Online Gaming Bill 2025 Impact On Dream11: ભારત સરકાર દ્વારા ઓનલાઈન ગેમિંગ બિલ રજૂ કર્યા પછી ડ્રીમ 11નું ભવિષ્ય જોખમમાં હોય તેવું લાગે છે. એવું માનવામાં આવે છે કે, આ તેના પતનની શરૂઆત છે. જો કે, આ પહેલી કંપની નથી જે ભારતીય ક્રિકેટ ટીમ સાથે સંકળાયેલા હોવા છતાં કાનૂની લડાઈમાં ફસાઈ છે.
)
Online Gaming Bill 2025 Impact On Dream11: ભારતીય ક્રિકેટ કંટ્રોલ બોર્ડ ક્રિકેટ બિઝનેસ વર્લ્ડનો પારસ છે. એવું માનવામાં આવે છે કે, જેને પણ સ્પર્શે છે તે હીરો બની જાય છે. ક્રિકેટરોને કરોડોપતિ બનાવનાર આ બોર્ડમાં જોડાવા માટે કંપનીઓની હોડ લાગે છે. કંપનીઓ જર્સી સ્પોન્સરશિપ માટે ગમે તેટલી કિંમચ ચૂકવવા તૈયાર રહે છે. ટીમની દરેક મેચમાં ખેલાડીઓ ટીમ સ્પોન્સરનું નામ ધરાવતી જર્સી પહેરે છે. સ્પોન્સરશિપ ડીલ કરતી કંપની મોટા નફાની અપેક્ષા રાખે છે. જો કે, આ ડીલ જેટલી સારી લાગે છે, તેટલી જ ખતરનાક પણ છે.
2001 પછી ભારતીય ક્રિકેટ ટીમને સ્પોન્સર કરનારી (BCCI સાથે ભાગીદારી કર્યા પછી) દરેક કંપની કોઈને કોઈ કાનૂની અથવા નાણાકીય વિવાદમાં ફસાયેલી જોવા મળી છે. આ યાદીમાં ડ્રીમ 11નું નવું નામ પણ ઉમેરાયું છે. ડ્રીમ 11 2023માં ભારતની ટીમ સ્પોન્સર બની હતી. હાલમાં ભારત સરકારે 21 ઓગસ્ટના રોજ ઓનલાઈન ગેમિંગ બિલ 2025 પસાર કર્યા પછી ડ્રીમ 11 અનિશ્ચિત સ્થિતિમાં જોવા મળી રહી છે. નવા બિલ અનુસાર તમામ રીઅલ-મની ગેમિંગ એપ્લિકેશનો પર સંપૂર્ણ પ્રતિબંધ લગાવવામાં આવ્યો છે.
નવું બિલ ડ્રીમ 11ને કેવી રીતે કરશે અસર
સૌથી પહેલા ચાલો સમજીએ કે, ઓનલાઈન ગેમિંગ પ્રમોશન અને રેગ્યુલેશન બિલ 2025 ડ્રીમ 11ને કેવી અસર કરશે. આ બિલમાં કોઈપણ એપ કે ગેમ જેમાં રીઅલ-ટાઇમ મની ઇન્વેસ્ટિંગ (રીઅલ ટાઇમમાં વધુ રૂપિયા કમાવવા માટે રૂપિયા ખર્ચવા) શામેલ હોય છે તે સંપૂર્ણપણે પ્રતિબંધિત કરવામાં આવશે (પછી ભલે તે નસીબ આધારિત હોય કે કૌશલ્ય આધારિત). ડ્રીમ 11 સ્કિલ-આધારિત શ્રેણીમાં આવે છે, જ્યાં યુઝર્સ ફેન્ટેસી ટીમો બનાવે છે અને ખેલાડીઓ સારું પ્રદર્શન કરે તો વધુ કમાણી કરવાની આશામાં તેના પર રૂપિયા લગાવે છે. આનો અર્થ એ છે કે ડ્રીમ 11 નવા બિલ એપ અનુસાર આવે છે, જેના પર પ્રતિબંધ લાગી શકે છે.
રાષ્ટ્રપતિની મંજૂરી પછી ગેમિંગ એપ્સ પર મૂકવામાં આવશે પ્રતિબંધ
નવું ગેમિંગ બિલ લોકસભા અને રાજ્યસભા બન્નેમાં પસાર થઈ ગયું છે અને હવે તેને કાયદો બનવા માટે ફક્ત રાષ્ટ્રપતિની મંજૂરીની જરૂર છે, ત્યારબાદ ડ્રીમ 11 સહિત તમામ રીઅલ ટાઇમ મની ગેમિંગ એપ્સ પર તાત્કાલિક પ્રતિબંધ મૂકવામાં આવશે.
BCCI બિઝનેસમાં સૌથી મોટો શાપ!
આ રીતે Dream 11 હવે કાનૂની મુશ્કેલીઓનો સામનો કરી રહ્યી છે અને તે BCCI ટીમના પ્રાયોજકોની અનિચ્છનીય યાદીનો ભાગ છે. જેઓ ભારતીય ક્રિકેટ ટીમ સાથેની ભાગીદારી પછી કોઈ પ્રકારની મુશ્કેલીમાં ફસાઈ ગયા છે. જો જોવામાં આવે તો Dream11 એકમાત્ર કંપની નથી જે બરબાદ થવાના આરે છે. આ પહેલા ઘણી કંપનીઓ બરબાદ થઈ ગઈ છે, ચાલો જાણીએ...
