 "IND vs ENG : 145 વર્ષમાં પહેલીવાર થશે આ ચમત્કાર, ઈંગ્લેન્ડની ટીમ ઈતિહાસ રચવાની અણી પર")
IND vs ENG : ભારતે ઈંગ્લેન્ડને જીતવા માટે 374 રનનો ટાર્ગેટ આપ્યો હતો. ચોથી ઇનિંગમાં ટાર્ગેટનો પીછો કરતા ઈંગ્લેન્ડે 76.2 ઓવરમાં 6 વિકેટ ગુમાવીને 339 રન બનાવ્યા હતા. ઈંગ્લેન્ડ જીતથી માત્ર 35 રન દૂર છે. તો ભારતને જીતવા માટે 4 વિકેટ લેવી પડશે. જો આ મેચ ઈંગ્લેન્ડ જીતી જાય છે, તો ઈતિહાસ રચાશે.
આ ચમત્કાર 145 વર્ષમાં પહેલીવાર થશે
145 વર્ષથી ઓવલના મેદાન પર 374 રનના ટાર્ગેટનો પીછો કરવો લગભગ અશક્ય હતું. લંડનના ઓવલ મેદાન પર 1880થી ટેસ્ટ મેચ રમાઈ રહી છે. 145 વર્ષમાં લંડનના ઓવલ મેદાન પર ચોથી ઇનિંગમાં 374 રન ચેઝ થયા નથી. જોકે, હવે ઇંગ્લેન્ડની ટીમ 145 વર્ષના ઇતિહાસને બદલવાની ખૂબ નજીક છે. હવે આ ટેસ્ટ મેચમાં ઇંગ્લેન્ડનો વિજય લગભગ નક્કી છે. ભારત દ્વારા આપવામાં આવેલા 374 રનના ટાર્ગેટનો પીછો કરતા, ઓવલ ટેસ્ટના ચોથા ઇનિંગમાં બેન ડકેટ (54), જો રૂટ (105) અને હેરી બ્રુક (111) જેવા બેટ્સમેનોએ ઇંગ્લેન્ડને ઓવલ મેદાન પર 145 વર્ષના ઇતિહાસને બદલવાની નજીક લાવી દીધું છે.
1902માં 263 રન ચેઝ કરવા થયા હતા
જો આપણે આ મેદાન પર સૌથી મોટા સફળ રન ચેઝની વાત કરીએ, તો આ રેકોર્ડ ઇંગ્લેન્ડના નામે છે. 13 ઓગસ્ટ 1902ના રોજ ઓવલ ગ્રાઉન્ડ પર 263 રનના ટાર્ગેટનો પીછો કરતી વખતે ઇંગ્લેન્ડે ઓસ્ટ્રેલિયાને 1 વિકેટથી હરાવ્યું હતું. ભારતે આ મેદાન પર અત્યાર સુધી ફક્ત બે મેચ જીતી છે. ટીમ ઇન્ડિયાએ કેનિંગ્ટન ઓવલ ખાતે અત્યાર સુધી છ ટેસ્ટ મેચ હારી છે, જ્યારે સાત મેચ ડ્રો રહી છે. છેલ્લી વખત ભારતે 2021માં આ મેદાન પર ઇંગ્લેન્ડ સામે 157 રનથી જીત મેળવી હતી.
)