 "ફેન્સ માટે ખુશખબર... મફતમાં જોઈ શકશો અશિયા કપના મેચ, ફ્રી ટિકિટની કરાઈ જાહેરાત")
Hockey Asia Cup 2025: ભારતીય ક્રિકેટ ટીમ 9 સપ્ટેમ્બરથી UAEમાં યોજાનારા એશિયા કપમાં પોતાના ટાઈટલને ડિફેન્ડ કરવા ઉતરશે. ટીમ ઈન્ડિયાનો પહેલો મુકાબલો 10 સપ્ટેમ્બરે UAE સામે થશે. આ પછી સૂર્યકુમાર યાદવની આગેવાની હેઠળની ટીમ ઈન્ડિયા 14 સપ્ટેમ્બરે પાકિસ્તાનનો સામનો કરશે. આ ટુર્નામેન્ટ પહેલા હોકી એશિયા કપનું આયોજન થવાનું છે, જે ભારતના યજમાનીમાં રમાશે. હોકી એશિયા કપ 29 ઓગસ્ટથી 7 સપ્ટેમ્બર દરમિયાન બિહારના રાજગીરમાં યોજાશે. આ ટુર્નામેન્ટ શરૂ થાય તે પહેલાં હોકી ઈન્ડિયાએ ફેન્સને મોટા સમાચાર આપ્યા છે.
ફ્રીમાં મેચ જોઈ શકશે ફેન્શ
હોકી ઇન્ડિયાએ રાજગીરમાં યોજાનારા એશિયા કપ 2025 જોવા માંગતા ફેન્સ માટે ફ્રી ટિકિટની જાહેરાત કરી છે. આ ટુર્નામેન્ટ 29 ઓગસ્ટથી શરૂ થશે, જેમાં મહાદ્વીપની 8 ટોપ ટીમો ભાગ લેશે. પાકિસ્તાનની ટીમે ભારત આવવાનો ઇનકાર કર્યો હતો, જેના કારણે તે આ ટુર્નામેન્ટનો ભાગ નથી. ફેન્સે મફત ટિકિટ માટે www.ticketgenie.in અથવા હોકી ઇન્ડિયા એપ પર રજિસ્ટ્રેશન કરાવવું પડશે. રજિસ્ટ્રેશન કરાવવા પર તેમને એક વર્ચ્યુઅલ ટિકિટ મળશે.
હોકી ઇન્ડિયાએ એક નિવેદનમાં જણાવ્યું કે, 'આ સિસ્ટમ એક સરળ અને મુશ્કેલીમુક્ત અનુભવ પ્રદાન કરવા માટે બનાવવામાં આવી છે, જે શારીરિક રીતે મેદાન પર આવવાની જરૂરિયાતને દૂર કરે છે અને સ્થળ સુધી સરળ પહોંચ સુનિશ્ચિત કરે છે.' હીરો મેન્સ એશિયા કપમાં 8 ટોપ એશિયન દેશો ભાગ લેશે. આમાં ભારત, જાપાન, ચીન, કઝાકિસ્તાન, મલેશિયા, કોરિયા, બાંગ્લાદેશ અને ચીની તાઇપેનો સમાવેશ થાય છે. આ ઇવેન્ટ 2026 FIH હોકી વર્લ્ડ કપ માટે ક્વોલિફાયર તરીકે પણ કામ કરે છે, જે દરેક મેચનું મહત્વ વધુ વધારે છે.
પૂલ-Aમાં ભારત
યજમાન ભારતને જાપાન, ચીન અને કઝાકિસ્તાન સાથે પૂલ Aમાં મૂકવામાં આવ્યું છે. ટીમ ઈન્ડિયા 29 ઓગસ્ટે ચીન સામે પોતાના અભિયાનની શરૂઆત કરશે. ત્યારબાદ 31 ઓગસ્ટે જાપાન સાથે મુકાબલો થશે અને ત્યારબાદ ટીમ 1 સપ્ટેમ્બરે કઝાકિસ્તાન સામે પોતાની છેલ્લી પૂલ મેચ રમશે.
હીરો એશિયા કપ 2025 માટે ભારતીય પુરૂષ હોકી ટીમ
ગોલકીપર: કૃષ્ણ બી પાઠક, સૂરજ કરકેરા
ડિફેન્ડર: સુમિત, જરમનપ્રીત સિંહ, સંજય, હરમનપ્રીત સિંહ, અમિત રોહિદાસ, જુગરાજ સિંહ
મિડફિલ્ડરઃ રાજિન્દર સિંહ, રાજ કુમાર પાલ, હાર્દિક સિંહ, મનપ્રીત સિંહ, વિવેક સાગર પ્રસાદ
ફોરવર્ડઃ મનદીપ સિંહ, શિલાનંદ લાકડા, અભિષેક, સુખજીત સિંહ, દિલપ્રીત સિંહ
રિઝર્વ: નીલમ સંજીપ જેસ, સેલ્વમ કાર્તિ
ભારતનો ગ્રુપ-સ્ટેજ શેડ્યૂલ
29 ઓગસ્ટ: ભારત vs ચીન
31 ઓગસ્ટ: ભારત vs જાપાન
1 સપ્ટેમ્બર: ભારત vs કઝાકિસ્તાન
)