Asia Cup 2025 : એશિયા કપ 2025 પહેલા પંડ્યા અને સૂર્યાને લઈને BCCI એક્શનમાં, ભારત માટે ભર્યું આ મોટું પગલું

Asia Cup 2025 : એશિયા કપ 2025 પહેલા હાર્દિક પંડ્યા અને T20 કેપ્ટન સૂર્યકુમાર યાદવને લઈને એક મોટા સમાચાર સામે આવ્યા છે. એક અહેવાલ મુજબ, ભારતની એશિયા કપ 2025 ટીમની પસંદગી પહેલા હાર્દિક પંડ્યા 11 અને 12 ઓગસ્ટના રોજ બેંગલુરુમાં નેશનલ ક્રિકેટ એકેડેમી (NCA) ખાતે નિયમિત ફિટનેસ ટેસ્ટમાંથી પસાર થશે, જેના આધારે તેનું એસેસમેન્ટ કરવામાં આવશે.

પંડ્યા અને સૂર્યાને લઈને BCCI એક્શનમાં

ટાઈમ્સ ઓફ ઈન્ડિયાના અહેવાલ મુજબ, ભારતના સ્ટાર ઓલરાઉન્ડર હાર્દિક પંડ્યા જુલાઈથી મુંબઈમાં તાલીમ લઈ રહ્યો છે. 31 વર્ષીય હાર્દિક પંડ્યાએ ભારતને 2024 T20 વર્લ્ડ કપ અને 2025 ચેમ્પિયન્સ ટ્રોફી જીતવામાં મોટી ભૂમિકા ભજવી હતી. હાર્દિક પંડ્યા ODI અને T20 ફોર્મેટમાં ભારત માટે સૌથી મોટો મેચ વિનર છે. 9 સપ્ટેમ્બરથી શરૂ થનારા એશિયા કપ 2025 ટુર્નામેન્ટમાં હાર્દિક પંડ્યાની મોટી ભૂમિકા રહેશે.

ભારત માટે BCCIએ ભર્યું આ મોટું પગલું 

હાર્દિક પંડ્યા પહેલા મધ્યમ ક્રમના બેટ્સમેન શ્રેયસ ઐયરે 27થી 29 જુલાઈ વચ્ચે તેની નિયમિત ફિટનેસ ટેસ્ટ પ્રક્રિયા પૂર્ણ કરી હતી. IPL 2024માં કોલકાતા નાઈટ રાઈડર્સ (KKR)ને ટ્રોફી અપાવવા ઉપરાંત, શ્રેયસ ઐયરે IPL 2025ની ફાઇનલમાં પંજાબ કિંગ્સ (PBKS)નું નેતૃત્વ કર્યું હતું. શ્રેયસ ઐયરે ડિસેમ્બર 2023થી ભારત માટે કોઈ T20I રમી નથી. હવે એ જોવાનું રસપ્રદ રહેશે કે પસંદગીકારો શ્રેયસ ઐયરને એશિયા કપ T20 2025માં તક આપે છે કે નહીં.

આ સ્ટાર ખેલાડીએ અચાનક લીધી નિવૃત્તિ, 14 વર્ષ લાંબી કારકિર્દીનો આવ્યો અંત

સૂર્યકુમાર યાદવ પર મોટી અપડેટ

ભારતનો T20 કેપ્ટન સૂર્યકુમાર યાદવ હજુ સુધી જર્મનીના મ્યુનિકમાં જૂનમાં કરાવેલી સ્પોર્ટ્સ હર્નિયા સર્જરીમાંથી સંપૂર્ણપણે સ્વસ્થ થયો નથી. એવું કહેવામાં આવી રહ્યું છે કે ફિઝિયો અને મેડિકલ ટીમની દેખરેખ હેઠળ સંપૂર્ણ રીતે ફિટ થવા માટે સૂર્યકુમાર યાદવે NCAમાં વધુ એક અઠવાડિયું વિતાવવું પડશે.

સૂર્યાએ ઇન્સ્ટાગ્રામ પર વિડીયો શેર કર્યો હતો

થોડા દિવસો પહેલા સૂર્યકુમાર યાદવે ઇન્સ્ટાગ્રામ પર એક વિડીયો શેર કર્યો હતો જેમાં તે NCAમાં બેટિંગ પ્રેક્ટિસમાં પાછો ફર્યો હતો. વિડીયોમાં તે સંપૂર્ણ રીતે ફિટ થવા માટે કસરત અને દોડતો પણ જોવા મળ્યો હતો. સૂર્યકુમારે પોતાની ઇન્સ્ટાગ્રામ પોસ્ટમાં લખ્યું, 'મને ગમતું કામ કરવા માટે હું ઉત્સુક છું.'

ભારતે 22માંથી 17 T20 મેચ જીતી

IPL 2025માં સૂર્યકુમાર યાદવનું તાજેતરનું પ્રદર્શન નોંધપાત્ર હતું, જેમાં તેણે મુંબઈ ઇન્ડિયન્સ માટે 717 રન બનાવવા બદલ મોસ્ટ વેલ્યુએબલ પ્લેયરનો એવોર્ડ જીત્યો. ઓરેન્જ કેપ વિજેતા સાઈ સુદર્શન પછી તે સીઝનનો બીજા ક્રમનો સૌથી વધુ રન બનાવનાર ખેલાડી હતો. 2024 T20 વર્લ્ડ કપ જીત્યા પછી રોહિત શર્માએ ફોર્મેટમાંથી નિવૃત્તિ લીધા પછી સૂર્યકુમાર યાદવનો ભારતના પૂર્ણ-સમયના T20I કેપ્ટન તરીકે પ્રભાવશાળી રેકોર્ડ રહ્યો છે. સૂર્યકુમાર યાદવના નેતૃત્વમાં, ભારતે 22 માંથી 17 T20 મેચ જીતી છે.