 "Asia Cup 2025 : એશિયા કપ 2025 માટે ભારતીય ટીમની જાહેરાત...જાણો કોને મળ્યું સ્થાન, કોનું કપાયું પત્તુ ?")
Asia Cup 2025 India Squad : એશિયા કપ 2025 9 સ્પટેમ્બરથી શરૂ થવા જઈ રહ્યો છે. આ ટુર્નામેન્ટનું આયોજન UAEમાં કરવામાં આવ્યું છે. ભારત 10 સપ્ટેમ્બરે દુબઈમાં UAE સામે પોતાના અભિયાનની શરૂઆત કરશે અને પછી 14 સપ્ટેમ્બરે તે જ સ્થળે કટ્ટર હરીફ પાકિસ્તાન સામે ટકરાશે. ત્યારે એશિયા કપ માટે ભારતીય ટીમની જાહેરાત કરવામાં આવી છે.
એશિયા કપ માટે ભારતીય ટીમની જાહેરાત કરવામાં આવી છે. ટીમની કેપ્ટનશીપ સૂર્યકુમાર યાદવને સોંપવામાં આવી છે. મુખ્ય પસંદગીકાર અજિત અગરકરે BCCI સચિવ દેવજીત સૈકિયા સાથે મુલાકાત કરીને ટીમની જાહેરાત કરી હતી. શુભમન ગિલને એશિયા કપમાં વાઈસ કેપ્ટન બનાવવામાં આવ્યો છે.
એશિયા કપની ટીમમાં કોને મળ્યું સ્થાન ?
એશિયા કપ માટે ભારતીય ટીમની વાત કરીએ તો, સૂર્ય કુમાર યાદવ (કેપ્ટન), શુભમન ગિલ (વાઈસ કેપ્ટન), અભિષેક શર્મા, તિલક વર્મા, હાર્દિક પંડ્યા, શિવમ દુબે, અક્ષર પટેલ, જીતેશ શર્મા (વિકેટકીપર), જસપ્રિત બુમરાહ, અર્શદીપ સિંહ, વરુણ ચક્રવર્તી, કુલદીપ યાદવ, સંજુ સેમસન (વિકેટકીપર), હર્ષિત રાણા અને રિંકુ સિંહનો સમાવેશ કરવામાં આવ્યો છે.
? #TeamIndia's squad for the #AsiaCup 2025 ?
Surya Kumar Yadav (C), Shubman Gill (VC), Abhishek Sharma, Tilak Varma, Hardik Pandya, Shivam Dube, Axar Patel, Jitesh Sharma (WK), Jasprit Bumrah, Arshdeep Singh, Varun Chakaravarthy, Kuldeep Yadav, Sanju Samson (WK), Harshit Rana,…
— BCCI (@BCCI) August 19, 2025
યશસ્વી જયસ્વાલ બહાર, શ્રેયસ ઐય્યરને પણ ના મળ્યું સ્થાન
ટીમ ઈન્ડિયાના ઓપનિંગ બેટ્સમેન યશસ્વી જયસ્વાલને એશિયા કપમાંથી બહાર કરવામાં આવ્યો છે. અભિષેક શર્મા અને સંજુ સેમસન ટીમ માટે ઓપનિંગ કરશે. શુભમન ગિલને લઈને સસ્પેન્સ હતું, પરંતુ તે ટીમનો વાઈસ કેપ્ટન છે. તિલક વર્મા, જીતેશ શર્મા અને વરુણ ચક્રવર્તી જેવા યુવાઓને પણ ટીમમાં તક મળી છે. તો શ્રેયસ ઐય્યરની પસંદગીને લઈને અટકળો ચાલી રહી હતી, પરંતુ ફરી એકવાર ઐય્યરને ટીમમાં સ્થાન મળ્યું નથી. આ ઉપરાંત વોશિંગ્ટન સુંદરનનો પણ ટીમમાં સમાવેશ કરવામાં આવ્યો નથી.
ભારતીય ટીમને એશિયા કપના ગ્રુપ Aમાં પાકિસ્તાન, ઓમાન અને UAE સાથે રાખવામાં આવી છે. ગ્રુપ Bમાં શ્રીલંકા, બાંગ્લાદેશ, હોંગકોંગ અને અફઘાનિસ્તાનનો સમાવેશ થાય છે. ભારતીય ટીમ 19 સપ્ટેમ્બરે અબુ ધાબીમાં ઓમાન સામે પોતાની છેલ્લી ગ્રુપ મેચ રમશે. એશિયા કપમાં બંને ગ્રુપની ટોચની 2 ટીમો સુપર-4 તબક્કામાં પહોંચશે. ત્યારબાદ સુપર-4 તબક્કાની ટોચની 2 ટીમો વચ્ચે ટાઇટલ મેચ રમાશે.
)