22 વર્ષની ઉંમરમાં રિષભ પંતની પાસે એમએસ ધોનીથી વધુ નેચરલ ટેલેન્ટઃ આશીષ નેહરા

નવી દિલ્હીઃ ટીમ ઈન્ડિયાના પૂર્વ ફાસ્ટ બોલર આશીષ નેહરા (Ashish Nehra)નું માનવું છે કે 22 વર્ષની ઉંમરમાં રિષભ પંત (Rishabh Pant)ની પાસે 23 વર્ષની ઉંમરે ટીમમાં આવેલા મહેન્દ્ર સિંહ ધોની  (MS Dhoni)ના મુકાબલે વધુ નેચરલ ટેલેન્ટ છે. રિષભ પંતે પરંતુ સતત ખરાબ શોટ સિલેક્શનને કારણે ટીકાઓનો સામનો કરવો પડે છે. 

રિષભ પંત પહેલા સીમિત ઓવરોની ટીમનો નિયમિત સભ્ય હતો પરંતુ ટીમ મેનેજમેન્ટે હવે વનડે આંતરરાષ્ટ્રીયમાં તેના સ્થાન પર કેએલ રાહુલને પ્રમોટ કરવાનું શરૂ કરી દીધું છે. રાહુલે વિકેટની પાછળ અને બેટ, બંન્નેથી સારી રમત રમીને વિકેટકીપર-બેટ્સમેન તરીકે પોતાનું સ્થાન પાક્કુ કરી લીધું છે. રાહુલના રમવાથી ટીમ મેનેજમેન્ટની પાસે વિકલ્પ પણ વધુ રહે છે. 

પરંતુ આશીષ નેહરાને લાગે છે કે જો રિષભ પંત પોતાની ક્ષમતાઓ પ્રમાણે પ્રદર્શન કરી શકે, તો તે ભારત માટે એમએસ ધોનીથી પણ સારો ખેલાડી સાબિત થઈ શકે છે. પરંતુ તેઓ તે પણ માને છે કે પંતે એટલી મહેનત કરવી પડશે જેટલી એમએસ ધોનીએ પોતાના કરિયરમાં કરી છે. 

નેહરાએ કહ્યુ, 'જો તમે મને પૂછો તો રિષભ પંત 14 વર્ષની ઉંમરે સોનટ ક્લબમાં હતો. વિશ્વાસ કરો કે 22 વર્ષની ઉંમરે પંતની પાસે જેટલી નેચરલ ટેલેન્ટ છે એટલી એમએસ ધોનીની પાસે 2004મા 23 વર્ષની ઉંમરે નહતી, જ્યારે તે પ્રથમવાર ભારત માટે રમ્યો હતો. પરંતુ શું પંત એટલી માનસિક દ્રઢતાની સાથે રમી શકશે, જેમ ધોની રમ્યો, તેનાથી તેની સફળતા નક્કી થશે.'