જાડેજા-સુંદરે ઓફર ઠુકરાવી તો અકળાયો ઇંગ્લેન્ડનો કેપ્ટન, માન્ચેસ્ટર ટેસ્ટમાં સ્ટોક્સની 'શરમજનક હરકત'

India vs England 4th Test Match : માન્ચેસ્ટરના ઓલ્ડ ટ્રેફોર્ડ ખાતે ભારત અને ઇંગ્લેન્ડ વચ્ચે ચોથી ટેસ્ટ મેચના અંતે બેન સ્ટોક્સ અને રવિન્દ્ર જાડેજા વચ્ચે ઉગ્ર બોલાચાલી થઈ હતી. પાંચમા દિવસે રમત બાકી હતી ત્યારે સ્ટોક્સે મેચ ડ્રો પર સમાપ્ત કરવાની ઓફર કરી ત્યારે તણાવ શરૂ થયો. જોકે, જાડેજા અને વોશિંગ્ટને ઓફર ઠુકરાવી દીધી. જાડેજા અને વોશિંગ્ટન સુંદર બંને તેમની સદીની નજીક હતા. બંને બેટ્સમેનોએ તેમની સદી પૂર્ણ કરી. મેચ સમાપ્ત થયા પછી, સ્ટોક્સે પહેલા ભારતીય ખેલાડીઓ સાથે હાથ મિલાવ્યા નહીં અને પછી જાડેજા સાથે બોલાચાલી કરી.

સ્ટોક્સની નારાજગી

ભારતે ડ્રો માટે જાહેરાત કરવાનો ઇનકાર કર્યા પછી સ્ટોક્સ દેખીતી રીતે ગુસ્સે થયો હતો. તેણે કહ્યું કે મેચનું પરિણામ છેલ્લા કલાકમાં નક્કી થયું હતું, તેથી તે તેમના મુખ્ય બોલરોને જોખમમાં મૂકવાનો નથી. સ્ટોક્સે અંતિમ ડ્રિંક્સ બ્રેક દરમિયાન હાથ મિલાવવાની અને ચોથી ટેસ્ટને ડ્રો જાહેર કરવાની ઓફર કરી, પરંતુ ભારતે બંનેએ પોતાની સદી પૂર્ણ ન કરી ત્યાં સુધી તેમ કર્યું નહીં. જોકે, સ્ટોક્સે હેરી બ્રુક અને જો રૂટનો બે બોલર તરીકે ઉપયોગ કર્યો, જેથી તેના ઝડપી બોલરોને આરામ મળી શકે.

માન્ચેસ્ટર ટેસ્ટ ડ્રો થયા બાદ ખરાબ સમાચાર! રિષભ પંત ટેસ્ટ સિરીઝમાંથી બહાર

સ્ટોક્સની 'શરમજનક હરકત'

ઇંગ્લેન્ડે હેરી બ્રુકને બોલિંગ આપી તેણે ધીમા બોલ ફેંક્યા, જેના કારણે જાડેજા અને સુંદર માટે ચોગ્ગા મારવાનું સરળ બન્યું. આ સમય દરમિયાન સ્ટોક્સનો અવાજ સ્ટમ્પ માઇકમાં રેકોર્ડ થયો. સ્ટોક્સે કટાક્ષભર્યા સ્વરમાં કહ્યું, 'જડ્ડુ, તું હેરી બ્રુક અને જો રૂટ સામે ટેસ્ટ સદી ફટકારવા માંગે છે?' કોમેન્ટરી કરી રહેલા સુનીલ ગાવસ્કર આ વાત પર ગુસ્સે થયા અને ઇંગ્લેન્ડના વર્તનની ટીકા કરી.

સ્ટોક્સે શું કહ્યું?

મેચ પછી સ્ટોક્સે કહ્યું, "ભારતે ઘણી મહેનત કરી અને ફક્ત એક જ પરિણામ આવ્યું... હું મારા કોઈ બોલરનો ખતરો લેવાનો નહોતો. લિયામ ડોસને ઘણી ઓવર ફેંકી હતી અને તેનું શરીર થાકી રહ્યું હતું. હું મારા કોઈ પણ ફ્રન્ટલાઈન બોલરનો ખતરો લેવાનો નહોતો." આ મેચમાં સદી ફટકારવા ઉપરાંત ઈંગ્લેન્ડના કેપ્ટને પહેલી ઇનિંગમાં 5 વિકેટ પણ લીધી.

સુંદર અને જાડેજાના વખાણ

સ્ટોક્સે કહ્યું, "વોશિંગ્ટન અને જાડેજા જે રીતે રમ્યા તેના માટે તેઓ ખૂબ જ શ્રેયના હકદાર છે. તે પરિસ્થિતિમાંથી આ કરવા બદલ તેમને ઘણો શ્રેય આપવો જોઈએ. અત્યાર સુધી આ શ્રેણી આગળ-પાછળ રહી છે. ભારત જે રીતે લડતું રહ્યું છે તેનો ઘણો શ્રેય. અમે તેમના પર બધા જ પ્રયાસ કર્યા, પરંતુ તેઓ દબાણનો સામનો કરવામાં સક્ષમ રહ્યા."