પાકિસ્તાન સુપર લીગમાં બબાલ...રિઝવાન અને કોલિન મુનરો વચ્ચે ટક્કર, ઈફ્તિખાર પર ગંભીર આરોપ

PSL : પાકિસ્તાન સુપર લીગમાં એક મેચ દરમિયાન કોલિન મુનરો અને મોહમ્મદ રિઝવાન વચ્ચે બબાલ થઈ હતી. આ બબાલનું કારણ પાકિસ્તાની ઓલરાઉન્ડર ઈફ્તિખાર અહેમદ છે. આ ઘટના મંગળવારે રાત્રે મુલ્તાન સુલ્તાન અને ઈસ્લામાબાદ યુનાઈટેડ વચ્ચેની મેચ દરમિયાન બની હતી.

ઈફ્તિખાર પર ચકીંગનો આરોપ

કોલિન મુનરોએ ઈફ્તિખાર અહેમદ પર ચકીંગનો આરોપ લગાવ્યો હતો, જે બાદ વાતાવરણ ગરમ થઈ ગયું હતું. થોડા સમય માટે મેચ રોકવી પડી હતી. આ ઘટના ઈસ્લામાબાદ યુનાઈટેડની ઈનિંગની 10મી ઓવરમાં બની હતી. ઇફ્તિખારે મુનરોના પગની આંગળીઓ પર બોલને યોર્કર કરવાનો પ્રયાસ કર્યો, ત્યારબાદ ન્યૂઝીલેન્ડના બેટ્સમેને બોલને જવા દીધો. મુનરોએ ઈફ્તિખાર તરફ ફરીને ઈશારો કર્યો કે બોલિંગ કરતી વખતે ઈફ્તિખારે તેની કોણી ખોટી રીતે વાળી હતી. તેણે તેના પર સીધો ચકીંગનો આરોપ લગાવ્યો.

અમ્પાયરે દરમિયાનગીરી કરી

મુનરોએ ઈફ્તિખારની નકલ કરતા બતાવ્યું. પાકિસ્તાનના ઓલરાઉન્ડરે આ આરોપને ગંભીરતાથી લીધો નહીં, તે સીધો અમ્પાયર પાસે ગયો અને ખુલાસો માંગ્યો. તેણે મુનરોના વર્તન સામે વિરોધ પણ કર્યો. મામલો વધુ બગડે તે પહેલા અમ્પાયરોએ તરત જ દરમિયાનગીરી કરીને પરિસ્થિતિને શાંત કરવાનો પ્રયાસ કર્યો હતો. આ દરમિયાન મુલતાન સુલ્તાનના ખેલાડીઓ ઇફ્તિખારની આસપાસ આવી ગયા અને મુનરોથી નાખુશ હતા.

રિઝવાન સાથે ઉગ્ર બોલાચાલી

આ દરમિયાન પાકિસ્તાનના સુકાની અને મુલતાનના સુકાની મોહમ્મદ રિઝવાન વચ્ચે પડ્યો હતો. રિઝવાન અને મુનરો વચ્ચે ઉગ્ર દલીલ પણ જોવા મળી હતી. મુનરોએ મેચમાં 45 રનની શાનદાર ઇનિંગ રમી હતી. બ્રેસવેલની બોલ પર મોટો શોટ રમવાનો પ્રયાસ કરતી વખતે મુનરો બાઉન્ડ્રી પર ઈફ્તિખારના હાથે કેચ થયો હતો.