 "703 વિકેટ લેનાર આ ખેલાડી બનશે ટીમ ઈન્ડિયાના સિલેક્ટર, જાડેજાના કારણે ખતમ થયું હતું કરિયર!")
Indian Cricket Team : ભારતીય પુરુષ ટીમની પસંદગી સમિતિના પ્રમુખ અજિત અગરકરનો કાર્યકાળ જૂન 2026 સુધી લંબાવવામાં આવ્યો છે, તો પૂર્વ ભારતીય ક્રિકેટર પ્રજ્ઞાન ઓઝા ભારતીય પુરુષ ટીમની પસંદગી સમિતિનો ભાગ બની શકે છે, તેવી અટકળો છે. શુક્રવારે BCCIએ તેની પુરુષ પસંદગી સમિતિમાં બે પદો માટે અરજીઓ મંગાવી છે.
પ્રજ્ઞાન ઓઝાની આંતરરાષ્ટ્રીય કારકિર્દી
પ્રજ્ઞાન ઓઝાએ 2009થી 2013 વચ્ચે ભારત માટે 24 ટેસ્ટ, 18 ODI અને 6 T20 મેચ રમી છે. તે સ્પિન-ફ્રેન્ડલી પિચો પર ખૂબ જ અસરકારક રહ્યો હતો અને કુલ 113 વિકેટ લીધી હતી, જેમાં ટેસ્ટમાં સાત વખત એક ઇનિંગમાં પાંચ વિકેટ લેવાનો સમાવેશ થાય છે. તેમણે વનડેમાં 21 અને ટી20માં 10 વિકેટ લીધી છે. રવિન્દ્ર જાડેજાના વધતા પ્રભાવને કારણે તેમની કારકિર્દી લાંબો સમય ટકી શકી નહીં. જાડેજા ડાબોડી સ્પિનર હોવાની સાથે સાથે એક મહાન બેટ્સમેન પણ છે. ઓઝા કરતાં તેને પ્રાથમિકતા આપવામાં આવી હતી.
ઓઝાએ 703 વિકેટ લીધી
IPLમાં ઓઝાએ ડેક્કન ચાર્જર્સ અને મુંબઈ ઇન્ડિયન્સનું પ્રતિનિધિત્વ કર્યું. આ દરમિયાન તેમણે 92 મેચોમાં 7.36ની ઇકોનોમી સાથે 89 વિકેટ લીધી. તેમની કારકિર્દીમાં તેમણે ફર્સ્ટ ક્લાસ, લિસ્ટ A અને તમામ T20 મેચો સહિત 703 વિકેટ લીધી. તેમની પાસે ઘણો અનુભવ છે અને BCCI તેનો લાભ લઈ શકે છે.
BCCIએ અરજી નિયમો જાહેર કર્યા
બોર્ડે બે પદો માટે અરજીઓ મંગાવી છે અને પાત્રતા માપદંડ પણ નક્કી કર્યા છે. પાત્ર બનવા માટે ઉમેદવારે ઓછામાં ઓછી 7 ટેસ્ટ અથવા 30 ફર્સ્ટ ક્લાસ મેચ, અથવા 10 ODI અને 20 ફર્સ્ટ ક્લાસ મેચ રમી હોવી જોઈએ. આ ઉપરાંત, ઉમેદવારે ઓછામાં ઓછા 5 વર્ષ પહેલાં રમતમાંથી નિવૃત્તિ લીધી હોવી જોઈએ અને કુલ 5 વર્ષ સુધી BCCIની કોઈપણ ક્રિકેટ સમિતિનો સભ્ય ન હોવો જોઈએ. હાલમાં પસંદગી સમિતિનું નેતૃત્વ ભૂતપૂર્વ ભારતીય ફાસ્ટ બોલર અજિત અગરકર કરી રહ્યા છે. તેમના ઉપરાંત તેમાં શિવ સુંદર દાસ (મધ્ય ઝોન), સુબ્રતો બેનર્જી (પૂર્વ ઝોન), અજય રાત્રા (ઉત્તર ઝોન) અને શરથ (દક્ષિણ ઝોન)નો સમાવેશ થાય છે.
)