Marriage Date: આ તારીખોએ લગ્ન કરનારના વૈવાહિક જીવનમાં વારંવાર થાય અણબનાવ, જાણો કઈ ડેટ લગ્ન માટે બેસ્ટ

Numerology for Marriage Date: કહેવાય છે કે જોડી તો સ્વર્ગમાં જ બની જતી હોય છે. તેવામાં પ્રશ્ન એવો પણ થાય કે પતિ-પત્નીની જોડી સ્વર્ગમાં જ બની જતી હોય તો પણ તેમની વચ્ચે લડાઈ, છુટાછેડા જેવી ઘટનાઓ શા માટે બને છે ? અંક જ્યોતિષમાં આવા પ્રશ્નોનો જવાબ છે. અંક જ્યોતિષ અનુસાર લગ્નની તારીખનો પ્રભાવ દંપતિના વૈવાહિક જીવન પર પડતો હોય છે. આજે તમને લગ્નની તારીખ અને વૈવાહિક જીવન સંબંધિત મહત્વપૂર્ણ વાતો વિશે જણાવીએ.

આ પણ વાંચો: 17 સપ્ટેમ્બરથી દિવસ-રાત રુપિયા ગણશે આ 5 રાશિના લોકો, સૂર્ય કૃપાથી ભાગ્ય પલટી મારશે

મૂલાંક 1 

જો લગ્નની તારીખ 1, 10, 19, 28 તારીખ હોય તો તેમનો મૂલાંક 1 હોય છે. આ તારીખે લગ્ન થયા હોય તેમનું વૈવાહિક જીવન ઉતાર-ચઢાવથી ભરપુર હોય છે. આ તારીખોએ લગ્ન કરનાર દંપતિ વચ્ચે નાની-મોટી વાત પર ઝઘડા થતા રહે છે. 

મૂલાંક 2 

અંક જ્યોતિષ અનુસાર જેમના લગ્ન 2, 11, 20, 29 તારીખે થયા હોય તેમનું વૈવાહિક જીવન સુખમય હોય છે. આ પતિ-પત્નીના સંબંધ સારા હોય છે. પરિસ્થિતિ ગમે તેવી હોય તેઓ એકબીજાનો સાથ છોડતા નથી. 

મૂલાંક 3

જે લોકોના લગ્ન 3, 30, 12, 21 તારીખે થયા હોય તેમનો મૂલાંક 3 હોય છે અને તેઓ સુખી વૈવાહિક જીવનનો આનંદ માણે છે. તેઓ એકબીજાનું ખૂબ ધ્યાન રાખે છે અને વૈવાહિક જીવનમાં અનુશાસન હોય છે. 

આ પણ વાંચો: ગુરુ-મંગળના કેન્દ્ર દ્રષ્ટિ યોગથી 3 રાશિઓને અચાનક થશે લાભ, મનમાં રહેશે પ્રસન્નતા

મૂલાંક 4 

જેમના લગ્ન 4, 13, 22 કે 31 તારીખે થયા હોય તેમનો મૂલાંક 4 હોય છે. તેમનું વૈવાહિક જીવન ખૂબ સારું હોય છે. તેઓ એકબીજાની કદર કરે છે. લગ્ન પછી તેમનું જીવન સુખ-સુવિધાથી ભરાઈ જાય છે. 

મૂલાંક 5

જો કોઈના લગ્ન 5, 14, 23 તારીખે થયા હોય તો તેમનો મૂલાંક 5 હોય છે. તેમનું વૈવાહિક જીવન તડકા-છાયા જેવું રહે છે. તેમની વચ્ચે અવારનવાર ઝઘડા થયા કરે છે. 

મૂલાંક 6 

જેમના લગ્ન 6, 15. 24 તારીખે થયા હોય તેમનો મૂલાંક 6 હોય છે. તેમનું વૈવાહિક જીવન સારું રહે છે. પતિ પત્ની વચ્ચે સામંજસ્ય હોય છે. તેમના લગ્ન અન્ય માટે ચર્ચાનો વિષય રહે છે. 

આ પણ વાંચો: મનમાં ઘોર નિરાશા છવાઈ જાય તો યાદ કરવી શ્રીકૃષ્ણની આ વાતો, મુશ્કેલ સમયમાં મળશે હિંમત

મૂલાંક 7 

જેમના લગ્ન 7, 16, 25 તારીખે થયા હોય તેમનો મૂલાંક 7 હોય છે. આવા લોકોનું લગ્નજીવન શાનદાર હોય છે. તેઓ બધા જ પ્રકારની ખુશીઓનો અનુભવ કરે છે. સમયની સાથે તેમની વચ્ચે પ્રેમ વધે છે. 

મૂલાંક 8 

જેમના લગ્ન 8, 17, 26 તારીખે થયા હોય તેમનો મૂલાંક 8 થાય છે. તેમનું વૈવાહિક જીવન સફળ રહે છે. તેમનો સાથ દરેક પરિસ્થિતિમાં ટકે રહે છે. તેમની વચ્ચે સમજદારી સારી રહે છે. 

મૂલાંક 9 

9, 18, 27 તારીખે લગ્ન કરનારનો મૂલાંક 9 હોય છે. આ તારીખોએ લગ્ન કરનારનું વૈવાહિક જીવન પડકારોથી ભરેલું હોય છે. તેમની વચ્ચે મતભેદ વધારે થાય છે. જો કે તેમની વચ્ચે સમસ્યા અનેક આવે છે પરંતુ પ્રેમ ઓછો થતો નથી.

(Disclaimer: અહીં આપેલી માહિતી સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)