IND vs PAK : થઈ ગઈ જાહેરાત...વર્લ્ડ કપમાં ટકરાશે ભારત-પાકિસ્તાન, આ વર્ષે ભારતમાં યોજાશે મેચ, શેડ્યૂલ અપડેટ

IND vs PAK : મેદાન પર ભારત અને પાકિસ્તાન વચ્ચેનો જંગ જોવા માટે ચાહકો આતુર હોય છે. ક્રિકેટ હોય કે અન્ય કોઈ રમત, જો ટક્કર ભારત અને પાકિસ્તાન વચ્ચે હોય તો ચાહકોમાં જે ક્રેઝ છે તે જોવા લાયક છે. બંને દેશો વચ્ચે તાજેતરના તણાવ પછી એવું માનવામાં આવતું હતું કે તેની મેદાન પર અસર પડશે. જોકે, હવે ચાહકો માટે એક સારા સમાચાર આવ્યા છે, કારણ કે ભારત-પાકિસ્તાન ટીમો હોકીના મેદાન પર એકબીજાનો સામનો કરવા જઈ રહી છે. આ વર્ષના અંતમાં નવેમ્બર-ડિસેમ્બરમાં યોજાનાર આગામી FIH હોકી મેન્સ જુનિયર વર્લ્ડ કપમાં ભારત અને પાકિસ્તાનને એક જ પૂલમાં મૂકવામાં આવ્યા છે. ભારત આ ટુર્નામેન્ટનું યજમાન છે.

ભારત અને પાકિસ્તાન એક જ પૂલમાં

નવેમ્બર-ડિસેમ્બરમાં ભારતના તમિલનાડુમાં યોજાનાર આગામી FIH હોકી મેન્સ જુનિયર વર્લ્ડ કપ માટે યજમાન ભારત અને પાકિસ્તાનને એક જ પૂલમાં મૂકવામાં આવ્યા છે. સ્પર્ધા માટેનો ડ્રો શનિવારે સ્વિટ્ઝર્લૅન્ડના લૌઝેનમાં યોજાયો હતો જેમાં પ્રથમ વખત 24 ટીમો ભાગ લેશે જેમને છ પૂલમાં વિભાજિત કરવામાં આવી છે. FIH હોકી મેન્સ જુનિયર વર્લ્ડ કપ ભારતમાં 28 નવેમ્બરથી 10 ડિસેમ્બર દરમિયાન ચેન્નાઈ અને મદુરાઈમાં રમાશે. જર્મની વર્તમાન જુનિયર મેન્સ વર્લ્ડ ચેમ્પિયન છે, જેણે 2023 સીઝનની ફાઇનલમાં ફ્રાન્સને 2-1થી હરાવીને રેકોર્ડ 7મો ખિતાબ જીત્યો હતો.

હાર સહન ના કરી શક્યો કેપ્ટન, વિદેશ પ્રવાસ વચ્ચે જ અચાનક છોડી દીધી ટેસ્ટ ટીમની કમાન

પ્રથમ વખત 24 ટીમો ભાગ લેશે

FIH પ્રમુખ તૈયબ ઇકરામ હોકી ઇન્ડિયાના સેક્રેટરી જનરલ ભોલાનાથ સિંહ અને હોકી ઇન્ડિયાના ડિરેક્ટર જનરલ કમાન્ડર આરકે શ્રીવાસ્તવ સાથે ડ્રો સમારોહમાં હાજરી આપી હતી. ડ્રો સમારોહ પહેલા, તૈયબ ઇકરામે કહ્યું, 'મારા માટે ખૂબ જ આનંદની વાત છે કે આપણે આ મહત્વપૂર્ણ ક્ષણ પહેલા અહીં છીએ, કારણ કે આપણે પ્રથમ 24 ટીમોના જુનિયર હોકી વર્લ્ડ કપ તરફ સફર શરૂ કરી રહ્યા છીએ!' આ ઉભરતા દેશો સહિત તમામ દેશોના યુવાનોને સશક્ત બનાવવા અને તેમને સામેલ કરવાની FIH વ્યૂહરચનાનો એક ભાગ છે અને આ ઇવેન્ટ આમ કરવા તરફનું પ્રથમ પગલું હશે.'