 "IND vs ENG : ICCએ મોહમ્મદ સિરાજને આપી સજા...લોર્ડ્સમાં તેની આ હરકત પર 24 કલાકમાં કાર્યવાહી")
IND vs ENG : લોર્ડ્સ ટેસ્ટ મેચના ચોથા દિવસે ઇંગ્લિશ બેટ્સમેન બેન ડકેટની વિકેટ લીધા પછી ભારતીય ફાસ્ટ બોલર મોહમ્મદ સિરાજે આક્રમક રીતે સેલિબ્રેશન કર્યું. હવે ઇન્ટરનેશનલ ક્રિકેટ કાઉન્સિલ (ICC)એ મોહમ્મદ સિરાજ સામે કાર્યવાહી કરી છે. સિરાજને ICCની આચારસંહિતાના કલમ 2.5ના ઉલ્લંઘન બદલ દોષી ઠેરવવામાં આવ્યો છે.
દંડ સાથે ડિમેરિટ પોઇન્ટ મળ્યો
આના કારણે મોહમ્મદ સિરાજ પર મેચ ફીના 15 ટકા દંડ ફટકારવામાં આવ્યો છે. આંતરરાષ્ટ્રીય મેચ દરમિયાન જ્યારે બેટ્સમેન આઉટ થાય છે ત્યારે અપશબ્દો અથવા એક્સપ્રેશનનો ઉપયોગ કરીને બેટ્સમેનને ઉશ્કેરવો આ કલમ હેઠળ આવે છે. 24 કલાકની અંદર સિરાજ સામે કાર્યવાહી કરવામાં આવી છે. દંડ ઉપરાંત સિરાજને ડિમેરિટ પોઇન્ટ પણ મળ્યો છે. 24 મહિનાના સમયગાળામાં આ સિરાજનો બીજો ગુનો હતો, જેનાથી તેના ડિમેરિટ પોઇન્ટ બે થયા.
India's ace pacer has been penalised for breaching the ICC Code of Conduct on Day 4 at Lord’s.#WTC27 | #ENGvINDhttps://t.co/5GLw5Q6HHf
— ICC (@ICC) July 14, 2025
ઇંગ્લેન્ડની બીજી ઇનિંગમાં બેન ડકેટની વિકેટ લીધા પછી મોહમ્મદ સિરાજ બેટ્સમેનની ખૂબ નજીક આવ્યો. તેણે બેટ્સમેન તરફ જોયું. સિરાજ ઇંગ્લિશ ઓપનર બેન ડકેટની એટલી નજીક આવી ગયો હતો કે તેના ખભા અથડાઈ ગયા હતા. સિરાજનું વર્તન રમતની ભાવના વિરુદ્ધ હતું.
સિરાજે હવે સાવચેત રહેવું પડશે!
હવે મોહમ્મદ સિરાજે મેદાન પર આક્રમક સેલિબ્રેશનથી દૂર રહેવું પડશે. તમને જણાવી દઈએ કે જ્યારે કોઈ ખેલાડી 24 મહિનાના સમયગાળામાં ચાર કે તેથી વધુ ડિમેરિટ પોઈન્ટ મેળવે છે, ત્યારે આ પોઈન્ટ સસ્પેન્શન પોઈન્ટમાં રૂપાંતરિત થાય છે અને ખેલાડી પર પ્રતિબંધ મૂકવામાં આવે છે.
)