 "IND vs ENG: ઈંગ્લેન્ડ સામે ભારતીય ટીમે રચ્યો ઇતિહાસ, 47 વર્ષ જૂનો રેકોર્ડ તોડ્યો")
IND vs ENG: ભારત અને ઇંગ્લેન્ડ વચ્ચે 5 મેચની ટેસ્ટ શ્રેણી રમાઈ રહી છે. આ શ્રેણીમાં ભારતીય બેટ્સમેનોએ ઘણા રન બનાવ્યા છે. ભારતે ઇંગ્લેન્ડ સામે ઘણા રેકોર્ડ તોડ્યા છે. ટીમ ઇન્ડિયાએ અત્યાર સુધી રમાયેલી તમામ ટેસ્ટ શ્રેણીમાં આ શ્રેણીમાં સૌથી વધુ રન બનાવ્યા છે. આ ઉપરાંત ભારતીય બેટ્સમેનોએ અત્યાર સુધી રમાયેલી તમામ ટેસ્ટ શ્રેણીમાં સૌથી વધુ ટેસ્ટ સદી પણ આ શ્રેણીમાં ફટકારી છે.
ભારતીય ટીમે રચ્યો ઇતિહાસ
5 મેચોની રમાયેલી ટેસ્ટ શ્રેણીમાં ભારતે અત્યાર સુધીમાં 12 સદી ફટકારી છે. ટેસ્ટ ક્રિકેટના ઇતિહાસમાં કોઈપણ શ્રેણીમાં ભારત દ્વારા ફટકારવામાં આવેલી આ સૌથી વધુ સદી છે. આ પહેલા ભારતીય ટીમે લગભગ 47 વર્ષ પહેલા એટલે કે 1978 માં વેસ્ટ ઇન્ડીઝ સામે રમાયેલી ટેસ્ટ શ્રેણીમાં 11 સદી ફટકારી હતી. 1955 માં ન્યુઝીલેન્ડ સામે રમાયેલી ટેસ્ટ શ્રેણીમાં ભારતીય બેટ્સમેનોએ કુલ 9 સદી ફટકારી હતી. એટલે કે હવે ઇંગ્લેન્ડ સામે રમાયેલી ટેસ્ટ શ્રેણીમાં ભારતીય બેટ્સમેનોએ 12 સદી ફટકારીને ઇતિહાસ રચ્યો છે.
આ બેટ્સમેનોએ બાંધી સમા
ઇંગ્લેન્ડ સામે રમાયેલી ટેસ્ટ શ્રેણીમાં ભારત તરફથી શુભમન ગિલે સૌથી વધુ સદી ફટકારી હતી. તેણે કુલ 4 સદી ફટકારી હતી. કેએલ રાહુલે પણ 2 સદી ફટકારી હતી. આ ઉપરાંત, વિકેટકીપર બેટ્સમેન ઋષભ પંતે પણ 4 મેચની 7 ઇનિંગ્સમાં 2 સદી ફટકારી હતી. આ ઉપરાંત યશસ્વી જયસ્વાલે પણ 2 સદી ફટકારી છે. માન્ચેસ્ટરમાં રમાયેલી ચોથી ટેસ્ટ મેચમાં રવિન્દ્ર જાડેજા અને વોશિંગ્ટન સુંદરે પણ 1-1 સદી ફટકારી હતી.
ગિલ અને રાહુલે બનાવ્યા સૌથી વધુ રન
શુભમન ગિલે ઇંગ્લેન્ડ સામે રમાયેલી 10 ઇનિંગ્સમાં 754 રન બનાવ્યા. તેમણે આ સીરિઝમાં અત્યાર સુધી સૌથી વધુ રન બનાવ્યા છે. આ ઉપરાંત કેએલ રાહુલે પણ 532 રન બનાવ્યા. જ્યારે ઋષભ પંતે પણ 479 રન બનાવ્યા.
એક ટેસ્ટ શ્રેણીમાં ભારત માટે સૌથી વધુ ટેસ્ટ સદીઓ
ક્રમાંક. વિરોધી ટીમ વર્ષ ભારત દ્વારા ફટકારવામાં આવેલી ટેસ્ટ સદીઓ
૧ ઈંગ્લેન્ડ ૨૦૨૫ ૧૨*
૨ વેસ્ટ ઈન્ડિઝ ૧૯૭૮ ૧૧
૩ ન્યુઝીલેન્ડ ૧૯૫૫ ૯
૪ શ્રીલંકા ૨૦૦૯ ૯
૫ ઈંગ્લેન્ડ ૨૦૧૬ ૯
)