 "ICCનું લેટેસ્ટ વનડે રેન્કિંગ જાહેર, વિરાટ અને રોહિત અચાનક થયા ગાયબ; આ બેટ્સમેન બન્યો નંબર-1")
ICC Latest ODI Rankings: ઇન્ટરનેશનલ ક્રિકેટ કાઉન્સિલ (ICC)એ નવીનતમ ODI રેન્કિંગ જાહેર કરી છે. ICCની નવીનતમ ODI રેન્કિંગમાં એક ચોંકાવનારો બદલાવ જોવા મળ્યો છે. વિશ્વ ક્રિકેટના બે મહાન ODI બેટ્સમેન રોહિત શર્મા અને વિરાટ કોહલી અચાનક ICC વનડે રેન્કિંગમાંથી ગાયબ થઈ ગયા છે. આ ખૂબ જ ચોંકાવનારી ઘટના છે, કારણ કે, એક અઠવાડિયા પહેલા 13 ઓગસ્ટના રોજ રોહિત શર્મા વિશ્વનો નંબર-2 ODI બેટ્સમેન હતો. જ્યારે વિરાટ કોહલી ICC વનડે રેન્કિંગમાં નંબર-4 પર હતો. 20 ઓગસ્ટના રોજ ફરી એકવાર ICCની નવીનતમ વનડે રેન્કિંગ જાહેર થઈ તો ફેન્સના હોંશ ઉડી ગયા.
વિરાટ અને રોહિત અચાનક થયા ગાયબ
રોહિત શર્મા અને વિરાટ કોહલી અચાનક ICC વનડે રેન્કિંગમાંથી ગાયબ થઈ ગયા છે. વનડે આંતરરાષ્ટ્રીય ક્રિકેટના આ બન્ને મહાન બેટ્સમેન ICCની નવીનતમ વનડે રેન્કિંગમાં ટોચના 100માં પણ નથી. આ ઘટના પછી સોશિયલ મીડિયા પર અચાનક સનસની મચી ગઈ છે. નોંધનીય છે કે, વિરાટ કોહલી અને રોહિત શર્માએ તેમની છેલ્લી વનડે આંતરરાષ્ટ્રીય મેચ 9 માર્ચ 2025ના રોજ ન્યુઝીલેન્ડ સામે રમી હતી. આ ICC ચેમ્પિયન્સ ટ્રોફી 2025ની અંતિમ મેચ હતી. આ મેચમાં ભારતે ન્યુઝીલેન્ડને 4 વિકેટથી હરાવીને ટ્રોફી જીતી હતી.
No Rohit Sharma & Virat Kohli in the Updated ICC ODI Rankings. Looks like Retirement announcement is on the cards ? pic.twitter.com/hDF2VaWQSh
— Ajay Ahire (@Ajayahire_cric) August 20, 2025
Why have Rohit Sharma and Virat Kohli been removed from the ICC ODI Rankings? ? pic.twitter.com/TbrotWUfcR
— Selfless⁴⁵ (@SelflessCricket) August 20, 2025
ICCની રેન્કિંગ સિસ્ટમમાં ટેકનિકલ ખામી
વિરાટ કોહલી અને રોહિત શર્માનું અચાનક ICC વનડે રેન્કિંગમાંથી ગાયબ થવું ખૂબ જ આશ્ચર્યજનક છે, કારણ કે બન્નેએ હજુ સુધી ODI ફોર્મેટમાંથી નિવૃત્તિ લીધી નથી. બન્ને હજુ પણ ODI આંતરરાષ્ટ્રીય ક્રિકેટમાં એક્ટિવ છે. એવું લાગે છે કે, તે ICC રેન્કિંગ સિસ્ટમમાં કોઈ ટેકનિકલ ખામીને કારણે આવું થયું છે.
શુભમન ગિલ બન્યો નંબર-1 બેટ્સમેન
20 ઓગસ્ટના રોજ જાહેર કરાયેલ રેન્કિંગ અનુસાર શુભમન ગિલ 784 રેટિંગ પોઈન્ટ સાથે દુનિયાનો નંબર-1 વનડે બેટ્સમેન છે. બીજા નંબર પર પાકિસ્તાનનો સ્ટાર બેટ્સમેન બાબર આઝમ છે. બાબર આઝમના 739 રેટિંગ પોઈન્ટ છે. આ ઉપરાંત શ્રેયસ ઐયરના રૂપમાં ભારતનો માત્ર એક બેટ્સમેન ICC વનડે રેન્કિંગમાં ટોપ-10 બેટ્સમેનમાં સામેલ છે. શ્રેયસ ઐયર 704 પોઈન્ટ સાથે ICC વનડે બેટ્સમેન રેન્કિંગમાં છઠ્ઠા નંબર પર છે.
ભારત માટે હવે ક્યારે રમશે વિરાટ કોહલી અને રોહિત શર્મા?
રોહિત શર્મા અને વિરાટ કોહલી હવે ઓક્ટોબરમાં ઓસ્ટ્રેલિયાની ધરતી પર ભારત માટે વનડે સિરીઝમાં રમતા જોવા મળશે. ઓસ્ટ્રેલિયામાં ટીમ ઈન્ડિયા ઓક્ટોબરમાં 3 ODI મેચની સિરીઝ રમવાની છે. આ વનડે સિરીઝ 19 ઓક્ટોબરથી પર્થ સ્ટેડિયમમાં શરૂ થશે. આ પછી 23 અને 25 ઓક્ટોબરે અન્ય મેચો રમાશે.
)