વિશ્વમાં માત્ર આ 3 બેટર વનડે આંતરરાષ્ટ્રીયમાં ફટકારી શકે છે ત્રેવડી સદી! તોડી શકે છે રોહિતનો રેકોર્ડ!

Team India: વનડે આંતરરાષ્ટ્રીય ક્રિકેટના ઈતિહાસમાં આજ સુધી કોઈ બેટર ત્રેવડી સદી ફટકારી શક્યો નથી. વનડે આંતરરાષ્ટ્રીય ક્રિકેટના ઈતિહાસમાં સૌથી મોટી વ્યક્તિગત ઈનિંગ રમવાનો વર્લ્ડ રેકોર્ડ ભારતના સ્ટાર બેટર અને વર્તમાન કેપ્ટન રોહિતના નામે છે. રોહિત શર્માએ 13 નવેમ્બર 2014ના શ્રીલંકા વિરુદ્ધ કોલકત્તામાં 264 રનની ઈનિંગ રમી હતી. હજુ સુધી કોઈ બેટર આ રેકોર્ડ તોડી શક્યો નથી. પરંતુ ત્રણ બેટર એવા છે, જે વનડેમાં ત્રેવડી સદી ફટકારી રોહિતનો રેકોર્ડ તોડી શકે છે.

1. સૂર્યકુમાર યાદવ
સૂર્યકુમાર યાદવ ન માત્ર રોહિત શર્માનો 264 રનનો વર્લ્ડ રેકોર્ડ તોડી શકે છે પરંતુ વનડે આંતરરાષ્ટ્રીય ક્રિકેટના ઈતિહાસની પ્રથમ ત્રેવડી સદી ફટકારી શકે છે. સૂર્યાને ભારતનો એબી ડિવિલિયર્સ કહેવામા આવે છે. સૂર્યા પાસે વનડેમાં ત્રેવડી સદી ફટકારવાની ક્ષમતા છે. સૂર્યકુમાર વર્તમાન સમયમાં સૌથી ખતરનાક બેટર છે. જે મેદાનમાં 360 ડિગ્રી શોટ્સ ફટકારી શકે છે. સૂર્યાએ ભારત માટે 83 ટી20 મેચમાં 38.21ની એવરેજ અને 167ની સ્ટ્રાઇક રેટથી 2598 રન બનાવ્યા છે. સૂર્યાએ ટી20 આંતરરાષ્ટ્રીયમાં ચાર સદી અને 21 અડધી સદી ફટકારી છે. સૂર્યાએ 37 વનડેમાં 773 રન બનાવ્યા છે. સૂર્યાએ વનડેમાં ચાર અડધી સદી ફટકારી છે.

આ પણ વાંચોઃ ફિટ નથી ખુંખાર બોલર... CSKને મોટો ઝટકો! RCBની સામે જંગ પહેલા કોચે આપ્યા ખરાબ સમાચાર

2. યશસ્વી જાયસવાલ
ખતરનાક ઓપનર યશસ્વી જયસ્વાલે ભલે ભારત માટે અત્યાર સુધી માત્ર એક જ ODI મેચ રમી હોય, પરંતુ જો તક આપવામાં આવે તો તે આ ફોર્મેટમાં ત્રેવડી સદી ફટકારવાની ક્ષમતા ધરાવે છે. યશસ્વી જયસ્વાલે ટીમ ઈન્ડિયા માટે 23 T20 ઈન્ટરનેશનલ મેચોમાં 36.15ની સરેરાશ અને 164.31ની સ્ટ્રાઈક રેટથી 723 રન બનાવ્યા છે, જેમાં 82 ચોગ્ગા અને 38 છગ્ગાનો સમાવેશ થાય છે. યશસ્વી જયસ્વાલે T20 ઈન્ટરનેશનલમાં 1 સદી અને 5 અડધી સદી ફટકારી છે. આ સિવાય યશસ્વી જયસ્વાલે 19 ટેસ્ટ મેચમાં 52.88ની એવરેજથી 1798 રન બનાવ્યા છે. યશસ્વી જયસ્વાલે ટેસ્ટ ક્રિકેટમાં 2 બેવડી સદી સહિત 4 સદી અને 10 અડધી સદી ફટકારી છે. યશસ્વી જયસ્વાલે 54 IPL મેચોમાં 149.37ના સ્ટ્રાઈક રેટથી 1637 રન બનાવ્યા છે, જેમાં 200 ચોગ્ગા અને 66 છગ્ગાનો સમાવેશ થાય છે. યશસ્વી જયસ્વાલે IPLમાં 2 સદી અને 9 અડધી સદી ફટકારી છે. IPLમાં યશસ્વી જયસ્વાલનો સર્વશ્રેષ્ઠ સ્કોર 124 રન રહ્યો છે.

3. હેરી બ્રૂક
ઈંગ્લેન્ડનો વિસ્ફોટક બેટર હેરી બ્રૂક વનડે આંતરરાષ્ટ્રીય ક્રિકેટના ઈતિહાસની પ્રથમ ત્રેવડી સદી ફટકારી શકે છે. હેરી બ્રૂક આક્રમક બેટિંગ માટે જાણીતો છે. બ્રૂકે 26 વનડેમાં 816 રન બનાવ્યા છે. તેણે એકદિવસીય ક્રિકેટમાં એક સદી અને પાંચ અડધી સદી પણ ફટકારી છે. આ દરમિયાન તેનો બેસ્ટ સ્કોર 110 રન રહ્યો છે. બ્રૂક પાસે વનડેમાં ત્રેવડી સદી ફટકારવાની ક્ષમતા છે. ટેસ્ટ ક્રિકેટમાં બ્રૂક ત્રેવડી સદી ફટકારી ચૂક્યો છે.