‘રોહિત-વિરાટ સંન્યાસ લેવા માંગતા નહોતા, પણ...’, પૂર્વ ભારતીય ખેલાડીએ હવે કર્યો મોટો ઘટસ્ફોટ

Rohit Sharma And Virat Kohli: પૂર્વ ભારતીય ખેલાડી રોહિત શર્મા અને વિરાટ કોહલીએ તાજેતરમાં ટેસ્ટ ફોર્મેટમાંથી નિવૃત્તિની જાહેરાત કરી હતી. જોકે બંને ખેલાડીઓ ઇંગ્લેન્ડ પ્રવાસ પર રમાયેલી 5 મેચની ટેસ્ટ શ્રેણી માટે તૈયારી કરી રહ્યા હતા. પરંતુ અચાનક બંને ખેલાડીઓએ તેમના સોશિયલ મીડિયા પર નિવૃત્તિની જાહેરાત કરીને બધાને આશ્ચર્યચકિત કરી દીધા. ભૂતપૂર્વ ભારતીય ખેલાડી કરસન ઘાવરીએ હવે રોહિત અને વિરાટની નિવૃત્તિ અંગે એક મોટો ખુલાસો કર્યો છે.

રોહિત શર્મા અને વિરાટ કોહલીની નિવૃત્તિ પર પૂર્વ ખેલાડીએ તોડ્યું મૌન...
ભારતના પૂર્વ સ્ટાર ખેલાડી કરસન ઘાવરીએ કહ્યું કે કોહલીએ ચોક્કસપણે ભારત માટે સરળતાથી રમવાનું ચાલુ રાખવું જોઈતું હતું, કદાચ આગામી થોડા વર્ષો સુધી. પરંતુ ખરેખર કંઈક એવું બન્યું જેના કારણે તેને નિવૃત્તિ લેવાની ફરજ પડી અને કમનસીબે જ્યારે તે નિવૃત્ત થયો, ત્યારે BCCI દ્વારા તેને વિદાય પણ આપવામાં આવી નહોતી.

આ BCCI ના આંતરિક રાજકારણને કારણે થયું છે, જે સમજવું મુશ્કેલ છે. અને મને લાગે છે કે તે જ કારણ છે કે તેણે સમય પહેલા નિવૃત્તિ લીધી. રોહિત શર્માએ પણ સમય પહેલા નિવૃત્તિ લીધી. તેમને બહાર જવા માટે કહેવામાં આવ્યું હતું. એવું નથી કે તે જવા માંગતા હતા. તે રમવાનું ચાલુ રાખવા માંગતા હતા. પરંતુ પસંદગીકારો અને BCCI ના વિચારો અલગ હતા. તે કોઈ પ્રકારની ક્ષુદ્ર રાજનીતિનો મામલો હતો.

તમને જણાવી દઈએ કે કરસન ઘાવરીએ ભારત માટે 39 ટેસ્ટ મેચમાં 913 રન બનાવ્યા છે. આ ઉપરાંત તેમણે 19 વનડે મેચમાં 114 રન બનાવ્યા છે. તેમણે ભારત માટે છેલ્લી મેચ 1981માં રમી હતી.

ODI રમશે રોહિત-વિરાટ 
રોહિત શર્મા અને વિરાટ કોહલી હવે ભારત માટે ODI મેચ ફોર્મેટમાં ભાગ લેશે. બંને ખેલાડીઓએ ભારત માટે છેલ્લી મેચ 2025માં ચેમ્પિયન્સ ટ્રોફીમાં રમી હતી.