એક સાથે 4 ખેલાડીઓ ઈજાગ્રસ્ત, આ ટીમને લાગ્યો મોટો ઝટકો, ખતરનાક બોલર 3 મહિના માટે બહાર

New Zealand Cricket : ન્યુઝીલેન્ડ ઓક્ટોબરથી ઓસ્ટ્રેલિયા, ઇંગ્લેન્ડ અને વેસ્ટ ઇન્ડીઝ સામે ઘરઆંગણે સિરીઝ રમશે. ત્યારબાદ માર્ચ 2026માં દક્ષિણ આફ્રિકા સામે T20 શ્રેણી રમાશે. ત્યારે વિલ ઓ'રોર્ક, ગ્લેન ફિલિપ્સ, ફિન એલન અને મિશેલ સેન્ટનર અલગ અલગ ઇજાઓથી પીડાઈ રહ્યા છે. ન્યુઝીલેન્ડના મુખ્ય કોચ રોબ વોલ્ટર દ્વારા આ વાતનો ખુલાસો કરવામાં આવ્યો.

કોચે માહિતી આપી

વોલ્ટરે ખુલાસો કર્યો કે તે ઓસ્ટ્રેલિયા શ્રેણી માટે સેન્ટનરનું નામ ટીમમાં લેશે અને તે દરમિયાન તેની સર્જરી પછી તેના આરામ અને રિહેબનું મૂલ્યાંકન કરશે. વોલ્ટરે એક મીડિયા રિલીઝમાં જણાવ્યું હતું કે, "અમે આશા રાખીએ છીએ કે જ્યારે અમે થોડા અઠવાડિયામાં અમારી ટીમની જાહેરાત કરીશું, ત્યારે તેનું નામ અમારી ટીમમાં હશે અને ત્યાંથી અમે તેની સર્જરી પછી તેના આરામ અને રિહેબનું મૂલ્યાંકન કરી શકીશું. તે પછી અમે શ્રેણી અંગે નિર્ણય લઈશું."

રોહિત શર્માએ અચાનક કેમ લીધી ટેસ્ટમાંથી નિવૃત્તિ ? 4 મહિના બાદ કર્યો મોટો ખુલાસો

ન્યૂઝીલેન્ડનું આગામી શેડ્યૂલ

ઓસ્ટ્રેલિયા સામે ત્રણ ટી20 મેચ રમ્યા પછી, ન્યુઝીલેન્ડ 18 ઓક્ટોબરથી ઇંગ્લેન્ડ સામે ત્રણ ટી20 અને એટલી જ વનડે મેચ રમશે. ત્યારબાદ તેઓ 5 નવેમ્બરથી વેસ્ટ ઇન્ડીઝ સામે પાંચ ટી20, ત્રણ વનડે અને ત્રણ ટેસ્ટ મેચ રમશે. વેસ્ટ ઇન્ડીઝ શ્રેણી પણ 2025-27 વર્લ્ડ ટેસ્ટ ચેમ્પિયનશિપ (WTC) ચક્રમાં ન્યુઝીલેન્ડની પહેલી સિરીઝ હશે.

ન્યૂઝીલેન્ડના આ ખેલાડીઓ ઈજાગ્રસ્ત

વિલ ઓ'રોર્ક : ન્યુઝીલેન્ડ ક્રિકેટે એક મીડિયા રિલીઝમાં જણાવ્યું હતું કે યુવા ફાસ્ટ બોલર વિલ ઓ'રોર્કને કમરના નીચેના ભાગમાં સ્ટ્રેસ ફ્રેક્ચર થયું છે. આ કારણે તે ત્રણ મહિના માટે રમતથી બહાર રહેશે. આ મહિનાની શરૂઆતમાં ઝિમ્બાબ્વે સામેની પહેલી ટેસ્ટ દરમિયાન તેને આ ઈજા થઈ હતી.

ગ્લેન ફિલિપ્સ અને ફિન એલન : ઓલરાઉન્ડર ગ્લેન ફિલિપ્સને જાંઘમાં ઈજા થઈ છે. ઓપનર ફિન એલન તેના જમણા પગમાં સર્જરીમાંથી સ્વસ્થ થઈ રહ્યો છે. આ બંને ખેલાડીઓ 1 ઓક્ટોબરથી ચેપલ-હેડલી ટ્રોફી માટે ઓસ્ટ્રેલિયા સામે શરૂ થનારી ત્રણ મેચની T20 શ્રેણીમાંથી બહાર થઈ ગયા છે. ફિન એલન ત્રણ મહિના માટે બહાર રહે તેવી શક્યતા છે, જ્યારે ફિલિપ્સની ઈજાનું એક મહિના પછી ફરીથી મૂલ્યાંકન કરવામાં આવશે.

મિશેલ સેન્ટનર : મર્યાદિત ઓવરના કેપ્ટન મિશેલ સેન્ટનર તાજેતરમાં 'ધ હંડ્રેડ'માં રમીને પાછો ફર્યો છે. તે પણ ઈજાથી પીડાઈ રહ્યો છે. તેને એબ્ડોમીનલ સર્જરી કરાવવી પડશે અને તેને સ્વસ્થ થવામાં એક મહિનાનો સમય લાગશે. તે ઓસ્ટ્રેલિયા શ્રેણી માટે ફિટ થવાની રેસમાં છે.