે છે.
2. જો દીકરાના લગ્ન થઈ ગયા હોય તો તેણે પોતાની પત્ની સાથે મળી શ્રાદ્ધ કરવું જોઈએ. તેનાથી પૂર્વજો પ્રસન્ન થાય છે અને તેમની આત્માને શાંતિ મળે છે. પતિ-પત્ની મળીને તર્પણ કરે છે તો પૂર્વજોની આત્માને શાંતિ મળે છે.
3. ધર્મ શાસ્ત્ર અનુસાર શ્રાદ્ધ કરવાનો અધિકાર પુત્રનો હોય છે પરંતુ જો કોઈ વ્યક્તિને પુત્ર ન હોય તો તેનું શ્રાદ્ધ તેની પત્ની કરી શકે છે. આ ઉપરાંત ભાઈનો પુત્ર એટલે કે ભત્રીજો પણ શ્રાદ્ધ કરી શકે છે.
4. જો પતિ અને પત્ની બંને જીવિત ન હોય અને તેનો કોઈ પુત્ર ન હોય તો તેની દીકરીનો દીકરો શ્રાદ્ધ કરી શકે છે. તેનાથી તેમની આત્માને શાંતિ મળે છે અને તે મુક્ત થાય છે.
(Disclaimer: અહીં આપેલી માહિતી સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)
)