એશિયા કપની મેચોના સમયમાં થઈ શકે છે ફેરફાર, જાણો નવો સમય

Asia Cup 2025 : એશિયા કપ 2025 શરૂ થાય તે પહેલાં ટૂર્નામેન્ટના સમયપત્રકમાં ફેરફાર થવાની શક્યતાના અહેવાલો છે. આ વખતે ટૂર્નામેન્ટનું આયોજન સંયુક્ત આરબ અમીરાત (UAE)માં થઈ રહ્યું છે અને અહીં ભારે ગરમીને ધ્યાનમાં રાખીને મેચોના સમય પર પુનર્વિચાર કરવામાં આવી રહ્યો છે.

અત્યાર સુધી જાહેર કરાયેલા સમયપત્રક મુજબ, મેચો ભારતીય સમય મુજબ સાંજે 7:30 વાગ્યે શરૂ થવાની હતી, પરંતુ હવે અહેવાલો અનુસાર, આ મેચો રાત્રે 8:00 વાગ્યાથી શરૂ થઈ શકે છે. આ નિર્ણય મુખ્યત્વે ખેલાડીઓ અને દર્શકોને UAEના ગરમ હવામાનથી બચાવવા માટે લેવામાં આવી રહ્યો છે. જોકે, ACC તરફથી હજુ સુધી કોઈ સત્તાવાર નિર્ણય આવ્યો નથી.

બધી ટીમોની જાહેરાત કરવામાં આવી 

BCCIએ તાજેતરમાં એશિયા કપ માટે ભારતીય ટીમની જાહેરાત કરી છે. ભારત સિવાય અન્ય બધી ટીમોએ પણ પોતાની ટીમની જાહેરાત કરી છે. ટુર્નામેન્ટ 9 સપ્ટેમ્બરથી શરૂ થવા જઈ રહી છે અને બધી ટીમો પોતાની તૈયારીઓમાં વ્યસ્ત છે. જોકે મેચોના સમયમાં સંભવિત ફેરફારથી તેમની રણનીતિ પર કોઈ ખાસ અસર નહીં પડે, પરંતુ ખેલાડીઓને ગરમીથી થોડી રાહત મળશે.

રાહુલ દ્રવિડે રાજસ્થાન રોયલ્સના કોચ પદેથી અચાનક આપ્યું રાજીનામું

એશિયા કપ જેવી મોટી ટુર્નામેન્ટમાં, હવામાન અને રમતની પરિસ્થિતિઓ ખેલાડીઓના પ્રદર્શન પર સીધી અસર કરે છે. UAEમાં દિવસ દરમિયાન તાપમાન ખૂબ વધારે હોય છે અને સાંજે પણ ભેજ રહે છે. આવી સ્થિતિમાં ખેલાડીઓની સલામતી અને વધુ સારી રમત સુનિશ્ચિત કરવા માટે મેચોને 30 મિનિટ આગળ વધારવાનો નિર્ણય એક મહત્વપૂર્ણ પગલું માનવામાં આવી રહ્યું છે.

UAEમાં ત્રિકોણીય શ્રેણી રમાઈ રહી છે

જો આ ફેરફાર થાય છે, તો તેની સીધી અસર ટીવી પર મેચ જોનારા દર્શકો પર પણ પડશે. ભારતમાં મેચો રાત્રે 8:00 વાગ્યે શરૂ થશે, જેના કારણે મોડી રાત સુધી દર્શકોને મેચ જોવી પડશે. હાલમાં બધાની નજર આયોજકોના સત્તાવાર નિવેદન પર છે, જે ટૂંક સમયમાં આવવાની અપેક્ષા છે. હાલમાં, UAEમાં જ પાકિસ્તાન, અફઘાનિસ્તાન અને UAE વચ્ચે ત્રિકોણીય શ્રેણી રમાઈ રહી છે, જેની મેચો રાત્રે 8:30 વાગ્યે શરૂ થાય છે.