 "એશિયા કપ 2025 પહેલા આ ક્રિકેટરનું અચાનક નિધન, અકસ્માતમાં ગુમાવ્યો જીવ")
)
Cricketer Died : જમ્મુ-કાશ્મીરના પૂંછ જિલ્લામાં એક હૃદયદ્રાવક ઘટના પ્રકાશમાં આવી છે. એક ક્રિકેટરનું માર્ગ અકસ્માતમાં નિધન થયું છે. આ અકસ્માત ત્યારે થયો જ્યારે એક વ્યક્તિએ અચાનક તેની કારનો દરવાજો ખોલ્યો, જે બાઇક ચલાવતા ક્રિકેટર સાથે અથડાઈ. જમ્મુ-કાશ્મીરના પૂંછ જિલ્લાના સ્થાનિક ક્રિકેટર ફરીદ હુસૈનનું રોડ અકસ્માતમાં નિધન થયું છે. આ અકસ્માતના દ્રશ્યો સીસીટીવી ફૂટેજમાં કેદ થયો હતો.
આ ક્રિકેટરનું અચાનક નિધન
'ઇન્ડિયા ટુડે'ના અહેવાલ મુજબ, ફરીદ હુસૈન તેની ટુ વ્હીલર ચલાવી રહ્યો હતો, ત્યારે એક વ્યક્તિએ અચાનક તેની કારનો દરવાજો ખોલ્યો, જ્યારે આ ક્રિકેટર કાર પાસેથી પસાર થવાનો હતો. ફરીદ હુસૈન કારના દરવાજા સાથે અથડાઈ ગયો અને તે તરત જ જમીન પર પડી ગયો. પછી ત્યાંથી પસાર થતા લોકો તેને મદદ કરવા દોડી ગયા. ફરીદ હુસૈન જમીન પર પડતાની સાથે જ ગંભીર રીતે ઘાયલ થયો અને બાદમાં તેનું નિધન થયું.
આ પહેલા પણ એક દિગ્ગજે અકસ્માતમાં જીવ ગુમાવ્યો હતો
તમને જણાવી દઈએ કે ફરીદ હુસૈન માત્ર એક તેજસ્વી ક્રિકેટર જ નહીં પરંતુ તેના પ્રદેશના ઘણા યુવા ખેલાડીઓ માટે પ્રેરણારૂપ હતા. ફરીદ હુસૈનના મૃત્યુથી તેમના પરિવારમાં શોકનું વાતાવરણ છે. તમને જણાવી દઈએ કે 14 મે 2022ના રોજ એક કાર અકસ્માતને કારણે ઓસ્ટ્રેલિયાના અનુભવી ક્રિકેટર એન્ડ્રુ સાયમન્ડ્સનું પણ અવસાન થયું હતું. 14 મે 2022ના રોજ ક્વીન્સલેન્ડના ટાઉન્સવિલેમાં એન્ડ્રુ સાયમન્ડ્સની કાર રસ્તા પરથી પલટી ગઈ હતી. આ અકસ્માતમાં એન્ડ્રુ સાયમન્ડ્સ ગંભીર રીતે ઘાયલ થયા હતા, જેના પછી તેનું અવસાન થયું હતું.
એન્ડ્રુ ફ્લિન્ટોફ અને રિષભ પંત માંડ માંડ બચ્યા
ડિસેમ્બર 2022માં બે દિગ્ગજ ક્રિકેટર ઇંગ્લેન્ડના ભૂતપૂર્વ ઓલરાઉન્ડર એન્ડ્રુ ફ્લિન્ટોફ અને રિષભ પંત એક કાર અકસ્માતમાં માંડ માંડ બચ્યા હતા. બીબીસીના શોના એક એપિસોડનું શૂટિંગ કરતી વખતે એન્ડ્રુ ફ્લિન્ટોફ આ અકસ્માતનો ભોગ બન્યા હતા. તમને જણાવી દઈએ કે 30 ડિસેમ્બર 2022ના રોજ વહેલી સવારે ભારતના સ્ટાર ક્રિકેટર રિષભ પંતની BMW કાર દિલ્હી-દહેરાદૂન હાઇવે પર રોડ ડિવાઇડર સાથે અથડાઈ હતી અને ભયાનક અકસ્માત થયો હતો. પંત અકસ્માતમાં ખરાબ રીતે ઘાયલ થયો હતો અને તેને ટીમ ઈન્ડિયામાં પાછા ફરવામાં દોઢ વર્ષથી વધુ સમય લાગ્યો હતો.
