ના યશસ્વી કે ના રાહુલ...IND-ENG સિરીઝ બાદ સંપૂર્ણપણે બદલાઈ જશે ટીમ ઈન્ડિયા, એશિયા કપમાં આવી હશે ટીમ

Asia Cup 2025 Squad : આગામી મહિનાથી એશિયા કપ 2025 શરૂ થવા જઈ રહ્યો છે, ત્યારે બધાના મનમાં સવાલ છે કે ભારત ટીમ કયા ખેલાડીઓ સાથે મેદાનમાં ઉતરશે. શુભમન ગિલ અને યશસ્વી જયસ્વાલ જેવા અનુભવી ખેલાડીઓ પર એશિયા કપમાં મોટું સસ્પેન્સ છે. ટૂંક સમયમાં ટીમ ઈન્ડિયાની આખી ટીમની જાહેરાત કરવામાં આવશે. ત્યારે એ જાણી લઈએ કે એશિયા કપમાં ઈન્ડિયાની ટીમ કેવી રહેશે.

ટીમ ઈન્ડિયાની જાહેરાત ક્યારે થશે ?

એશિયા કપ 9 સપ્ટેમ્બરથી શરૂ થશે, જ્યારે પીટીઆઈના અહેવાલ મુજબ, ટીમ ઈન્ડિયાની જાહેરાત 19 કે 20 ઓગસ્ટ સુધીમાં કરવામાં આવશે. ટીમ ઈન્ડિયાના ઓપનર યશસ્વી જયસ્વાલને એશિયા કપમાં ખરાબ સમાચાર મળી શકે છે. રિપોર્ટ અનુસાર, તેને ટીમમાંથી બહાર કરવામાં આવે તેવી શક્યતા છે. હવે પ્રશ્ન એ છે કે એશિયા કપમાં ટીમ ઈન્ડિયા માટે કોણ ઓપનિંગ કરશે, આ વાત રિપોર્ટમાં પણ જણાવવામાં આવી છે.

શું આ બે વિસ્ફોટક બેટ્સમેન ઓપનિંગ કરશે ?

પીટીઆઈના અહેવાલમાં જણાવાયું છે કે પસંદગીકારોએ બેટિંગ પોઝિશન લગભગ કન્ફર્મ કરી દીધી છે. અભિષેક શર્મા અને સંજુ સેમસનની જોડી ભારતીય ટીમ માટે ઓપનિંગ કરતી જોવા મળશે. આ પછી કેપ્ટન સૂર્યકુમાર યાદવ, તિલક વર્મા અને હાર્દિક પંડ્યા છે. BCCIના એક સૂત્રએ PTI ને જણાવ્યું હતું કે, 'અભિષેક શર્મા છેલ્લી ICC રેન્કિંગમાં વિશ્વનો નંબર 1 T20 બેટ્સમેન છે. સંજુ સેમસને ગત સિઝનમાં બેટિંગ અને વિકેટકીપિંગ બંનેમાં શાનદાર પ્રદર્શન કર્યું હતું. તેથી તે ચોક્કસપણે એક મુશ્કેલ નિર્ણય હશે.'

એશિયા કપમાં સૌથી વધુ સિક્સ ફટકારનાર ટોપ-5 ક્રિકેટર, રોહિત સામે આફ્રિદી પણ ફિક્કો

શુભમન ગિલ પર સસ્પેન્સ

રિપોર્ટમાં વધુમાં કહેવામાં આવ્યું છે કે, 'શુભમનનું વર્તમાન ફોર્મ અવગણી શકાય નહીં. તેણે IPLમાં પણ સારું પ્રદર્શન કર્યું. પસંદગીકારો માટે સમસ્યા એ છે કે ટોચના ક્રમમાં ઘણા સારા ખેલાડીઓ છે.'

એશિયા કપ માટે સંભવિત ટીમ

સૂર્યકુમાર યાદવ (કેપ્ટન), શુભમન ગિલ, અભિષેક શર્મા, સંજુ સેમસન (વિકેટકીપર), તિલક વર્મા, શિવમ દુબે, અક્ષર પટેલ, વોશિંગ્ટન સુંદર, વરુણ ચક્રવર્તી, કુલદીપ યાદવ, જસપ્રિત બુમરાહ, અર્શદીપ સિંહ, હર્ષિત રાણા/પ્રસિદ્ધ કૃષ્ણા, હાર્દિક પંડ્યા, જીતેશ શર્મા/ધ્રુવ જુરેલ.