ઈતિહાસ રચાયો! વર્લ્ડ બેડમિન્ટન ચેમ્પિયનશિપમાં ભારતની પહેલીવાર સેમીફાઈનલમાં એન્ટ્રી

India Vs UAE : બેડમિન્ટન એશિયા જુનિયર મિક્સ ટીમ ચેમ્પિયનશિપમાં ભારતે સંયુક્ત આરબ અમીરાત (UAE) ને 110-83 થી હરાવીને ક્વાર્ટર ફાઇનલમાં પ્રવેશ કર્યો.

એશિયા જુનિયર બેડમિન્ટન ચેમ્પિયનશિપ ઇન્ડોનેશિયામાં રમાઈ રહી છે. અગાઉ, ભારતે શુક્રવારે શ્રીલંકાને હરાવ્યું હતું. ભારત ગ્રુપ D માં છે અને હોંગકોંગે પણ તેની બંને મેચ જીતી છે. બંને ટીમો શુક્રવારે ટકરાશે.

ઉત્તમ પ્રદર્શન ચાલુ રાખતા ભારતે શનિવારે ગ્રુપ D ના પોતાના બીજા મેચમાં સંયુક્ત આરબ અમીરાત (UAE) ને 110-83 થી હરાવીને બેડમિન્ટન એશિયા જુનિયર મિશ્ર ટીમ ચેમ્પિયનશિપના ક્વાર્ટર ફાઇનલમાં પ્રવેશ કર્યો. ટીમે શરૂઆતની મેચમાં શ્રીલંકાને હરાવ્યું. ગ્રુપમાં બીજી ટીમ હોંગકોંગે પણ તેની બંને મેચ જીતીને છેલ્લા 8 માં સ્થાન મેળવ્યું છે. હવે ભારત અને હોંગકોંગ રવિવારે ગ્રુપ D માં ટોચ પર રહેનારી ટીમ નક્કી કરવા માટે એકબીજાનો સામનો કરશે. આ ટુર્નામેન્ટ રિલે સ્કોરિંગ ફોર્મેટ હેઠળ રમાઈ રહી છે.

ભારતે શરૂઆતથી જ UAE સામે પ્રભુત્વ જમાવ્યું હતું. પહેલી મેચમાં રુજુલા રામુએ ગર્લ્સ સિંગલ્સમાં માયશા ખાનને 11-5થી હરાવી હતી. મિક્સ ડબલ્સમાં, સી લાલરામસાંગા અને તારિણી સૂરીએ લીડ 22-11 સુધી વધારી હતી. હાફ ટાઈમ સુધીમાં, ભારત 55-41થી આગળ હતું. આ પછી, યુએસ ઓપન ફાઇનલિસ્ટ તન્વી શર્માએ મધુમિતા સુંદરપાંડિયન સામે શાનદાર પ્રદર્શન કર્યું અને લીડ 66-46 સુધી વધારી દીધી. લાલરામસાંગાએ રેશિકા યુ સાથે મળીને બીજા મિક્સ ડબલ્સ મેચમાં આદિત્ય કિરણ અને માયશા ખાનને 11-5થી હરાવ્યા અને ભારતને 77-51થી આગળ કરી દીધું. આ પછી, ભારતને 110 પોઈન્ટ સુધી પહોંચવામાં અને જીતવામાં વધુ સમય લાગ્યો નહીં.