 "Hotstar પર નહીં જોવા મળે એશિયા કપ...અહીં જોઈ શકો છો આખી ટુર્નામેન્ટ")
)
Asia Cup 2025 Live Streaming : એશિયા કપ 2025 શરૂ થવામાં હવે થોડા કલાકો બાકી છે, પરંતુ આ વખતે ભારતીય ક્રિકેટ ચાહકો માટે એક મોટો ફેરફાર આવ્યો છે. અત્યાર સુધી ચાહકો JIOHotstar પર ટુર્નામેન્ટ જોતા હતા, પરંતુ આ વખતે Hotstar ૃની જગ્યાએ લાઇવ સ્ટ્રીમિંગ માટે નવું પ્લેટફોર્મ નક્કી કરવામાં આવ્યું છે.
લાઇવ સ્ટ્રીમિંગ ક્યાં થશે ?
એશિયા કપ 2025નું ડિજિટલ સ્ટ્રીમિંગ હવે સોની LIV પર થશે. ગયા વર્ષે નવેમ્બરમાં સોનીએ એશિયન ક્રિકેટ કાઉન્સિલ (ACC) પાસેથી લાંબા સમય માટે ટુર્નામેન્ટના પ્રસારણ અધિકારો ખરીદ્યા હતા. આ કરાર હેઠળ સોનીને 2024થી 2031 સુધી યોજાનારી તમામ એશિયન ટુર્નામેન્ટના ડિજિટલ અને ટીવી પ્રસારણ અધિકારો મળ્યા છે. સોનીએ આ સોદો 170 મિલિયન ડોલરમાં નક્કી કર્યો હતો.
આ સોદામાં મહિલા એશિયા કપ, અંડર-19 અને ઇમર્જિંગ ટીમ્સની મેચો પણ શામેલ છે. એટલે કે, આગામી સાત વર્ષ સુધી ક્રિકેટ ચાહકોએ એશિયા કપ જોવા માટે સોની LIV ડાઉનલોડ કરવું પડશે.
ટીવી પર મેચ ક્યાં જોઈ શકશો ?
ચાહકોને ટીવી પર પણ ફેરફારોનો સામનો કરવો પડશે. અત્યાર સુધી એશિયા કપ સ્ટાર સ્પોર્ટ્સ પર પ્રસારિત થતો હતો, પરંતુ આ વખતે સોની સ્પોર્ટ્સ નેટવર્ક ચેનલો મેચો બતાવશે. એટલે કે ટીવીથી લઈને મોબાઇલ સુધી, દર્શકોએ નવું નેટવર્ક અપનાવવું પડશે.
ચાહકોની સમસ્યા
દર્શકો આ ફેરફારથી ખુશ નથી. ઘણા લોકો સોશિયલ મીડિયા પર ફરિયાદ કરી રહ્યા છે કે તેઓ પહેલાથી જ હોટસ્ટારનું વાર્ષિક પેક લઈ ચૂક્યા છે અને હવે તેમને સોની LIV સબ્સ્ક્રિપ્શન પણ ખરીદવું પડશે. ઘણા ચાહકો કહે છે કે આ અચાનક ફેરફારથી તેમના પૈસા અને સમય બંનેનો બગાડ થયો છે.
ભારતની મેચો ક્યારે થશે ?
ટુર્નામેન્ટ 9 સપ્ટેમ્બરે અબુ ધાબીમાં અફઘાનિસ્તાન અને હોંગકોંગ વચ્ચેની મેચથી શરૂ થશે. તો ટીમ ઇન્ડિયા 10 સપ્ટેમ્બરે UAE સામે તેના અભિયાનની શરૂઆત કરશે. આ પછી 14 સપ્ટેમ્બરે ભારત અને પાકિસ્તાન વચ્ચે હાઇ-વોલ્ટેજ મેચ રમાશે. લીગ સ્ટેજની ભારતની છેલ્લી મેચ 19 સપ્ટેમ્બરે ઓમાન સામે થશે. ફાઇનલ મેચ 28 સપ્ટેમ્બરે દુબઈમાં રમાશે, જ્યાં એશિયાની બે સૌથી મજબૂત ટીમો એકબીજા સામે ટકરાશે.
