 "પુજારા બાદ વધુ એક ભારતીય ક્રિકેટરે અચાનક લીધી નિવૃત્તિ, એશિયા કપ 2025 પહેલા ચોંકાવનારો નિર્ણય")
)
Ravichandran Ashwin IPL Retirement : ભારતના સ્ટાર ઓફ-સ્પિનર રવિચંદ્રન અશ્વિને હવે ઇન્ડિયન પ્રીમિયર લીગ (IPL)માંથી નિવૃત્તિની જાહેરાત કરી છે. રવિચંદ્રન અશ્વિને બુધવાર, 27 ઓગસ્ટના રોજ પોતાના સોશિયલ મીડિયા એકાઉન્ટ પર આ નિર્ણયની જાહેરાત કરી. આ દિગ્ગજ સ્પિનરે IPLમાં 221 મેચ રમી અને 187 વિકેટ લીધી. રવિચંદ્રન અશ્વિને IPLમાં પાંચ ટીમો માટે રમ્યો છે અને આ ટુર્નામેન્ટમાં પંજાબ કિંગ્સનું નેતૃત્વ પણ કર્યું છે. રવિચંદ્રન અશ્વિને ચેન્નાઈ સુપર કિંગ્સ, પંજાબ કિંગ્સ, દિલ્હી કેપિટલ્સ, રાજસ્થાન રોયલ્સ અને રાઇઝિંગ પુણે સુપરજાયન્ટ્સ માટે રમી છે.
ચેતેશ્વર પૂજારાએ આંતરરાષ્ટ્રીય ક્રિકેટમાંથી નિવૃત્તિ લીધાના માત્ર ત્રણ દિવસ પછી, ભારતના સ્ટાર ઓફ-સ્પિનર રવિચંદ્રન અશ્વિને IPLમાંથી નિવૃત્તિની જાહેરાત કરી છે. રવિચંદ્રન અશ્વિન IPL ઇતિહાસમાં યુઝવેન્દ્ર ચહલ, ભુવનેશ્વર કુમાર, સુનીલ નારાયણ અને પીયૂષ ચાવલા પછી પાંચમા ક્રમે સૌથી વધુ વિકેટ લેનાર બોલર તરીકે નિવૃત્ત થયા. રવિચંદ્રન અશ્વિને 2025માં ચેન્નાઈ સુપર કિંગ્સ માટે પોતાની છેલ્લી IPL સિઝન રમી હતી. રવિચંદ્રન અશ્વિને IPL 2025માં પોતાની 9 મેચમાં 7 વિકેટ લીધી હતી અને 33 રન બનાવ્યા હતા.
રવિચંદ્રન અશ્વિન વિવાદોમાં ફસાયો હતો
રવિચંદ્રન અશ્વિન પણ વિવાદોમાં ફસાયો હતો. IPL 2025 સીઝનમાં, રવિચંદ્રન અશ્વિનની યુટ્યુબ ચેનલને કારણે ટીકા થઈ હતી. રવિચંદ્રન અશ્વિનની યુટ્યુબ ચેનલે તેના CSK ટીમના સાથી અફઘાન સ્પિનર નૂર અહેમદની ટીકા કરી હતી. ચેનલના વિશ્લેષક પ્રસન્ના અગોરમે દલીલ કરી હતી કે CSK ટીમમાં નૂર અહેમદની જરૂર નથી.