સહારા: 2001થી 2013
એક સમય હતો જ્યારે સહારાનો લોગો ભારતીય ક્રિકેટ જર્સીનો પર્યાય રહ્યો હતો. 2003ના વર્લ્ડ કપ ફાઇનલના દુ:ખદ ઘટનાથી લઈને 2011ના ગૌરવ સુધી સહારા ભારતીય ક્રિકેટ ટીમની જર્સી પર જોવા મળતું હતું. ત્યારબાદ એક સમય આવ્યો જ્યારે સહારા લગભગ ખતમ થઈ ગયું હતું. 3 કરોડ રોકાણકારો પાસેથી લગભગ 24,000 કરોડ રૂપિયા એકત્ર કર્યા પછી સહારા ગ્રુપને નિયમનકારી ઉલ્લંઘન બદલ સેબી તરફથી કાર્યવાહીનો સામનો કરવો પડ્યો. સુપ્રીમ કોર્ટે રકમ જમા કરાવવાનો આદેશ આપ્યો, પરંતુ પાલન ન થવાને કારણે 2014માં સુબ્રત રોયની ધરપકડ કરવામાં આવી. 2023માં તેમના અવસાન પછી પણ રૂપિયા વસૂલવાના પ્રયાસો ચાલુ છે.
સ્ટાર ઇન્ડિયા: 2014થી 2017
સ્ટાર ઇન્ડિયાએ સહારાનું સ્થાન લીધું. ધોની અને સચિન પછી કોહલી અને રોહિત જેવા આધુનિક સ્ટાર્સ ટીમ ઇન્ડિયામાં ઉભરી આવ્યા. જર્સી પર આ બ્રાન્ડની હાજરી એક નવા ક્રિકેટ યુગનું પ્રતીક હતું, પરંતુ તેની બિઝનેસ સફળતામાં ઘટાડો થયો. વોલ્ટ ડિઝનીની માલિકીની સ્ટારને બજારમાં પ્રભુત્વના દુરુપયોગ માટે તપાસનો સામનો કરવો પડ્યો. કોમ્પિટિશન કમિશન ઓફ ઇન્ડિયા (CCI)એ તપાસ શરૂ કરી. બાદમાં હોટસ્ટારને Jio સાથે મર્જ કરવું પડ્યું. સ્ટાર ઇન્ડિયા માટે આ સૌથી મોટો ઝટકો હતો.
ઓપ્પો: Oppo 2017થી 2020
ઓપ્પોએ 1079 કરોડ રૂપિયાનો મોટો સોદો કર્યો હતો, પરંતુ ઓછા રિટર્નને કારણે તે ટૂંક સમયમાં જ તેમાંથી બહાર નીકળી ગઈ. નોકિયા અને ઇન્ટરડિજિટલ સાથેના પેટન્ટ વિવાદોને લઈ કાનૂની લડાઈઓએ તેની પ્રતિષ્ઠાને વધુ નુકસાન પહોંચાડ્યું. બાયજુએ ઓપ્પોની નાણાકીય શરતોનું સન્માન કરીને મેદાનમાં ઉતરી, પરંતુ ટૂંક સમયમાં જ તેને મુશ્કેલીઓનો સામનો કરવો પડ્યો. BCCIએ 2023 સુધીમાં 158 કરોડ રૂપિયાના ડિફોલ્ટ માટે NCLTમાં અરજી કરી, જેનાથી એડટેક જાયન્ટની વધતી જતી નાણાકીય મુશ્કેલીઓમાં વધારો થયો.
BYJU’S: 2020થી 2022
BYJU’Sએ શાનદાર પ્રવેશ કર્યો હતો, પરંતુ ટૂંક સમયમાં જ તે પતનની અણી પર આવી ગઈ. ચુકવણી ડિફોલ્ટ, નાદારીની અરજીઓ અને નિયમનકારી ચકાસણીને કારણે એક સમયે ચર્ચામાં રહેલ એડટેક યુનિકોર્ન ક્રિકેટ બોર્ડ સાથે કોર્ટમાં કામચલાઉ સમાધાન છતાં ટકી રહેવા માટે સંઘર્ષ કરી રહી છે.
ડ્રીમ 11 2023થી જર્સી સ્પોન્સર છે
2026 સુધી જર્સી સ્પોન્સર રહેલું ડ્રીમ11 હવે અનિશ્ચિતતાઓનો સામનો કરી રહ્યી છે. BCCI દ્વારા સટ્ટાબાજી અને રીઅલ મનના જુગાર સાથેના તેના સંબંધોને લઈ સતર્ક રહેવાના કારણે ડ્રીમ 11ની કાયદેસરતા સમીક્ષા હેઠળ છે. કંપનીને અગાઉ 1,200 કરોડ રૂપિયાની GST ચોરીના આરોપમાં ટેક્સ માંગણી કરવામાં આવી હતી. જો કે, એક નોટિસ પાછી ખેંચી લેવામાં આવી હતી, GST અધિકારીઓ તરફથી નવી તપાસની અપેક્ષા છે. આનાથી તેનું ભવિષ્ય જોખમમાં મુકાયું છે.
