 "Shani Amavasya 2025: શનિની સાડાસાતી અને ઢૈયાનો અશુભ પ્રભાવ દુર કરવાનો મહાઉપાય, શનિશ્ચરી અમાસ પર ભુલ્યા વિના કરજો")
Shani Amavasya 2025: અમાસની તિથિ જો શનિવારે આવતી હોય તો તે અમાસને શનિશ્ચરી અમાસ કહેવાય છે. આ દિવસ શનિના અશુભ પ્રભાવને દૂર કરવા માટે શ્રેષ્ઠ દિવસ હોય છે. આ વર્ષે શનિવાર અને 23 ઓગસ્ટે અમાસ આવી રહી છે. શનિશ્ચરી અમાસના દિવસે શનિદોષ શનિની સાડાસાતી અને શનિની ઢૈયાથી મુક્તિ મેળવવાના અથવા તો તેના અશુભ પ્રભાવને દૂર કરવાના વિવિધ ઉપાયો કરી શકાય છે. શનિના અશુભ પ્રભાવના કારણે વ્યક્તિને આર્થિક, શારીરિક, માનસિક સમસ્યાઓનો સામનો કરવો પડે છે. જે જાતકોની પનોતી અથવા તો સાડાસાતી ચાલતી હોય તેમણે શનિના અશુભ પ્રભાવોને દૂર કરવા માટે અમાસના દિવસે આ મહાઉપાયો કરવા જોઈએ.
વર્ષ 2025 ની આ પહેલી શનિશ્ચરી અમાસ હશે. શ્રાવણ મહિનાની અમાસની તિથિ શનિવારે આવી રહી છે. આ દિવસે કેટલાક ઉપાય કરવાથી શનિદેવને પ્રસન્ન કરી શકાય છે અને તેમની કૃપા પ્રાપ્ત થઈ શકે છે. તો ચાલો તમને પણ જણાવીએ અમાસ હોય ત્યારે શું કરવું જોઈએ?
શનિશ્ચરી અમાસના ઉપાયો
1. શનિ અમાસના દિવસે પૂજા હંમેશા સાંજના સમયે કરવી. શનિદેવની પૂજા કરવા માટે સાંજનો સમય સૌથી શ્રેષ્ઠ ગણાય છે. આ દિવસે દાન કરવાથી પણ લાભ થાય છે. શનિ અમાસના દિવસે અડદની દાળ, કાળા તલ અથવા લોઢાનું દાન કરવું જોઈએ.
2. શનિ અમાસના દિવસે શનિની સાડાસાતી અને ઢૈયાથી પરેશાન લોકોએ સરસવના તેલનો દીવો કરી 108 વખત ઓમ શં શનૈશ્ચરાય નમ: શનિ મંત્રનો જાપ કરવો જોઈએ.
3. શનિ અમાસના દિવસે આ ઉપાય કરવાથી શનિની સાડાસાતી અને ઢૈયાના પ્રભાવને ઘટાડી શકાય છે.
4. શનિ અમાસના દિવસે શની ચાલીસા અને શનિદેવના મંત્રોનો જાપ કરવો. સાથે જ શનિદેવને પ્રાર્થના કરવી કે જીવનમાં આવેલી સમસ્યાઓથી મુક્તિ મળે અથવા તેની અસર ઓછી થાય.
5. શાસ્ત્રો અનુસાર શનિ અમાસના દિવસે જરૂરિયાતમંદોને મદદ કરવાથી પણ લાભ થાય છે. આ દિવસે કાળા કપડાનું દાન, કાળા જૂતાનું દાન કરવું શુભ ગણાય છે.
6. શનિ અમાસના દિવસે કાળા કૂતરાને રોટલી પર સરસવનું તેલ લગાડીને ખવડાવવું પણ શુભ ગણાય છે.
(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)
)