India vs England Result: ભારત અને ઇંગ્લેન્ડ વચ્ચે લીડ્સ ટેસ્ટના વિજેતાનું નામ જાહેર થયું છે. ટીમ ઇન્ડિયા અપેક્ષાઓથી વિપરીત જોવા મળી છે. ભારતે ચાર દિવસ સારા રહ્યા હતા, પરંતુ પાંચમા દિવસે શુભમન ગિલ અને કંપનીની ગાડી ટ્રેક પર નહોતી. ઇંગ્લેન્ડની ઓપનિંગ જોડીએ મળીને ભારતીય ટીમના હાથમાં આવેલો કોળિયો છીનવી લીધો છે.
){kind=small}
){kind=logo}
){kind=logo}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=logo}
){kind=logo}
){kind=logo}
){kind=logo}
){kind=small}
){kind=logo}
)
India vs England Result: ભારત અને ઇંગ્લેન્ડ વચ્ચે લીડ્સ ટેસ્ટના વિજેતાનું નામ જાહેર થયું છે. ટીમ ઇન્ડિયા અપેક્ષાઓથી વિપરીત જોવા મળી છે. ભારતે ચાર દિવસ સારા રહ્યા હતા, પરંતુ પાંચમા દિવસે શુભમન ગિલ અને કંપનીની ગાડી ટ્રેક પર નહોતી. ઇંગ્લેન્ડની ઓપનિંગ જોડીએ મળીને ભારતીય ટીમના હાથમાં આવેલો કોળિયો છીનવી લીધો છે. ભારતે રેકોર્ડબ્રેક પાંચ સદી ફટકારી હતી જ્યારે ઇંગ્લેન્ડની ટીમે ફક્ત બે સદી સાથે મેચ જીતી હતી. ભારતને વિકેટથી શરમજનક હારનો સામનો કરવો પડ્યો હતો.
ભારતની 5 સદી નિષ્ફળ
ઇંગ્લેન્ડે ટોસ જીતીને પ્રથમ બોલિંગ કરવાનો નિર્ણય લીધો. ટીમ ઇન્ડિયાએ મજબૂત શરૂઆત કરી કારણ કે પ્રથમ ઇનિંગમાં ભારતીય ટીમ તરફથી ત્રણ સદી જોવા મળી હતી. યશસ્વી જયસ્વાલ, કેપ્ટન શુભમન ગિલ અને ઋષભ પંતે સદી ફટકારી હતી. પરંતુ આ છતાં ભારતીય ટીમ પ્રથમ ઇનિંગમાં ફક્ત 471 રન જ બનાવી શકી. જવાબમાં ઇંગ્લેન્ડે પણ કઠિન લડત આપી પરંતુ ભારત પર લીડ મેળવવામાં સફળ રહી નહીં અને 6 રન પાછળ રહી ગયું.
પ્રથમ ઇનિંગમાં બુમરાહનો દબદબો
પહેલી ઇનિંગમાં જસપ્રીત બુમરાહ અને પ્રસિદ્ધ કૃષ્ણનો દબદબો રહ્યો. બુમરાહએ 5 વિકેટ લીધી જ્યારે કૃષ્ણાએ ત્રણ વિકેટ લીધી. જો કે, હેરી બ્રુકના 99 રન અને ઓલી પોપની સદીના આધારે ઇંગ્લિશ ટીમ ભારતની નજીક આવી ગઈ. બેન ડકેટે પણ પ્રથમ ઇનિંગમાં 62 રન બનાવ્યા. જ્યારે ટેલ-એન્ડર્સે ટૂંકી ઇનિંગ રમી અને ઇંગ્લિશ ટીમને 465 ના સ્કોર સુધી પહોંચાડી.
બીજી ઇનિંગ પછી થઈ હતી જીતની ભવિષ્યવાણી
ભારતની બીજી ઇનિંગમાં ટીમ ઇન્ડિયા તરફથી રિષભ પંતનું બેટ ફરી ચમક્યું હતું. પંતે બીજી ઇનિંગમાં 118 રન બનાવ્યા. બીજી બાજુ કેએલ રાહુલે પણ 137 રન બનાવ્યા. આ ઇનિંગના આધારે ભારતે બીજી ઇનિંગમાં સ્કોરબોર્ડ પર 364 રન બનાવ્યા અને ઇંગ્લેન્ડ સામે 371 રનનો લક્ષ્યાંક મૂક્યો. ઘણા અનુભવી ખેલાડીઓએ ચોથા દિવસે જ ભારતની જીતની આગાહી કરી હતી, પરંતુ પાંચમા દિવસે આ ચાર દિવસની ચાંદનીનો અંત આવ્યો.
પાંચમા દિવસે ચાર દિવસની ચાંદનીનો આવ્યો અંત
પાંચમા દિવસે ઇંગ્લેન્ડને જીતવા માટે 350 રનની જરૂર હતી. ભારતીય બોલિંગ ઓપનિંગ જોડીને આઉટ કરવામાં સંપૂર્ણપણે નિષ્ફળ ગઈ. બન્ને ઓપનર આઉટ થયા ત્યાં સુધીમાં મેચ હાથમાંથી સરકી ગઈ હતી. જેક ક્રાઉલીએ 62 રનની ઇનિંગ રમી હતી જ્યારે બીજા છેડે રહેલા બેન ડકેટ કાલ સાબિત થયો હતો. તેમણે 97 રનના સ્કોર પર લાઇફલાઇન મેળવી અને 149 રનની મેચ વિનિંગ ઇનિંગ રમી. જો રૂટે અડધી સદી ફટકારીને બાકીનું કામ કર્યું. બેન સ્ટોક્સ (33) અને જેમી સ્મિથે પણ ઇંગ્લેન્ડની જીતમાં ફાળો આપ્યો. ઇંગ્લેન્ડની ટીમે 5 વિકેટથી મેચ જીતીને સિરીઝમાં 1-0ની લીડ મેળવી લીધી છે.
