IND vs ENG : 5મી ટેસ્ટના ગણતરીના કલાકો પહેલા કેપ્ટન બહાર...27 વર્ષીય બેટ્સમેનને મળી ટીમની કમાન, પ્લેઇંગ-11 છે ચોંકાવનારી

India vs England : ભારત અને ઇંગ્લેન્ડ વચ્ચે ટેસ્ટ શ્રેણીની છેલ્લી મેચ 31 જુલાઈથી ઓવલ ખાતે રમાવાની છે, ત્યારે ઇંગ્લેન્ડ દ્વારા એક દિવસ પહેલા જ પ્લેઇંગ ઇલેવનની જાહેરાત કરી છે. સૌથી ચોંકાવનારી વાત તો એ છે કે આ ટેસ્ટમાંથી ઇંગ્લેન્ડનો કેપ્ટન બેન સ્ટોક્સ બહાર થઈ ગયો છે. આ ઉપરાંત પ્લેઇંગ ઇલેવન બીજા પણ કેટલાક ફેરફાર કરવામાં આવ્યા છે. 

સ્ટોક્સ શાનદાર ફોર્મમાં હતો

બેન સ્ટોક્સ ભારત સામેની ટેસ્ટ શ્રેણીમાં શાનદાર ફોર્મમાં હતો. તેણે સતત બે મેચમાં પ્લેયર ઓફ ધ મેચનો એવોર્ડ જીત્યો. છેલ્લી ટેસ્ટમાં સ્ટોક્સે તેના ઓલરાઉન્ડ પ્રદર્શનથી બધાનું દિલ જીતી લીધું. તેણે 6 વિકેટ સાથે 141 રનની શાનદાર ઇનિંગ પણ રમી. પરંતુ આ દરમિયાન સ્ટોક્સ ખભાની ઈજાથી પરેશાન જોવા મળ્યો હતો.

WCL 2025 : ભારત-પાકિસ્તાન વચ્ચે સેમિફાઇનલ નહીં રમાય તો કઈ ટીમ પહોંચશે ફાઇનલમાં ?

કેપ્ટન કેમ બહાર ?

બેન સ્ટોક્સ ખભાની ઈજાને કારણે છેલ્લી મેચમાંથી બહાર થઈ ગયો છે. તેના સ્થાને 27 વર્ષીય બેટ્સમેન ઓલી પોપને કેપ્ટનશીપ સોંપવામાં આવી છે. સ્ટોક્સ ઉપરાંત ફાસ્ટ બોલર જોફ્રા આર્ચર પણ પ્લેઇંગ-ઈલેવનમાં નથી. બ્રેડન કોર્સ અને ડોસન પણ છેલ્લી મેચનો ભાગ રહેશે નહીં. હવે જોવાનું એ રહે છે કે ઓલી પોપની કેપ્ટનશીપમાં ઈંગ્લેન્ડની ટીમ કેવું પ્રદર્શન કરે છે.

ઈંગ્લેન્ડની પ્લેઈંગ ઈલેવન

જેક ક્રોલી, બેન ડકેટ, ઓલી પોપ (કેપ્ટન), જો રૂટ, હેરી બ્રુક, જેકબ બેથેલ, જેમી સ્મિથ, ક્રિસ વોક્સ, એટકિન્સન, જીમી ઓવરટન, જોશ ટંગ.